Pilipi 1:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Sarī gi, bong itu ku mintu lay na kapilu pa mman bi, magsasōng lagi sina meꞌ bi mudji si Isa Almasi sabapan tabang na mabeleng aku pa mman bi.

Pilipi 1:26 ပူးပေါင်းရင်းမြစ်များ

Yahiya 16:22

Damikiyan, meꞌ naa du sina mintu kahalan bi. Batnaa susa gi kam bay kabaan sakkat na kitabi, sugaꞌ sitammu du sina kitabi pabalik. Taabut mintu ni llaw looy, biddaꞌ na sina ehe kagakan njawom atay bi. Boꞌ yaꞌ sina takaddoan meꞌ soy maka soy na.

Yahiya 16:24

Halloman tabi dambuwaꞌ, yaꞌ gi luu bay paku bi niiya ni awon ku. Sugaꞌ batnaa, maku jaꞌ kam niiya. Mastiꞌ nduwan jaꞌ sina kam supaya pannoꞌ na atay bi leꞌ kagakan.”

2 Korin 5:12

Bitsala ku ilay siꞌ ni suwat tuu, yaꞌ luu maksud ku muhung sinanglitan. Arapun lay jaꞌ ku maan kaam kabanahan supaya luu man bi ngandapitan kami ni siga guru palsu nnaa ma tigiꞌ madiyoꞌ kami. Sila ina, ilooy du hagaan ninsila mantug ntan da, boꞌ yaꞌ san paruli da bong oy niyat njawom atay da.

2 Korin 7:14

Boꞌ ndang lay na silay kam pinag-abbu meꞌ ku ni si Taytus halloman na yaꞌ gi bay pilu pa mman bi. Kahapan yaꞌ du ku bay parapatan bi, batan lay na du tasakup meꞌ si Taytus ayad kawul-piil bi nnaa. Dari yana meꞌ mimon tōꞌ kami ningkaam bana sadjaꞌ, damikiyan, tumatandaꞌ na du ni si Taytus bana du bay sanglit ku pasal kaam.

2 Korin 7:4

Tud kasulutan ku ningkaam sampay daran gi kam pinagbantug meꞌ ku. San yaꞌ taambat kabinsanaan njataꞌ kami, mehe meꞌ ku kagamgaman sabapan bi. Kaam ina poonan kagakan mehe niyaku.

2 Korin 7:6

Kahapan lay du bay pinagamgaman atay kami meꞌ ilooy ma tukang magamgaman atay manusiyaꞌ, yana Tuhan, sabap meꞌ na bay mapitu si Taytus pa mman kami.

Galatiya 6:4

Gam na pindogahan tabi doꞌ dī tabi bong tuwaꞌ pabuwatan tabi atawa niyaꞌ. Bong ina tud tuwaꞌ du, inaa ya pataꞌ man tabi gāk. Daa jaꞌ kitabi meꞌ kasohean ma tigiꞌ manding bong sila lumabi man pagkahi da.

Pilipi 3:1

Na siga danganakan ku, pagakun bi atay bi sabap sukuꞌ Papuꞌ Isa na sina kam. Yaꞌ situ ku jamu magsibalik-balik bitsala njawom suwat tuu batan palbiatan ku itu pa kaayaran ningkaam mari kam yaꞌ takoleꞌ pinagsian.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

Pilipi 4:10

Na ni hāl aseꞌ bi bay nulung aku pabalik bay hallang-hallangan tee siꞌ, mehe meꞌ ku gāk. Maka magsuku du ku ni Papuꞌ Isa. Katoonan ku du ndang hallom na kam gampang niyaku, sugaꞌ maruhuꞌ yaꞌ gi bay luu dapat bi makitahan aseꞌ bi niyaku.

Pilipi 4:4

Na siga danganakan, ni mimon kahalan bi, pagakun bi jaꞌ atay bi sabap sukuꞌ Papuꞌ Isa na kam. Sangkon, meꞌ halling ku na siꞌ, pagakun bi atay bi.