Pilipi 1:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Batan sikamimon ntuu sampay siga sundalu ma nganjagahan astanaꞌ sultan, katoonan da na danan ku bay tajīl isu-isu sabap meꞌ ku masaplag pasal Almasi.

Pilipi 1:13 ပူးပေါင်းရင်းမြစ်များ

Salsila siga Rasul 26:29

Tampung si Pol, “Deꞌ-dēꞌ atawa niyaꞌ, paku ku baw duwaa pa Tuhan, kamura-murahan Ampun Sultan, labba man kau sampay na mimon ma pakale ntuu sumibuꞌ na niyaku mmeꞌ ni si Isa. Sugaꞌ kamura-murahan yaꞌ du kam mintu sumibuꞌ niyaku pinusas ka karina meꞌ tuu.”

Salsila siga Rasul 26:31

boꞌ da lay na pōꞌ. Lān da palakka mandooy, yuk da padangan-padangan, “Yaꞌ bilay la luu dusa lalla looy siꞌ pataꞌ man na binotangan hukuman kapatoy atawa pun njīl.”

Salsila siga Rasul 28:17

Paddus jaꞌ siꞌ tallu ngallaw halloman si Pol ndooy, lay tawag na ga pa-mmean Yahudi ma maglahat ni Rom. Kumpo jaꞌ siꞌ sila, yuk na ninsila, “Siga mbuwaꞌ danganakan, kon ku itu bay tapilisu meꞌ parinta bangsa Rom batan lay ku pinalkalaꞌ meꞌ siga pagkahi tabi Yahudi ndooy ni Jerusalem. Mingkan ilay siꞌ, yaꞌ ku bay buwat dusa ninsila. Boꞌ na, yaꞌ du situ luu arat kabboꞌ-bboan tabi bay langga ku.

Salsila siga Rasul 28:20

“Na kon ku itu bay nawag kaam mari kam tahappatan ku balharapan bong oy sabap ku pinusas ka karina meꞌ tuu. Kon ku itu meꞌ tuu sabap meꞌ ku pitsayaꞌ luu na bay takka tukang nalamat ma masi inagad meꞌ bangsa tabi Israil.”

Salsila siga Rasul 28:30

Na si Pol siꞌ tu, luu duwan taun halloman na bay tamban ni lumaꞌ looy ma bay sukayan na. Maka luu-luu jama luꞌ pilay ngandaꞌ-ngandaꞌ iya, lay jaꞌ du hinasi meꞌ na.

Epesus 3:1

Dari kalnaꞌ kaam siga bangsa saꞌ Yahudi, itu na ga ku lay tajīl sabap meꞌ ku bay masaplagan kaam kabanahan pasal si Isa Almasi.

Epesus 4:1

Na meꞌ aku itu disu sosohoan Papuꞌ njawom jīl sabap meꞌ ku masaplag, junjung ku na ningkaam, bogbogan bi kawul-piil ma tawop ni jama ma bay lliyun meꞌ Tuhan binuwat sukuꞌ na.

Epesus 6:20

Ituu tu man ku halling meꞌ tuu batan luu situ ku ntuu tatalungkuꞌ njawom jīl sabap meꞌ ku masaplag. Pakuhan bi na pin ku duwaa mari ku nawakka mitsala batan ndang inaa pataꞌ subay pabuwat ku.

Pilipi 1:30

Sangkon na ina, kabinsanaan ma bay tasakup bi njataꞌ ku maruhuꞌ sampay ilooy ma bahau jaꞌ bay taaka bi, daa kam jayip bila mintu lay na baw labuꞌ pa jataꞌ bi.

Pilipi 1:7

Pataꞌ du baw situ ku mamiki meꞌ looy siꞌ pasal kaam sabap yaꞌ kam kuhi lakka man jawom atay ku. Batan man maruhuꞌ lagi ngabut sampay batnaa, yaꞌ kam bay jamu nabangan aku. Njawom jīl ku atawa ni poan masaplag sampay nampungan jama ma nual pasal umanat mahap, basta mehe du bay tabang bi niyaku.

Pilipi 4:22

Sampay mimon sukuꞌ Tuhan ntuu, awla na sagannap ma buwat ni jawom astanaꞌ Sultan, lay du nohoꞌ masampay salam duwaa ningkaam.

2 Timuti 2:9

Salla na, sabap meꞌ ku masaplag, daran na ga ku bininsanaꞌ. Sampay lay na ga taabut man ku tatalungkuꞌ njawom jīl binuwat subay ga jama tukang ngalangga saraꞌ. Sugaꞌ san itu ku pinusas ka karina, bong inawnan umanat Tuhan, basta yaꞌ baw sina takoleꞌ kinarinahan.