Pilimun 1:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Ga si Malkus pun ka ga si Aristalkus, si Dimas, ka si Lukas, siga pagkahi ku ma maghulas-sangsāꞌ kalnaꞌ Almasi, lay du bay nohoꞌ masampay salam duwaa da ningkau.

Pilimun 1:24 ပူးပေါင်းရင်းမြစ်များ

Salsila siga Rasul 12:12

Pag tabista si Pitel sumunsayaꞌ na ya, lay ya pilay pa lumaꞌ si Mariyam, nneꞌ si Yahiya Malkus. Ndooy siꞌ, meka sukuꞌ si Isa ndang lay kumpo maku duwaa.

Salsila siga Rasul 12:25

Balik ta pa ga si Balnabas ka si Sol, lay jaꞌ tapasampay da tulung looy siꞌ ni ga pa-mmean siga sukuꞌ si Isa ndooy ni Jerusalem, lay na sila pabeleng pa Antiyok. Sampay lay gi binoo meꞌ da si Yahiya Malkus.

Salsila siga Rasul 13:13

Paddus mandooy, lay na baw ga si Pol ka ga soheꞌ na mmeꞌ taꞌ adjung lakka man Papos song pilay pa daira Pelga ndooy ni Pampilya. Takka jaꞌ sila ndooy, lay na baw si Yahiya Malkus pasakkat sampay lay na ya pabeleng pa Jerusalem.

Salsila siga Rasul 19:29

Dari meꞌ looy na siꞌ, song paeka na pin jama hiluhalaꞌ ni sikaliput daira looy. Dari bbuwatan kasohean lay na ga nungkuban duwa soheꞌ si Pol yana ga si Gayus ka si Aristalkus, ga jama man Masidunya. Boꞌ lay gi sila hinelaꞌ-helaꞌ pilay pa plasa.

Salsila siga Rasul 27:2

Dari siꞌ lay na kami dutai taꞌ disu adjung bay lakka man Aramitiyum ma song maghāsan padisu-padisu daira ndooy ni Asiya. Maka luu du bay mmeꞌ si Aristalkus, disu soheꞌ kami man Tesaloneka ndooy ni Masidunya.

2 Korin 8:23

Na bong sawpama luu pakiyaka bong soy si Taytus, baan bi sila iya limbang ku ngayaran kaam. Maka kuwan siga danganakan tabi ilooy siꞌ sikaduwa ma song mmeꞌ pilu ni si Taytus, baan bi jama nnaa sila ina wakil siga baanan sukuꞌ si Isa Almasi luntuu. Ni lilingan kami, arat-tabiat da ina mōꞌ kabantugan ni Almasi.

Pilipi 2:25

Batnaa, bistahan ku gam na sohoꞌ ku na danganakan tabi si Epaproditus pabeleng pa mman bi, ilooy ma bay sohoꞌ bi nuhiyan tulung bi niyaku. Tud mehe sina tabang na niyaku bilang limbang ku maghulas-sangsāꞌ kalnaꞌ Almasi. Meꞌ ku ngingat, iya disu pagkahi ku sundalu Almasi matangge kabanahan.

Pilipi 4:3

Maka Susugus, meꞌ kau disu pagkahi ku magkanaalla mmeꞌ ni kahandak Tuhan, subay ko nabang nalassay supaya sikatuwaꞌ na ga danda naa sikaduwa. Sila ina bay magtuyuꞌ-tuyuꞌ nabangan aku masaplag umanat mahap. Maka bay du sila nabangan si Kelemen ka siga limbang ku kasohean maghulas-sangsāꞌ kalnaꞌ Almasi. Sila ilay sikamimon, lay na tabeꞌ awon da njawom Būk Kaallum man ngalista awon sagannap ma luu kasampulnaan nyawa da saumu-umu.

Kolossa 4:10

Sarī man naa, luu ntuu si Aristalkus, disu soheꞌ ku ntuu njawom jīl, lay nohoꞌ masampay salam duwaa na ningkaam. Si Malkus pun, yana kaki si Balnabas, lay du nohoꞌ masampay salam duwaa na ningkaam. Bong mintu ya bay pilu, meꞌ ndang bay tugun ku na maruhuꞌ, hasiyun bi sa ya paayad.

Kolossa 4:14

Maka luu gi ntuu siga kakasi tabi Duktul Lukas maka si Demas lay du nohoꞌ masampay salam duwaa da ningkaam.

1 Pitel 5:13

Sarī man naa, luu situ ntuu ni Babilon siga pagkahi tabi ma pitsayaꞌ du ni Papuꞌ Isa lay nohoꞌ masampay salam duwaa da ningkaam. Meꞌ kaam du situ sila bay pineneꞌ meꞌ Tuhan. Si Malkus pun, ma binilang na meꞌ ku anak ku, lay du bay nohoꞌ masampay salam duwaa na ningkaam.

3 Yahiya 1:8

Sangkon subay kita nulung sila supaya kita taitung limbang da masampay tōꞌ sabanna.