Pilimun 1:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Sangkon danganakan, meꞌ kita dambuwaꞌ atay njawman Almasi, pagakun na atay ku. Duwanun na paku ku pasal si Onesimas. Pakitahan nu na ku kaayaran sabap meꞌ nu mmeꞌ ni Papuꞌ.

Pilimun 1:20 ပူးပေါင်းရင်းမြစ်များ

1 Korin 16:18

Tud bay sila magāk atay ku. Nnaa pun ni lahat bi, katoonan ku du lay du sila magāk atay bi. Jama meꞌ sila itu pataꞌ pinakale.

2 Korin 2:2

Batan bong ina kam buwanan ku na baw kasusahan, soy sa nnaa takapin magāk aku?

2 Korin 7:13

Dari pagka lay na halin kadarihan bi, mehe meꞌ kami kagamgaman pasal kaam. Ilooy gi man magsasōng kagakan kami, pag ndaꞌ kami tud bay gāk si Taytus sabapan bi. Batan lay konoꞌ lungay susa atay na pag ndaꞌ na mahap meꞌ bi bay ngahasi suwat looy.

Pilipi 1:8

Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

Pilipi 4:1

Sangkon siga danganakan ku, kakasi ku, kannahun bi bana bay bitsala ku siꞌ mari kam tattog njawman Papuꞌ Isa. Tud ngintom na situ ku ningkaam. Kaam ina yana poonan kagakan ka kabantugan mehe niyaku.

Pilimun 1:12

Batnaa, ilu na sina ya papoleꞌ ku pa mman nu minsan ya meꞌ bigi jantung ku na.

Pilimun 1:7

Tud gāk ku danganakan, maka hayang na situ pamiki ku sabapan aseꞌ nu ni siga pagkahi nu sukuꞌ Tuhan nnaa. Dari man sabapan aseꞌ nu ina, mehe na meꞌ da gāk.

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.

1 Yahiya 3:17

Damikiyan, subay du kitabi nulung siga pagkahi tabi ma njawom sigpit. Bong luu pangabut tabi, boꞌ yaꞌ san kitabi nulung ninsila, pooy meꞌ tabi kabāꞌ maaseꞌ kitabi pa Tuhan?

3 Yahiya 1:4

Gāk ku banahan tuktuk ku kale aka pasal siga anak ku njawman Almasi mmeꞌ ni kabanahan. Bong niyaku, yaꞌ luu kagakan labi gi man naa.