Pilimun 1:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Batnaa, aku na situ si Pol nuwat janjiꞌ ku ningkau ka tangan ku mismu. Oy-oy utang si Onesimas ningkau, aku sa mayad. Kamasaꞌ, bong siꞌ itu kita tud magbista, sa ehe-ehe utang si Onesimas ningkau, mas mehe gi buddi ku njataꞌ nu. Batan danan nu bay nammu kasampulnaan nyawa ma yaꞌ luu katapusan na sabapan man aku.

Pilimun 1:19 ပူးပေါင်းရင်းမြစ်များ

Panagnaan 43:9

Aku sa Maꞌ bahalaꞌ niiya. Janjiꞌ ku baw ningkau bong ya yaꞌ bay salamat pinabalik meꞌ ku pitu pa mman nu, atas ku na labuꞌ pa jataꞌ ku mimon susun halloman ku llum.

Suwat si Pol pa mman Baanan Sukuꞌ si Isa ndooy ni Rom 16:22

Damikiyan aku pun, yana si Teltiyus ma bay sohoꞌ si Pol nuwatan iya suwat tuu, masampay du ku salam duwaa ku pa mman bi batan saliꞌ-saliꞌ du kitabi tibuuk ka Papuꞌ Isa.

1 Korin 4:15

San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

2 Korin 10:1

Na baꞌ-bāꞌ kasohean nnaa, bahani jaꞌ ku bong njawom suwat man katāhan, sugaꞌ bong ni pag-awpan, tammon jaꞌ ku konoꞌ. Maka baꞌ-bāꞌ kasohean nnaa, ilooy du mehe ningkami meꞌ kami nganduwan napsu kami. Sugaꞌ aku tu, akig ku na doꞌ arat-tabiat Almasi meꞌ ku nganjunjung ningkaam. Sangkon magpadiyoꞌ na doꞌ ku maka hanunut-hanunut mitsalahan kaam. Junjung ku na ningkaam, ilagan bi man ku talpaksaꞌ mōꞌ bahani ku naggong sagannap ma māꞌ nganduwan jaꞌ kami napsu kami.

2 Korin 3:2

Batan kaam na sina mismu bilang suwat ma nanglit sampay makila kami. Batan tumatandaꞌ na sina ehe pagbiddaan arat-tabiat bi batnaa ka maruhuꞌ sabap meꞌ bi bay pitsayaꞌ ni umanat kami. Sangkon sibuꞌ du sina kam ka suwat ma moo kabantugan ningkami binatsa meꞌ sikamimon. Boꞌ yaꞌ na sina kam kuhi lakka man jawom atay kami.

2 Korin 9:4

Batan bong ina mintu luu bay mmeꞌ niyaku siga danganakan mantuu ni Masidunya ngahās tulung bi, boꞌ yaꞌ gi kam bay sakap, labba man aku sampay kaam, hinaꞌ sina kitabi.

Galatiya 5:2

Indanan bi bitsala ku. Bong ina kam nohoꞌ inislam sabap kanna bi inaa man bi initung meꞌ Tuhan intong, malaingkan yaꞌ sina luu pūs Almasi ningkaam samasakali.

Galatiya 6:11

Na ni katapusan suwat tuu, aku na situ nuwat ka tangan ku mismu. Paehe ku na batang suwat ku supaya kinanna meꞌ bi banahan.

1 Timuti 1:2

Itu suwat ku pa mman nu Timuti. Kau ina subay ga anak ku na rahasiyaꞌ sabap meꞌ ta dambuwaꞌ atay pitsayaꞌ ni Papuꞌ Isa. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

Pilimun 1:18

Bong ya bay buwat dusa ningkau atawa bong ya utangan ningkau, aku sa mayad.