Panagnaan 9:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

^26-27 Maka yuk si Nū, “Kuwan si Sem, kamura-murahan sinupaatan du meꞌ Papuꞌ ku Tuhan. Kamura-murahan kuwan si Japet, pinaluhān na pin meꞌ Tuhan paglahat na sampay tumabeꞌ du ya ni siga supaat njataꞌ si Sem. Maka kamura-murahan kuwan si Kanan, dari ata da na sikaduwa.”

Panagnaan 9:26 ပူးပေါင်းရင်းမြစ်များ

Panagnaan 14:20

Pudji mehe pa Tuhan Mahatinggi ma bay nabangan kau maā siga banta nu.” Pag-anu, ilooy ma lay buwanan si Ibram Imam Melkisedek sabahagiꞌ sapū ni mimon altaꞌ ma bay takoleꞌ na man siga sultan looy.

Panagnaan 24:27

Yuk na, “Tuhan, meꞌ kau Papuꞌ tuwan ku si Ibrahim, pudji mehe ningkau. Bana-bana du kanaalla ko numan janjiꞌ nu ni tuwan ku ni kaaseꞌ nu niiya. Lay na du ku bana patiluꞌ nu pa mman paglūng na.”

Panagnaan 27:29

Kamura-murahan meka du bangsa dari raayat nu sampay pakokoꞌ ningkau. Maka kamura-murahan binuwat du ko panghuluꞌ lūng-kampung nu sampay pakokoꞌ na du sila ningkau. Kamura-murahan sagannap ma numpaan kau, pinapoleꞌ du meꞌ Tuhan sumpaꞌ da pa jataꞌ da. Kuwan sagannap ma makuhan kau supaat, kamura-murahan sinupaatan du sila meꞌ Tuhan.”

Panagnaan 27:37

Pag tampung si Isahak, “San na ko Toꞌ. Lai na silay siꞌ pupusan ku mimon supaat ku njataꞌ ariꞌ nu. Lay na ya sinukuꞌ meꞌ ku magtakōk ningkau. Maka lay na du ya supaatan ku supaya mimon lūng-kampung na magpadiyoꞌ niiya buwat dī da tindog na bbos-bbos. Boꞌ lay gi ya supaatan ku supaya kalap balanjaꞌ na ka tubaꞌ anggul na. Mimon kaayaran lay na nnaꞌ ku njataꞌ na. Yaꞌ na luu tapabuwat ku ningkau Toꞌ.”

Panagnaan 27:40

Inaa sa asahan nu man nu llum yana kataliꞌ nu. Lagiꞌ na, sinukuꞌ ningkau pinagbayaan meꞌ siyali nu. Sugaꞌ bbos-bbos naggaꞌ du sina ko sampay kapaddus du ko man jawom kawasa-kapatut na.”

Suwat si Pol pa mman Baanan Sukuꞌ si Isa ndooy ni Rom 9:5

Maka kabboꞌ-bboan kami ilay yana Nabi Ibrahim, Nabi Isahak ka Nabi Yaꞌkub. Boꞌ na, pōꞌ man bangsa kami lagi Almasi bong inikut usuwan pagkamanusiyaꞌ na. Iya ilay yana Tuhan, ilooy ma magbayaꞌ ni sikamimon. Pudji mehe niiya saumu-umu. Amin.

Hibrani 11:16

Sugaꞌ iya bay agad da yana paglahat mahap gi man mimon paglahat ni junyaꞌ, yana paglahat man sulgaꞌ. Dari sabapan kainagon da magdautan daira ma ndang bay pinanyap meꞌ Tuhan ninsila, gāk sina Tuhan inawnan Tuhan da.