Panagnaan 9:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Sugaꞌ kuwan si Sem ka si Japet lay ngaddoꞌ juba binoo pilay man nambunan mmaꞌ da. Pag takka da, lay sabloyan da langngon juba looy ni baha da saliꞌ-saliꞌ boꞌ da pasuhut bong pin yaꞌ jaꞌ takita da mmaꞌ da nantang. Pag-anu, lay na patambun da ni baran mmaꞌ da sasang da patikut.

Panagnaan 9:23 ပူးပေါင်းရင်းမြစ်များ

Panagnaan 9:22

Sasang na tuli, lay kapaasok anak na si Ham, yana mmaꞌ si Kanan, boꞌ lay takita na mmaꞌ na tuli nantang jaꞌ. Pag pōꞌ na, lay ya nuntutan siga danganakan na bay kadarihan mmaꞌ da.

Panagnaan 9:24

Na pag batiꞌ si Nū, yaꞌ hallom, lay na tasayu na bay kadarihan anak na ma siyali, yana si Ham.

Suwat si Pol pa mman Baanan Sukuꞌ si Isa ndooy ni Rom 13:7

Sangkon, oy-oy tinaat ningkitabi subay kitabi ngasip. Oy-oy jaꞌ sukay tinaat meꞌ parinta, subay bayaran tabi. Damikiyan, subay du kitabi muwan maltabat ni sagannap ma pataꞌ pinagmaltabatan sampay maehe sagannap ma pataꞌ pinaehe.

Galatiya 6:1

Siga danganakan, bong luu nnaa disu pagkahi bi sukuꞌ si Isa bay taboo-boo buwat dusa, kuwan kaam ma tattap mean Rū Sutsiꞌ, subay kam maintoman iya kawu-kawu ya takoleꞌ bi pinaintong. Sugaꞌ subay hanunut-hanunut meꞌ bi mitsalahan iya. Maka ilagan bi dī bi, taggahaꞌ kaam na baw mintu takoleꞌ sinasat.

1 Timuti 5:1

Na bong luu nnaa ni baanan bi lalla bay magsāꞌ, boꞌ umuhan gi man kau, daa doꞌ kasla meꞌ nu naup iya. Buwatun ya meꞌ saparati mmaꞌ nu sinaup hanunut-hanunut. Kuwan kalallahan ma sumiyali man kau, bong luu magsāꞌ, bila ko naup, buwatun sila meꞌ saparati danganakan nu.

1 Timuti 5:17

Balik ta pa siga pa-mmean baanan sukuꞌ si Isa, bong ina sila pa-mmean mahap, subay sila binuwanan hasil ayad, awla na sagannap ma tiggo nōꞌ ka magnasihat.

1 Timuti 5:19

Na bong sawpama luu nnaa disu pa-mmean lay sinumbung, daa doꞌ kam pitsayaꞌ bong yaꞌ luu duwa-tallu jama bay kasakup ni dusa na.

1 Pitel 2:17

Mag-arat kam ni mimon manusiyaꞌ maka maaseꞌ kam ni pagkahi bi ma pitsayaꞌ ni si Isa Almasi. Subay kam tawu pa Tuhan sampay magmaltabat ni panghuluꞌ ni lahat bi.

1 Pitel 4:8

Maka numbul satu isbatun bi meꞌ bi sikaaseꞌ-kaaseꞌ ni kahilas atay bi. Batan bong ina kam maasean siga pagkahi bi, mastiꞌ ampun bi jaꞌ sila san du pooy eka dusa da ningkaam.