Panagnaan 8:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Pag taūk leꞌ Tuhan, kasulutan ya ni bangngi na. Dari njawom atay na, “Yaꞌ na situ balikan ku numpaan tanaꞌ sabapan kalaatan manusiyaꞌ. Manusiyaꞌ ina ndang baldusa sikamimon maka maat pamiki da labba man kadikiꞌ da. Sugaꞌ yaꞌ na baw situ balikan ku ngatisan sagannap balnyawa meꞌ bay hallang-hallangan tuu.

Panagnaan 8:21 ပူးပေါင်းရင်းမြစ်များ

Panagnaan 3:17

Pag-anu, yuk Tuhan na baw ni lalla looy, “Pagka lay jaꞌ ko kuhi tagayu meꞌ nda nu nohoꞌ mangan buwaꞌ kayu looy ma bay tinagga meꞌ ku, sumpaan ku na sina tanaꞌ sabapan nu. Labba man batnaa, halloman nu llum, malasahi sina ko miha balanjaꞌ.

Panagnaan 4:12

san du pooy meꞌ nu magtuyuꞌ-tuyuꞌ huma, yaꞌ na ko kadarihan. Maka labba man batnaa, yaꞌ na luu lumaꞌ katattogan nu. Maglunsuhan na jaꞌ ko padisu-padisu lahat halloman nu llum.”

Panagnaan 5:29

Pag-anu, lay inawnan meꞌ na si Nū, hatiyan na “tukang magamgam,” batan yuk si Lamek, “Anak ku itu mintu, iya na magamgaman kitabi njawom katiksaan tabi buwat pa tanaꞌ ma bay sinumpaan leꞌ Tuhan.”

Panagnaan 6:13

Dari yuk Tuhan ni si Nū, “Subay situ katisan ku na manusiyaꞌ labbasakayi batan sabapan da pannoꞌ na junyaꞌ meꞌ gigit ka bonoꞌ. Basta katisan ku na sina mintu sila sikamimon sampay man junyaꞌ na binasa.

Panagnaan 6:17

“Dunukan ku na sina mintu junyaꞌ man ku ngatisan mimon balnyawa. Mimon ma llum batnaa taꞌ babaw junyaꞌ matoy na sina labbasakayi bbos-bbos.

Panagnaan 6:7

Maka yuk Tuhan lagi, “Gam na katisan ku manusiyaꞌ man taꞌ babaw junyaꞌ sampay ga kahayop-hayopan, ga manuk-manuk ka mimon balnyawa ma palele taꞌ gumi. Sasso na ku bay mapayak sila.”

Matiyu 15:19

Batan luu du lakka man jawom atay jama pamiki maat ma moo jama mapatoy maka magjina, buwat kasabuhan danda-lalla, nangkaw, ngandustaꞌ maka mitna.

Yahiya 3:6

Batan sagannap ma pinamaddihan leꞌ manusiyaꞌ, malaingkan anak manusiyaꞌ jaꞌ sila. Boꞌ ilooy ma pinamaddihan meꞌ Rū Sutsiꞌ, malaingkan anak Tuhan sila.

Suwat si Pol pa mman Baanan Sukuꞌ si Isa ndooy ni Rom 1:21

Sila ina, tahadjaꞌ da yaꞌ ngisbat Tuhan. Ndang katoonan da du luu Tuhan, sugaꞌ tud ndang yaꞌ sila doman maehe iya atawa muwan pagsukuhan niiya. Pamiki da ina yaꞌ luu pūs na. Subay ga sila jama bagagap njawom lindom sabap yaꞌ tahati da kabanahan.

Suwat si Pol pa mman Baanan Sukuꞌ si Isa ndooy ni Rom 3:23

Na mimon ina manusiyaꞌ lay jaꞌ bay buwat dusa. Sangkon saliꞌ-saliꞌ sila yaꞌ luu pangabut-ngabut da ni kaayaran Tuhan.

2 Korin 2:15

Boꞌ kasulutan banahan Tuhan ni bawu na. Salla na, yaꞌ saliꞌ pangukan manusiyaꞌ. Ni sagannap ma song pa nalkaꞌ, umanat kami subay ga bawu sumpatoy. Dari pagka yaꞌ sila pitsayaꞌ, ilooy du takoleꞌ da katiksaan nyawa. Boꞌ ni sagannap ma song sinalamat, umanat kami subay ga bawu insallan hamut ninsila ma moo sila pa jawom kaallum bahau. Sugaꞌ inawnan moo jama ma song tanalkaꞌ pa jawom kasalamatan, tud yaꞌ sina takaya leꞌ manusiyaꞌ ni dī da.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Pilipi 4:18

Batnaa, sabapan tulung ma bay pokonan bi man si Epaproditus, luu na labi man balanjaꞌ ku. Tulung bi ilay niyaku binilang jakat ma kasulut banahan pa Tuhan. Bong ibaratan bawu, kahamutan ya.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.