Panagnaan 8:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Pag-anu, lay na baw si Nū nambak batu binuwat pangulbanan boꞌ na numbaliꞌ disu njawom danjinis mimon manuk-manuk ka kahayop-hayopan ma halal, boꞌ da tinunu sinongan pa Tuhan.

Panagnaan 8:20 ပူးပေါင်းရင်းမြစ်များ

Panagnaan 13:18

Na yaꞌ gi siꞌ hallom, lay na baw maglayin ga si Ibram pa Hebron ni bihing siga poon kayu mehe njawom tanaꞌ si Mamre. Takka ndooy, lay du si Ibram nambak batu binuwat pangulbanan man na ngulban pa Tuhan.

Panagnaan 13:4

Boꞌ ndooy na silay man si Ibram bay nambak batu binuwat pangulbanan maruhuꞌ. Dari ndooy siꞌ lay du si Ibram numba Tuhan pabalik.

Panagnaan 22:2

Yuk Tuhan, “Boonun kakasi nu, yana si Isahak, anak tungga bi ka si Sara, pilay pa Moraya. Pakitahan ta sa ko punu ndooy man bi sohoꞌ ku pilay. Takka ndooy, sumbaliun na ya bilang kulban sinongan niyaku, boꞌ tunuhun taꞌ pangulbanan.”

Panagnaan 22:9

Pag takka da pa lugar man na bay sohoꞌ Tuhan, lay na si Ibrahim nambak batu binuwat pangulbanan, boꞌ lay na susun-susun na ga kayu looy njataꞌ na. Pag-anu siꞌ, lay na ingkotan na si Isahak boꞌ na pinatannaꞌ taꞌ ga kayu looy.

Panagnaan 26:25

Dari ilooy ma lay si Isahak nambak batu binuwat pangulbanan ndooy, boꞌ na numba Tuhan. Maka ndooy na du man ga si Isahak bay matangge siga lumaꞌ luna da. Sampay ndooy na du man siga tindog na bay ngali tagaꞌ bahau.

Panagnaan 33:20

Ndooy siꞌ, lay na baw si Yaꞌkub nambak batu binuwat pangulbanan, boꞌ lay inawnan meꞌ na El Elohe Israil, hatiyan na, “Tuhan yana Tuhan ma sinumba meꞌ si Israil.”

Panagnaan 35:1

Na sasang ga si Yaꞌkub masi gi ndooy ni Sekem, lay na baw magpalman Tuhan niiya, yuk na, “Aku na situ Tuhan ma bay nammuhan kau ndooy ni Betel jaman nu bay malahiyan kakaꞌ nu si Esaw. Batnaa, pabeleng na ko pa Betel, maka ndooy na ko maglahat, boꞌ nu buwat pangulbanan man bi numba aku.”

Panagnaan 35:7

Ndooy siꞌ, lay na du ya nambak batu binuwat pangulbanan. Sampay lay na baw awnan na lugar looy El Betel, batan ndooy na man Tuhan bay nammuhan iya jaman na bay malahiyan kakaꞌ na.

Panagnaan 4:4

Kuwan ariꞌ na si Habil, lay numbaliꞌ disu anak sibuwa ni baanan bili-bili na, boꞌ songan na isi na ma numbul satu pa Tuhan. Dari Tuhan siꞌ tu kasulutan ni si Habil sampay ni ilooy ma bay sinongan niiya.

Panagnaan 7:2

Madutai na ko mimon jinisan hayop ma halal, pituꞌ-pitum pasangan jawom danjinis, danda ka lalla. Kuwan ni sagannap hayop ma yaꞌ halal, dampasang-dampasangan jaꞌ jawom danjinis, danda ka lalla.

Panagnaan 7:3

Damikiyan, moo du ko mimon jinisan manuk-manuk, pituꞌ-pitum pasangan jawom danjinis, danda ka lalla. Meꞌ looy ilay, yaꞌ na pin kuhi katis jinisan sattuwa ka manuk-manuk taꞌ babaw junyaꞌ.

Panagnaan 8:19

Maka lay na du pōꞌ mimon jinisan ga kahayop-hayopan ka siga balnyawa ma palele taꞌ gumi sampay ga manuk-manuk. Sila siꞌ bay pōꞌ kaniya-kaniya ka jinisan pasangan da.

Suwat si Pol pa mman Baanan Sukuꞌ si Isa ndooy ni Rom 12:1

Sangkon siga danganakan, sabapan ehe aseꞌ Tuhan ningkitabi, junjung ku na ningkaam, suhuran bi na dī bi pa Tuhan. Ingatun bi na Tuhan dapu baran bi halloman bi llum. Labbahan bi na oy-oy arat-tabiat ma yaꞌ nulut ni kahandak Tuhan mari kam sutsiꞌ. Batan subay silay meꞌ looy meꞌ bi makitahan iya bana-bana kam ngisbat iya.

Hibrani 13:10

Kitabi itu ma pitsayaꞌ ni Almasi, takoleꞌ tabi na siga supaat ma lakka man kapatoy na taꞌ tehang. Boꞌ sagannap ma mangasa ni siga taat da ni langga bilang kaintongan da pa Tuhan, yaꞌ luu lamud da ni siga supaat ma takissa tabi njawman Almasi.

1 Pitel 2:9

Boꞌ kaam ina ma pitsayaꞌ ni Almasi, lay na kam pineneꞌ meꞌ Tuhan binuwat baanan siga imam ka sultan njawman pamarinta na. Boꞌ lay gi kam pabuwat Tuhan bangsa sutsiꞌ ma inaku leꞌ na sukuꞌ na. Kahandak na masaplag na kam kaayaran na. Batan lay na kam pinōꞌ meꞌ na man jawom kalindoman, sampay lay na kam lliyun pa jawom karantaan na ma yaꞌ luu sibuꞌ sabanding na.