Panagnaan 7:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Labba man batnaa, pituꞌ ngallaw sa situ pauwan ku na junyaꞌ mpatpūꞌ ngallaw-mpatpūꞌ bahangi man ku ngatisan sikamimon balnyawa ma bay papayak ku taꞌ babaw junyaꞌ.”

Panagnaan 7:4 ပူးပေါင်းရင်းမြစ်များ

Panagnaan 2:5

yaꞌ gi luu bay tomoꞌ katumbu-tumbuhan atawa tinanom sabap yaꞌ gi bay pingkaꞌ pinauwan junyaꞌ meꞌ Tuhan. Maka yaꞌ gi du luu manusiyaꞌ buwat pa tanaꞌ.

Panagnaan 6:13

Dari yuk Tuhan ni si Nū, “Subay situ katisan ku na manusiyaꞌ labbasakayi batan sabapan da pannoꞌ na junyaꞌ meꞌ gigit ka bonoꞌ. Basta katisan ku na sina mintu sila sikamimon sampay man junyaꞌ na binasa.

Panagnaan 6:17

“Dunukan ku na sina mintu junyaꞌ man ku ngatisan mimon balnyawa. Mimon ma llum batnaa taꞌ babaw junyaꞌ matoy na sina labbasakayi bbos-bbos.

Panagnaan 6:3

Ga anak da ilay mehe-langkaw jaꞌ mimon maka tanyag paglallahan. Meꞌ jama ngawnan bangsa da, Nepilim. Na hallom maka hallom na, ni lilingan Tuhan, biddaꞌ na jahallis manusiyaꞌ batan isu-isu kalaatan tulun njawom pikilan da llaw-llaw. Dari sasso na ga Tuhan bay mapayak manusiyaꞌ taꞌ junyaꞌ sampay lassa hansu na ga atay na ngandaꞌ kadarihan da. Sangkon yuk na, “Yaꞌ na situ pabiya ku manusiyaꞌ humallom taꞌ junyaꞌ meꞌ bay hallang-hallangan tuu. Subay yaꞌ na pinalabi man dahatus duwampūꞌ taun umu da.”

Panagnaan 6:7

Maka yuk Tuhan lagi, “Gam na katisan ku manusiyaꞌ man taꞌ babaw junyaꞌ sampay ga kahayop-hayopan, ga manuk-manuk ka mimon balnyawa ma palele taꞌ gumi. Sasso na ku bay mapayak sila.”

Panagnaan 7:10

Na pag lay jaꞌ siꞌ dutai ga si Nū ka nda na sampay ga anak da si Sem, si Ham, ka si Japet ka ga nda da ddas ka mimon jinisan balnyawa looy siꞌ, lay na tambo Tuhan lawang bahitlaꞌ looy. Pag taabut jaꞌ siꞌ sakayi pituꞌ, ni sapu-pituꞌ hali ni buwan duwa, sasang nnom hatus taun umu si Nū, bukaꞌ na gumi sampay lataꞌ na junyaꞌ man boheꞌ numpit. Maka nagnaꞌ na uwan landos hudhud man taꞌ langit. Boꞌ yaꞌ na bay luu hantiꞌ na njawom mpatpūꞌ ngallaw-mpatpūꞌ bahangi. Dari lay na ndunukan junyaꞌ.

Panagnaan 7:17

Na halloman siꞌ boheꞌ nulig njawom mpatpūꞌ ngallaw, lay na paangkat bahitlaꞌ looy pa jataꞌ man gumi.

Panagnaan 7:3

Damikiyan, moo du ko mimon jinisan manuk-manuk, pituꞌ-pitum pasangan jawom danjinis, danda ka lalla. Meꞌ looy ilay, yaꞌ na pin kuhi katis jinisan sattuwa ka manuk-manuk taꞌ babaw junyaꞌ.

Panagnaan 8:10

Paddus jaꞌ siꞌ sakayi pituꞌ, ilooy ma lay na baw lappahan si Nū balik atsang looy.

Panagnaan 8:12

Pag-anu, inagad-agad na pin meꞌ si Nū njawom sakayi pituꞌ boꞌ na lay na baw balik ngalappahan atsang looy, sugaꞌ yaꞌ na luu bay pabeleng meꞌ sibuwa.

Panagnaan 8:2

Mimon siꞌ mata boheꞌ man jawom tanaꞌ, yaꞌ na numpit maka patagong na uwan.

Siga Pakaradjaan bay Pinalahil 3:5

“Na soysoy ina kanaalla mmeꞌ niyaku tanne-pasuꞌ, malaingkan pinapatukan du sina mintu pamakoy poteꞌ. Maka basta yaꞌ du sina pawman ku awon da man jawom Būk Kaallum man ngalista awon sagannap ma luu kasampulnaan nyawa da saumu-umu. Boꞌ na, mangaku du sina ku sila sukuꞌ ku ni awpan Mmaꞌ ku Tuhan ka ga malaikat na.