Panagnaan 6:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

^9-10 Na ituu batnaa yana salsila si Nū ka paglūng na. Iya ilay anakan tallu lalla, yana ga si Sem, si Ham, ka si Japet. Si Nū ilay jama intong, boꞌ lungbid lagi ka Tuhan. Ni mimon manusiyaꞌ taꞌ junyaꞌ jaman looy, isu-isu iya yaꞌ luu sutsutan njataꞌ na.

Panagnaan 6:9 ပူးပေါင်းရင်းမြစ်များ

Panagnaan 10:1

Na ituu tu yana usuwan siga pangkatan panubuꞌ lakka man ga anak si Nū, yana si Sem, si Ham, ka si Japet. Paddus dunuk looy, lay na sila hanak-balanak.

Panagnaan 17:1

Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Panagnaan 2:4

Na balik ta pa salsila Tuhan bay mapayak junyaꞌ ka langit, meꞌ tuu karuha na: Sibuwa na mapayak,

Panagnaan 48:15

Pag-anu siꞌ, lay na si Israil makuhan ga anak si Yusup supaat, yuk na, “Ū Tuhan ku, kau ma bay inisbat meꞌ Boꞌ ku Ibrahim ka mmaꞌ ku si Isahak, kamura-murahan sinupaatan du ga anak-anak tuu meꞌ nu. Yana meꞌ nu bay nabang aku sampay bay ngunungan aku man kadikiꞌ ku sampay batnaa, kamura-murahan meꞌ looy du mintu meꞌ nu buwat sila.

Panagnaan 5:1

Na balik ta pa jaman Tuhan bay mapayak manusiyaꞌ, yana si Adam ka si Hawa, lay pinabuwat meꞌ na ni limbagan arat-tabiat na. Pag-anu, boꞌ da sinupaatan meꞌ na sampay inawnan “manusiyaꞌ”. Na ituu batnaa yana listahan ga panubuꞌ si Adam.

Panagnaan 5:22

Paddus si Metusela bay pinamaddihan, lay gi pasampun umu si Idris tallu hatus taun sampay luu gi anak na sarī, danda-lalla. Na si Idris siꞌ tu, yaꞌ na bakkat meꞌ na lungbid ka Tuhan njawom tallu hatus taun looy.

Panagnaan 7:1

Lupus jaꞌ siꞌ si Nū bay buwat bahitlaꞌ, magpalman na baw Tuhan niiya, yuk na, “Dutai na ko taꞌ bahitlaꞌ ka ga jama lumaꞌ nu. Bong ni angkat-angkatan batnaa, kau du bay taindan ku intong.

Lukas 1:6

Ga si Jakariya siꞌ tu ka nda na intong ni mata Tuhan. Mmeꞌ jaꞌ sila ni siga saraꞌ ka panohoan Tuhan labbasakayi maka yaꞌ luu sutsutan njataꞌ da.

Lukas 2:25

Na ndooy ni Jerusalem, luu disu lalla inawnan si Simiyun. Iya ilay intong maka tud ngisbat Tuhan. Ndang hallom na ya magdautan katakka tukang nalamat bangsa Israil. Maka luu na pin Rū Sutsiꞌ ngunungan iya.

Lukas 23:50

Na ndooy siꞌ, luu disu lalla inawnan si Yusup man daira inawnan Aramatiya ndooy ni Yahudiya. Iya ilay jama mahap maka intong. Maka ndang ngagad ya ni pamarinta Tuhan pinatangge. Iya ilay disu pa-mmean ni baanan kapakihan ma bay ngahukum si Isa. Sugaꞌ ndang yaꞌ ya dambuwaꞌ pamiki ka siga soheꞌ na ma bay nohoꞌ si Isa pinapatoy.

Salsila siga Rasul 10:22

Pag tampung da, “Tuwan, kami tu la siga sosohoan disu kapitan sundalu inawnan si Kolniliyus. Iya ilay jama intong maka tawu pa Tuhan. Pinagmaltabatan ya meꞌ mimon pagkahi bi Yahudi ni lahat kami. Bahau jaꞌ silay ya bay tinammuhan meꞌ disu malaikat man Tuhan. Tugun malaikat looy niiya nohoꞌ doꞌ ko kinaddoꞌ pa lumaꞌ na supaya takale na na umanat nu.”

Suwat si Pol pa mman Baanan Sukuꞌ si Isa ndooy ni Rom 1:17

Ni umanat mahap ina, tatammu jama jalan man da taitung meꞌ Tuhan intong. Jalan ma awnan ku ilay siꞌ yana pangando tabi ni si Isa. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

Galatiya 3:11

Sangkon tarang-tarang na yaꞌ luu jama initung meꞌ Tuhan intong sabap meꞌ da mogbogan saraꞌ agama. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

Hibrani 11:7

Damikiyan Nabi Nū, sabapan pangando na pa Tuhan, pag lay jaꞌ ya binaan leꞌ Tuhan luu takka dunuk mehe bbos-bbos, lay du ya pitsayaꞌ. Dari lay du ya ngasip ni Tuhan nohoꞌ buwat bahitlaꞌ man nalamat ga paglūng na. Maka sabapan pangando na, lay ya initung meꞌ Tuhan intong. Sugaꞌ kuwan jama lahat na, yaꞌ kuhi pitsayaꞌ pag binaan meꞌ Nabi Nū luu takka dunuk. Batan inawnan dunuk, yaꞌ gi san bay pingkaꞌ takita leꞌ manusiyaꞌ. Dari sabap yaꞌ sila mmeꞌ pitsayaꞌ ni Nabi Nū, ilooy na man da bay kalabuan hukuman kapatoy ni bay dunuk looy.

2 Pitel 2:5

Damikiyan, manusiyaꞌ ma yaꞌ tawu pa Tuhan ni bay jaman Nabi Nū, yaꞌ du bay pinabiya meꞌ Tuhan amu-amu buwat dusa. Saꞌ ba, palas njataꞌ da, lay sila katis matoy ndunukan? Ilooy du bay sinalamat meꞌ Tuhan yana Nabi Nū ma bay masaplag lān kaintongan ninsila. Maka luu gi soheꞌ na pituꞌ lay du salamat.