Panagnaan 6:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Sugaꞌ luu gi baw disu lalla kasulut ni Tuhan, yana si Nū.

Panagnaan 6:8 ပူးပေါင်းရင်းမြစ်များ

Panagnaan 19:19

Katoonan ku du bina biddaꞌ na ehe timbang bi niyaku disu ata bi, sampay kaam na bay ngagak umu kami. Sugaꞌ yaꞌ na la takaya kami pilay pa kapunu-punuhan looy. Kalanduꞌ na bilay tā. Banti mintu, duhuꞌ gi kami taabut meꞌ balaꞌ looy sampay man kami matoy.

Matiyu 24:37

Kahalan manusiyaꞌ ina mintu pag taabut Anak Manusiyaꞌ pabeleng pa junyaꞌ sibuꞌ du ka kahalan jama maruhuꞌ-ruhuꞌ ni bay jaman Nabi Nū.

Lukas 1:30

Pag-anu yuk Jibrail, “Daa ko ba tawu Mariyam. Kau ina lay pineneꞌ meꞌ Tuhan sinupaatan.

Lukas 17:26

“Pag beleng ku ina mintu, tud takurat sina manusiyaꞌ meꞌ kadari jama ni bay jaman Nabi Nū mattoꞌ.

Salsila siga Rasul 7:46

“Na Sultan Daud ilay, yana lalla man Tuhan kasulutan. Luu disu masa, lay ya muhun pa Tuhan matangge langga kakka. Angan-angan na mari luu na gantiꞌ langga kuwit hayop looy man siga bangsa na numba, yana siga panubuꞌ Boꞌ Yaꞌkub.

Suwat si Pol pa mman Baanan Sukuꞌ si Isa ndooy ni Rom 11:6

Dari pagka aseꞌ Tuhan man da bay dari sukuꞌ na, tumatandaꞌ saꞌ du sangsāꞌ da buwat jinisan taat kon da bay pineneꞌ. Bong siꞌ ilay sila bay tapeneꞌ sabapan sangsāꞌ da, yaꞌ silay taawnan aseꞌ ninsila arapun yana tungbas atawa hasil ni bay sangsāꞌ da.

Suwat si Pol pa mman Baanan Sukuꞌ si Isa ndooy ni Rom 4:4

Dari mandooy siꞌ, katoonan tabi na bay jaman Nabi Ibrahim bay initung intong, yana ladjikiꞌ man Tuhan sabap meꞌ na bay pitsayaꞌ, saꞌ ga tungbas ni bay pabuwatan na. Ladjikiꞌ man Tuhan ina tadalil pa sīn ndean jama. Bong jama bay binuwanan sīn, boꞌ yaꞌ san bay luu pabuwat na oy maka oy na, ilooy inawnan ladjikiꞌ. Boꞌ jama ma bay magtuyuꞌ buwat ni tawki, taabut na binuwanan sīn, yaꞌ taawnan ladjikiꞌ, arapun gadji.

1 Korin 15:10

Sugaꞌ san meꞌ looy, lay gi ku dari rasul man sabapan aseꞌ Tuhan niyaku. Boꞌ aseꞌ na ina yaꞌ du bay pasensengan ku sabap labi gi tuyuꞌ ku maghulas-sangsāꞌ kalnaꞌ si Isa man mimon pagkahi ku rasul na. Sugaꞌ saꞌ du baw silay ni kabasag gaos ku, arapun man gaos Tuhan ni jataꞌ ku.

Galatiya 1:15

Sugaꞌ pag taabut gantaan Tuhan, lay na ku lliyun meꞌ na binuwat sosohoan na ni kaehe timbang na niyaku. Boꞌ ko hati, niyaꞌ gi san ku bay pōꞌ man jawom kūn induꞌ ku, ndang lay na ku peneꞌ Tuhan.

2 Timuti 1:18

Kau pun ina, katoonan nu du, yaꞌ taambat bay tabang na niyaku bay jaman ku nnaa ni Epesus. Kamura-murahan pinanimbangan du ya meꞌ Papuꞌ ni llaw hukuman.

Taytus 2:11

Kitabi itu sikamimon ma pitsayaꞌ ni si Isa, subay ayad kawul-piil tabi pagka luu na bay pinalahil meꞌ Tuhan aseꞌ-tabang na ningkitabi. Batan luu na si Isa bay papitu na pa junyaꞌ supaya luu na dapat man mimon manusiyaꞌ koleꞌ kasalamatan.

Taytus 3:7

Ni kaehe aseꞌ Tuhan, lay na kitabi initung meꞌ na intong supaya tatantu tabi luu na kasampulnaan nyawa tabi saumu-umu.

Hibrani 4:16

Dari pagka luu na panghuluꞌ imam asahan tabi ma yaꞌ luu sibuꞌ sabanding na, daa na kitabi loman maku tabang pa Tuhan yana poonan aseꞌ. Batan iya ina manimbang ningkitabi maka iya du muwanan kitabi tabang sumilan-sumilan gunahan ningkitabi.

1 Pitel 3:20

Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

2 Pitel 2:5

Damikiyan, manusiyaꞌ ma yaꞌ tawu pa Tuhan ni bay jaman Nabi Nū, yaꞌ du bay pinabiya meꞌ Tuhan amu-amu buwat dusa. Saꞌ ba, palas njataꞌ da, lay sila katis matoy ndunukan? Ilooy du bay sinalamat meꞌ Tuhan yana Nabi Nū ma bay masaplag lān kaintongan ninsila. Maka luu gi soheꞌ na pituꞌ lay du salamat.