Panagnaan 6:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

^3-6 Ga anak da ilay mehe-langkaw jaꞌ mimon maka tanyag paglallahan. Meꞌ jama ngawnan bangsa da, Nepilim. Na hallom maka hallom na, ni lilingan Tuhan, biddaꞌ na jahallis manusiyaꞌ batan isu-isu kalaatan tulun njawom pikilan da llaw-llaw. Dari sasso na ga Tuhan bay mapayak manusiyaꞌ taꞌ junyaꞌ sampay lassa hansu na ga atay na ngandaꞌ kadarihan da. Sangkon yuk na, “Yaꞌ na situ pabiya ku manusiyaꞌ humallom taꞌ junyaꞌ meꞌ bay hallang-hallangan tuu. Subay yaꞌ na pinalabi man dahatus duwampūꞌ taun umu da.”

Panagnaan 6:3 ပူးပေါင်းရင်းမြစ်များ

Panagnaan 6:2

Dari pag ndaꞌ siga anak Tuhan biddaꞌ na lingkat karandahan, ilooy ma lay na sila handa ni sagannap ma karomanan da.

Yahiya 3:6

Batan sagannap ma pinamaddihan leꞌ manusiyaꞌ, malaingkan anak manusiyaꞌ jaꞌ sila. Boꞌ ilooy ma pinamaddihan meꞌ Rū Sutsiꞌ, malaingkan anak Tuhan sila.

Salsila siga Rasul 7:51

Pus meꞌ looy, nagnaꞌ na baw si Esteben nusunan baanan kapakihan ndooy, yuk na, “Kaam ina, tud tohas kōk bi. Subay ga kam kapil yaꞌ doman mmeꞌ ni kahandak Tuhan maka yaꞌ doman pakale ni umanat na. Sibuꞌ du kam ka jaman kabboꞌ-bboan tabi wā nulang Rū Sutsiꞌ.

1 Tesaloneka 5:19

Siga danganakan, daa saggaun bi pabuwatan Rū Sutsiꞌ.