Panagnaan 6:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Dari yuk Tuhan ni si Nū, “Subay situ katisan ku na manusiyaꞌ labbasakayi batan sabapan da pannoꞌ na junyaꞌ meꞌ gigit ka bonoꞌ. Basta katisan ku na sina mintu sila sikamimon sampay man junyaꞌ na binasa.

Panagnaan 6:13 ပူးပေါင်းရင်းမြစ်များ

Panagnaan 49:5

“Kaam ina, Simiyun ka si Libay, dambuwaꞌ mukalnaꞌ kam. Bong kam lasu na, yaꞌ luu og-og bi ngaddoꞌ pakakas monoꞌ ni kapasuꞌ atay bi.

Panagnaan 6:14

Sugaꞌ yaꞌ baw sina ko lapay ku. Sangkon, buwat ko bahitlaꞌ. Makoy ko kayu tohas boꞌ lapatun ka tagok pa jawom pa poan. Maka paekahun bilik na.

Panagnaan 7:21

Dari siꞌ, mimon ma magnapas taꞌ junyaꞌ, ga manuk-manuk, kahayop-hayopan, siga sattuwa tawun ka ga balnyawa ma palele taꞌ gumi sampay na manusiyaꞌ, lay na katis matoy.

Panagnaan 7:23

Mimon ma llum taꞌ babaw junyaꞌ meꞌ bay pinuusan. Ilooy sa bay tamban yana ga si Nū ka ga ilooy ma bay boo na pa taꞌ bahitlaꞌ.

Panagnaan 7:4

Labba man batnaa, pituꞌ ngallaw sa situ pauwan ku na junyaꞌ mpatpūꞌ ngallaw-mpatpūꞌ bahangi man ku ngatisan sikamimon balnyawa ma bay papayak ku taꞌ babaw junyaꞌ.”

Panagnaan 8:21

Pag taūk leꞌ Tuhan, kasulutan ya ni bangngi na. Dari njawom atay na, “Yaꞌ na situ balikan ku numpaan tanaꞌ sabapan kalaatan manusiyaꞌ. Manusiyaꞌ ina ndang baldusa sikamimon maka maat pamiki da labba man kadikiꞌ da. Sugaꞌ yaꞌ na baw situ balikan ku ngatisan sagannap balnyawa meꞌ bay hallang-hallangan tuu.

Hibrani 11:7

Damikiyan Nabi Nū, sabapan pangando na pa Tuhan, pag lay jaꞌ ya binaan leꞌ Tuhan luu takka dunuk mehe bbos-bbos, lay du ya pitsayaꞌ. Dari lay du ya ngasip ni Tuhan nohoꞌ buwat bahitlaꞌ man nalamat ga paglūng na. Maka sabapan pangando na, lay ya initung meꞌ Tuhan intong. Sugaꞌ kuwan jama lahat na, yaꞌ kuhi pitsayaꞌ pag binaan meꞌ Nabi Nū luu takka dunuk. Batan inawnan dunuk, yaꞌ gi san bay pingkaꞌ takita leꞌ manusiyaꞌ. Dari sabap yaꞌ sila mmeꞌ pitsayaꞌ ni Nabi Nū, ilooy na man da bay kalabuan hukuman kapatoy ni bay dunuk looy.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.