Panagnaan 5:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Pag taabut dahatus tallumpūꞌ taun umu si Adam, lay na baw ya anakan disu lalla inawnan si Set. Si Set ilay nutu arat-tabiat mmaꞌ na sampay dagbos na.

Panagnaan 5:3 ပူးပေါင်းရင်းမြစ်များ

Panagnaan 4:25

Beleng ta pa si Adam ka nda na, lay na baw sila anakan balik lalla. Yuk si Hawa, “Kahapan la, lay gi baw ku binuwanan meꞌ Tuhan anak lalla gantiꞌ si Habil bay pinapatoy meꞌ si Kayin.” Dari lay inawnan meꞌ na si Set.

Panagnaan 5:4

Paddus si Set bay pinamaddihan, lay gi pasampun umu si Adam wawuꞌ hatus taun, sampay luu gi anak na sarī, danda-lalla.

Lukas 1:35

Pag tampung malaikat looy, “Luu du sina mintu Rū Sutsiꞌ takka pitu pa mman nu. Maka liput du sina ko meꞌ kawasa Tuhan Mahatinggi nganggaosan kau mari ko battong na. Sangkon anak nu ina mintu sutsiꞌ maka ginalla Anak Tuhan.

Lukas 3:36

Si Sela yana anak si Kenan. Si Kenan yana anak si Alpaksad. Si Alpaksad yana anak si Sem. Si Sem yana anak Nabi Nū. Nabi Nū yana anak si Lamek.

Yahiya 3:6

Batan sagannap ma pinamaddihan leꞌ manusiyaꞌ, malaingkan anak manusiyaꞌ jaꞌ sila. Boꞌ ilooy ma pinamaddihan meꞌ Rū Sutsiꞌ, malaingkan anak Tuhan sila.

Suwat si Pol pa mman Baanan Sukuꞌ si Isa ndooy ni Rom 5:12

Batnaa paintoman ta doꞌ kam toklas ni bay pabuwatan Boꞌ Adam ka bay pabuwatan Almasi. Sabapan dusa Boꞌ Adam bay ngalangga panohoan Tuhan, ilooy na poonan mimon manusiyaꞌ ngikut iya buwat dusa. Maka sabapan dusa Boꞌ Adam, lay na ya kalabuan hukuman kapatoy. Boꞌ lay lagi talapay mimon manusiyaꞌ batan labbasakayi sila lay kalihiyan meꞌ Boꞌ Adam buwat dusa.

1 Korin 15:39

Damikiyan, meꞌ looy du silay karuha siga balnyawa ntuu ni junyaꞌ. San sila sibuꞌ-sibuꞌ balnyawa ma luu lahaꞌ da ka isi da, magjinisan du baran da. Luu manusiyaꞌ, kahayop-hayopan, siga manuk-manuk ka daying, boꞌ yaꞌ sibuꞌ-sibuꞌ baran da.

1 Korin 15:49

Dan jinis meꞌ halling, sibuwa arat-tabiat lalla looy ma bay pinapayak lakka man tanaꞌ tutu tabi. Pag batnaa, arat-tabiat lalla looy na ma lakka man sulgaꞌ tutu tabi.

Epesus 2:3

Kamasaꞌ, mimon ilay kitabi lay jaꞌ du bay lumingkaꞌ meꞌ looy jaman tabi bay maabak meꞌ nganduwan napsu tabi. Bay jaꞌ du kitabi buwat oy-oy kalaatan bay talangga pamiki tabi. Dari pagka meꞌ looy bay tabiat tabi, mastiꞌ tumiluꞌ jaꞌ kitabi pa jawom mulkaꞌ Tuhan meꞌ karuha mimon manusiyaꞌ ma yaꞌ ngisbat iya.