Panagnaan 5:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Pag-anu, lay inawnan meꞌ na si Nū, hatiyan na “tukang magamgam,” batan yuk si Lamek, “Anak ku itu mintu, iya na magamgaman kitabi njawom katiksaan tabi buwat pa tanaꞌ ma bay sinumpaan leꞌ Tuhan.”

Panagnaan 5:29 ပူးပေါင်းရင်းမြစ်များ

Panagnaan 5:28

Pag taabut dahatus umpuꞌ-duwan taun umu si Lamek, luu na anak na lalla.

Panagnaan 5:30

Paddus si Nū bay pinamaddihan, lay gi pasampun umu si Lamek lima hatus siyampuꞌ-liman taun, sampay luu gi anak na sarī, danda-lalla.

Panagnaan 7:23

Mimon ma llum taꞌ babaw junyaꞌ meꞌ bay pinuusan. Ilooy sa bay tamban yana ga si Nū ka ga ilooy ma bay boo na pa taꞌ bahitlaꞌ.

Panagnaan 9:24

Na pag batiꞌ si Nū, yaꞌ hallom, lay na tasayu na bay kadarihan anak na ma siyali, yana si Ham.

Matiyu 24:37

Kahalan manusiyaꞌ ina mintu pag taabut Anak Manusiyaꞌ pabeleng pa junyaꞌ sibuꞌ du ka kahalan jama maruhuꞌ-ruhuꞌ ni bay jaman Nabi Nū.

Lukas 3:36

Si Sela yana anak si Kenan. Si Kenan yana anak si Alpaksad. Si Alpaksad yana anak si Sem. Si Sem yana anak Nabi Nū. Nabi Nū yana anak si Lamek.

Suwat si Pol pa mman Baanan Sukuꞌ si Isa ndooy ni Rom 8:20

Kon na ilay meꞌ looy sabap mimon-mimon ma bay pinapayak lay du talapay ni sumpaꞌ Tuhan ni jaman Boꞌ Adam. Dari yaꞌ gi bay magjatu kaayaran ma bay minaksud meꞌ Tuhan ni mimon-mimon. Sugaꞌ luu gi du baw sina holat tabi

Hibrani 11:7

Damikiyan Nabi Nū, sabapan pangando na pa Tuhan, pag lay jaꞌ ya binaan leꞌ Tuhan luu takka dunuk mehe bbos-bbos, lay du ya pitsayaꞌ. Dari lay du ya ngasip ni Tuhan nohoꞌ buwat bahitlaꞌ man nalamat ga paglūng na. Maka sabapan pangando na, lay ya initung meꞌ Tuhan intong. Sugaꞌ kuwan jama lahat na, yaꞌ kuhi pitsayaꞌ pag binaan meꞌ Nabi Nū luu takka dunuk. Batan inawnan dunuk, yaꞌ gi san bay pingkaꞌ takita leꞌ manusiyaꞌ. Dari sabap yaꞌ sila mmeꞌ pitsayaꞌ ni Nabi Nū, ilooy na man da bay kalabuan hukuman kapatoy ni bay dunuk looy.

1 Pitel 3:20

Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

2 Pitel 2:5

Damikiyan, manusiyaꞌ ma yaꞌ tawu pa Tuhan ni bay jaman Nabi Nū, yaꞌ du bay pinabiya meꞌ Tuhan amu-amu buwat dusa. Saꞌ ba, palas njataꞌ da, lay sila katis matoy ndunukan? Ilooy du bay sinalamat meꞌ Tuhan yana Nabi Nū ma bay masaplag lān kaintongan ninsila. Maka luu gi soheꞌ na pituꞌ lay du salamat.