Panagnaan 48:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Ngkon itu ku buwat meꞌ tuu ni si Epraim ka si Manasse sabapan aseꞌ ku ni imuwa nneꞌ nu. Iya ilay bay matoy lān tabi bay moleꞌ pa Kanan lakka man Paddan-Aram. Yaꞌ gi kitabi bay ngabut Eprat ma ginalla du Betlehem, lay na ya kubu ku ni bihing lān pagka tā gi lahat tiluꞌ tabi.”

Panagnaan 48:7 ပူးပေါင်းရင်းမြစ်များ

Panagnaan 25:20

Taabut jaꞌ siꞌ mpatpūꞌ taun umu si Isahak, lay na ya handa man si Ribeka, yana danganakan si Laban. Sila ilay anak si Betuwel, bangsa Aram man Paddan-Aram.

Panagnaan 33:18

Na hallom maka hallom na, lay na baw ga si Yaꞌkub palakka man Sukkot maglayin pilay pa daira inawnan Sekem ndooy ni Kanan. Ni bay kalakka da man Paddan-Aram ngabut sampay katakka da pa Sekem, yaꞌ du sila bay kongoy-kongoy. Ndooy siꞌ, lay na sila matangge ga lumaꞌ luna da ni poan daira looy.

Panagnaan 35:9

Na balik ta pa bay kalakka si Yaꞌkub man lahat matoa na ndooy ni Paddan-Aram, song hallom, lay na baw ya takka pa Kanan. Ndooy siꞌ, lay na baw ya tinammuhan meꞌ Tuhan pabalik. Maka lay gi ya sinupaatan.

Panagnaan 48:6

Bong hati ko mintu bay gi hanak balik, bohoꞌ na tud ningkau na. Dari bbos-bbos, pag taabut binahagiꞌ tanaꞌ ni Kanan, pusaka ninsila subay lakka man bahagiꞌ si Epraim ka si Manasse.

Matiyu 2:18

“Luu sina mintu takale jama magtangisan sampay mag-ulawi ndooy ni Rama. Nangis na pin Sitti Rakel maglinduhan ga anak na. Yaꞌ na takoleꞌ pinagamgaman sabap lay kinatisan siga anak na.”