Panagnaan 48:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Sugaꞌ pag tappak si Israil bumbunan da, lay bay sinamban meꞌ na langngon na. Dari kuwan tangan na huwin pa kawnan, lay nappak pa taꞌ bumbunan si Epraim san iya siyali. Kuwan kayli na, lay nappak pa taꞌ bumbunan si Manasse.

Panagnaan 48:14 ပူးပေါင်းရင်းမြစ်များ

Panagnaan 41:51

Ilooy ma siyaka lay awnan si Yusup si Manasse, hatiyan na, “lupa,” batan yuk si Yusup, “Man tabang Tuhan meꞌ bay na ku pinalupahan ni bay jinisan katiksaan ku sampay logtoꞌ ku sitammu ka ga rahasiyaꞌ ku.”

Panagnaan 41:52

Kuwan anak na ma ni kaduwa, lay awnan na si Epraim, hatiyan na “binuwanan ga anak,” batan yuk na, “Lay na ku kaladjikian meꞌ Tuhan binuwanan siga anak ni lahat man ku bay pingkaꞌ tiksaꞌ.”

Panagnaan 46:20

Si Yusup siꞌ tu, anakan duwa lalla ka nda na si Asenat, yana si Manasse ka si Epraim. Si Asenat ilay anak si Potipera, yana imam ni daira inawnan On ndooy ni Ejip.

Panagnaan 48:13

Pag-anu siꞌ, lay na pinabalik meꞌ si Yusup siga anak na pa awpan mmaꞌ na supaya tahan da sinupaatan na. Kuwan si Epraim, lay nnaꞌ si Yusup huwin pa kayli mmaꞌ na sabap iya siyali. Kuwan si Manasse ma siyaka, lay nnaꞌ na huwin pa kawnan.

Panagnaan 48:17

Kuwan si Yusup siꞌ tu, pag ndaꞌ na buwatan mmaꞌ na bay matappak kawnan na taꞌ bumbunan si Epraim ma siyali, yaꞌ ya kasaddongan. Dari lay sakkop na kawnan mmaꞌ na man bumbunan si Epraim lān hinalin pa bumbunan si Manasse

Panagnaan 48:18

sambayan na halling, “Magsāꞌ bina ko Maꞌ. Daa busung, ntē ba man nu matappak kawnan nu taꞌ bumbunan ma siyaka.”

Matiyu 16:18

Batnaa, awnan ta na ko si Pitel, hatiyan na batu. Batan bitsala nu ilay siꞌ pasal aku meꞌ sapantun batu man ku matangge lumaꞌ ku. Lumaꞌ ma awnan ku itu yana mimon manusiyaꞌ ma pitsayaꞌ niyaku. Boꞌ yaꞌ na sina sila ā meꞌ Ibilis ka ga pagkahi na seytan.

Matiyu 19:13

Pag-anu siꞌ, luu na baw ndooy kasohean moo siga anak da pa mman si Isa nohoꞌ tinappak niiya bumbunan da sampay makuhan sila duwaa. Sugaꞌ kuwan ga mulit na baw siꞌ tu, bbuwatan da naggong ga jama looy.

Matiyu 19:15

Pag-anu siꞌ, lay na tinappak meꞌ si Isa bumbunan ga anak-anak looy pinakuhan duwaa. Pag lupus, lay na si Isa lakka ka ga mulit na.

Matiyu 6:5

“Maka bila kam maku duwaa pa Tuhan, daa na du kam ngakig jama ma magbawuꞌ-bawuꞌ jaꞌ sutsiꞌ. Sila ina tigiꞌ maku duwaa bila meka na jama kumpo ni langga atawa ni mayran bong pin sila takita leꞌ manusiyaꞌ. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Lukas 4:40

Na tapit jaꞌ siꞌ sumaddop llaw, meka na jama lay moo pagkahi da ma sakihan pilay pa mman si Isa. Dari san gi oy saki da, pag lay jaꞌ tinappak meꞌ si Isa bumbunan da saliꞌ-saliꞌ, lay du sila kaulian labbasakayi.

Salsila siga Rasul 13:3

Dari siꞌ pus da bay puwasa ka maku duwaa pa Tuhan, lay na sila nappak bumbunan ga si Balnabas ka si Sol muwanan sila kapatut. Pag-anu, lay na sila sinohoꞌ ngalataan lahat masaplag.

Salsila siga Rasul 6:6

Pag lupus, lay na sila binoo pa awpan siga rasul. Ndooy siꞌ, lay sila pinakuhan meꞌ siga rasul duwaa sampay lay na tinappak bumbunan da tandaꞌ lay na sila binuwanan kapatut buwat ilooy ma bay sinukuꞌ ninsila.

1 Timuti 4:14

Daa pasensengan nu ladjikiꞌ ma bay dean Rū Sutsiꞌ ningkau bay jaman siga pa-mmean sukuꞌ si Isa ngannaꞌ siga tangan da njataꞌ nu. Awnan ku ilay siꞌ yana kapandoyan ma bay tinunaꞌ meꞌ da njataꞌ nu.

1 Timuti 5:22

Na ni hāl meꞌ nu meneꞌ jama binuwat pa-mmean nnaa, daa ko os-os. Subay doꞌ duhuꞌ bay pingkaꞌ liling nu paayad arat-tabiat da boꞌ nu nappak bumbunan da nguwakilan sila. Paayad-ayad ko meneꞌ taggahaꞌ luu gi kalaatan da ma yaꞌ tasayu. Batan bong ina masi luu, boꞌ mintu lay na bungka, taggahaꞌ talapay na baw ko. Sarī man naa, bogbogan nu na pin kasutsian nu.