Panagnaan 48:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Pag-anu siꞌ, luu disu llaw lay na baw kabaan si Yusup saki mmaꞌ na. Dari lay du ya pilay pa mman mmaꞌ na. Maka luu du bay boo na anak na sikaduwa, yana si Epraim ka si Manasse.

Panagnaan 48:1 ပူးပေါင်းရင်းမြစ်များ

Panagnaan 46:20

Si Yusup siꞌ tu, anakan duwa lalla ka nda na si Asenat, yana si Manasse ka si Epraim. Si Asenat ilay anak si Potipera, yana imam ni daira inawnan On ndooy ni Ejip.

Panagnaan 48:2

Na lay jaꞌ siꞌ kabaan si Yaꞌkub luu na si Yusup, ilooy ma lay du ya magtuyuꞌ bangun, boꞌ na ningkōꞌ taꞌ patulihan na.

Panagnaan 48:5

Pag-anu, yuk si Yaꞌkub lagi ni si Yusup, “Ga anak nu ina si Epraim ka si Manasse, aku ku na anak ku. San sila bay pinamaddihan ntuu ni Ejip jaman ku masi ni Kanan, itung ku na du sila anak ku rahasiyaꞌ sibuꞌ ka si Ruben, si Simiyun sampay na kaam sikamimon ga anak ku.

Panagnaan 50:23

Sugaꞌ halloman na yaꞌ gi bay matoy, lay gi baw taabut na mpu anak na si Epraim. Sampay lay gi ta-mpit na siga mpu tuut na, yana ga anak si Makil. Si Makil ilay yana anak si Manasse.

Yahiya 11:3

lay ga danganakan na nugun pa mman Papuꞌ Isa nohoꞌ binaan saki paya bagay na ma kinaasean meꞌ na.

Hibrani 11:21

Si Yaꞌkub pun, sabapan pangando na pa Tuhan, pag tapit jaꞌ ya matoy, lay du ya makuhan siga mpu na anak si Yusup supaat. Pag-anu, boꞌ na mudji Tuhan sasang na patukod ni tungkud na.