Panagnaan 47:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Maka lay gi sila binuwanan balanjaꞌ meꞌ si Yusup pinagsipataꞌ-pataꞌ ka eka anak da.

Panagnaan 47:12 ပူးပေါင်းရင်းမြစ်များ

Panagnaan 45:10

Baan bi ya, dari ya maglahat ni Gosen, tapit pa mman ku. Boonun na konoꞌ ga anak-mpu nu ka ga hayop nu labbasakayi, sampay na mimon altaꞌ nu.

Panagnaan 45:11

Pag takka nu pa Gosen, balanjaan na sa ko konoꞌ. Gotom tuu tu konoꞌ, luu gi liman taun pasunuꞌ, boꞌ yaꞌ baw ya konoꞌ doman kau kabobowan ka ga anak-mpu nu sampay na ga kahayop-hayopan nu.”

Panagnaan 45:7

Lipara, lay na ku pinapitu meꞌ Tuhan duhuꞌ man kaam nalamat kaam mari yaꞌ katis bangsa tabi ni junyaꞌ.

Panagnaan 47:1

Pus meꞌ looy, lay na baw si Yusup moo danganakan na lima pilay pa mman sultan. Takka ndooy, yuk na, “Ampun Sultan, luu na la ga danganakan ku ka mmaꞌ ku takka man Kanan. Maka luu na du bay boo da kahayop-hayopan da sampay mimon altaꞌ da. Batnaa luu na sila ndooy ni Gosen.” Pag-anu siꞌ, lay na pakila na ga danganakan na ni sultan.

Panagnaan 47:21

Kuwan siga raayat sultan siꞌ, sikamimon sila ni sikaliput Ejip lay na ngandagangan dī da ni si Yusup nohoꞌ binuwat ata.

Panagnaan 47:24

Maka yuk na, “Pag taabut bi mintu ngattom, buwanan bi sa sultan sabahagiꞌ lima ni kattoman bi. Pus mandooy, ningkaam na man bi malanjaan ga anak-nda bi maka man bi ngahalliꞌ bani bi.”

Panagnaan 50:21

Sangkon na, yaꞌ na dari man bi tawu niyaku. Gam pin, balanjaan ta lagi kam sina sampay ga anak-nda bi.” Sarī man ilooy, meka gi bitsala man na bay ngug-ngugan sila.

1 Tesaloneka 2:7

Kamasaꞌ, bong siꞌ ilay kami bay ngakig arat manusiyaꞌ, dari san kami bay ngaholat inintu pagka kami rasul Almasi. Sugaꞌ gam pin, bay jaꞌ kami buwat dī kami meꞌ karuha jama ma yaꞌ luu kapatut na. Boꞌ lay gi kami ngayaran kaam meꞌ saparati induꞌ ngipat siga anak na.

1 Timuti 4:8

Bong kitabi nganad dī tabi man mabasagan baran tabi, luu du baw paluntungan na dangkitiꞌ. Sugaꞌ bong kitabi nganad dī tabi ngikut arat-tabiat Tuhan, tud mehe paluntungan na. Batan saꞌ sina sat paluntungan ni junyaꞌ tuu takoleꞌ tabi, arapun sampay ni ahirat koleꞌ du kitabi paluntungan.

1 Timuti 5:4

Sugaꞌ bong baw bawu danda luu anak na atawa mpu na mehe na, subay sila na mangatas ngipat iya. Subay tabista leꞌ da bong sila bana-bana ngisbat Tuhan, duhuꞌ-duhuꞌ talpaksaꞌ ninsila nungbasan induꞌ-mmaꞌ da. Pabuwatan meꞌ looy ilay ndang kasulut ni Tuhan.

1 Timuti 5:8

Batan bong ina luu ma pitsayaꞌ ni si Isa yaꞌ san ngayaran paglūng na, awla na jama lumaꞌ na, mastiꞌ lay na labbahan na tōꞌ sabanna ma kinapitsayaan meꞌ tabi. Boꞌ na, maat gi ya man laanat.