Panagnaan 42:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na si Yusup siꞌ tu, pagka iya panghuluꞌ gubnul ni sikaliput Ejip ngantanan kapatut maballi balanjaꞌ ni jama, talpaksaꞌ iya du man ga danganakan na patiluꞌ. Dari siꞌ, pag takka da pilay, lay na sila pasōng pa mman na boꞌ da sujud labbasakayi ni awpan na.

Panagnaan 42:6 ပူးပေါင်းရင်းမြစ်များ

Panagnaan 18:2

pag ndaꞌ na, luu na tallu lalla nangge lawak-lawak gi dangkitiꞌ. Pag-anu, magti ya sonse pa mman da, boꞌ na sujud ni awpan da.

Panagnaan 19:1

Na pag taabut deꞌ kohap, takka na siga lalla looy ma duwa sasang si Lut ningkōꞌ ni behe lawang kutaꞌ ma ngaliput Sodom. Ni sabana na, sila ilay siꞌ sikaduwa tud malaikat bay manyalupa meꞌ dagbos manusiyaꞌ. Takita jaꞌ siꞌ sila meꞌ si Lut, magti ya pasōng nampang sila, boꞌ na sujud ni awpan da.

Panagnaan 33:3

Kuwan si Yaꞌkub, lay paruhuꞌ man sila sikamimon sampay lay gi ya sujud min pituꞌ lān na pasōng pa mman danganakan na.

Panagnaan 41:43

Boꞌ lay gi ya sohoꞌ sultan dutai taꞌ kalesa ddas ka ga kuraꞌ na ma pinagpakoy meꞌ jama ma numbul disu ndiyoan sultan. Maka paninggai-paninggai ya, luu na pin jama sinohoꞌ paruhuꞌ man iya tukang ngahowap nohoꞌ jama pakokoꞌ ngahulmat sasang gubnul pingkaꞌ. Dari ilooy na silay siꞌ poonan si Yusup bay inuwakilan maggubnul ni sikaliput Ejip.

Panagnaan 41:54

ilooy ma nagnaꞌ na gotom ni pitun taun looy siꞌ ma bay bināꞌ meꞌ si Yusup. Mimon kalahat-lahatan gotom na, sugaꞌ bong ni sikaliput Ejip masi meka bay inannaꞌ.

Panagnaan 41:57

Maka sabap tud kalanduꞌ na basag gotom looy ni sikaliput junyaꞌ, meka na manusiyaꞌ man mimon kalahat-lahatan lay bahuklud pilay pa Ejip malli balanjaꞌ man si Yusup.

Panagnaan 44:14

Takka ga si Juda ka ga danganakan na pa lumaꞌ si Yusup, masi gi ya ndooy. Dari bbuwatan da, lay nimbagan dī da saliꞌ-saliꞌ taꞌ tanaꞌ ni awpan na.

Panagnaan 45:26

yuk da, “Maꞌ, masi gi la llum si Yusup! Boꞌ iya lagi marintahan sikaliput Ejip.” Kuwan si Yaꞌkub siꞌ tu, dallag-dallag, sampay yaꞌ na ga nammu halling. Boꞌ na, tud kaawran ya pitsayaꞌ.

Panagnaan 45:8

Sangkon, saꞌ du silay kaam bay mapitu aku, arapun iya bay mapitu aku yana Tuhan. Lay na ga ku pinabuwat meꞌ Tuhan subay ga mmaꞌ sultan ka pa-mmean ni astanaꞌ na sampay panghuluꞌ ni sikaliput tanaꞌ Ejip.

Panagnaan 48:12

Pag-anu siꞌ, lay doꞌ siyahan si Yusup ga anak na man bihing tuut bboꞌ da, boꞌ na sujud ni awpan mmaꞌ na.

Salsila siga Rasul 7:10

Dari song hallom, lay du ya bay pinaddusan meꞌ Tuhan man mimon katiksaan na. Maka lay gi ya binuwanan meꞌ Tuhan kapandoyan ka pangahati lawom. Sampay ilooy na man na bay kinahopan meꞌ sultan bangsa Ejip. Dari lay na ga ya binuwanan kapatut meꞌ sultan looy nohoꞌ marinta ni sikaliput Ejip sampay magmalim ni mimon jama ma buwat ni astanaꞌ sultan.

Siga Pakaradjaan bay Pinalahil 3:9

“Na luu siga jama nnaa ma mangaku bangsa Yahudi sila bahasa sukuꞌ Tuhan sila, sugaꞌ ngandustaꞌ jaꞌ sina sila. Ni sabana na, sukuꞌ Ibilis sila. Ndaun bi sa, pasujud ku du sina mintu sila ni battis bi. Maka bohoꞌ da ina mintu makibana na kaasean ta kam.