Panagnaan 4:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Yaꞌ gi hallom, lay na baw ya hanak balik disu lalla, yana si Habil. Pag mehe na sila, kuwan si Habil, lay dari tukang ipat bili-bili. Kuwan siyaka na si Kayin, tukang huma.

Panagnaan 4:2 ပူးပေါင်းရင်းမြစ်များ

Panagnaan 3:23

Dari lay na sila pinōꞌ meꞌ Tuhan man tinanom-tinanom looy ni Eden. Maka lai na si Adam sinohoꞌ buwat pa tanaꞌ ma bay man mapayak iya.

Panagnaan 37:13

yuk si Yaꞌkub man si Yusup, “Toꞌ, patuhut doꞌ ko man ga danganakan nu pilay pa Sekem. Lay na silay sila ndooy ngipat ga baanan hayop tabi.” Tampung si Yusup, “Ohoꞌ Maꞌ, pilay sa ku.”

Panagnaan 4:1

Na song hallom, lay na battong si Hawa leꞌ si Adam. Pag maddi si Hawa, lalla. Dari yuk na, “Man tabang Tuhan anakan na ku la lalla.” Pag-anu, lay awnan na si Kayin.

Panagnaan 4:3

Hallom maka hallom na, pag kattom si Kayin tinanom na, lay ya nong kasohean buwaꞌ na pa Tuhan.

Panagnaan 47:3

Tilaw sultan ni siga danganakan si Yusup, ilooy siꞌ sikalima, “Oy tu usaha kabiyasahan bi?” Pag tampung da siꞌ tu, “Kami itu Ampun Sultan, meꞌ bay jaman kabboꞌ-bboan kami du tukang ngipat ga baanan hayop.

Panagnaan 9:20

Na si Nū ilay siꞌ pahuhuma. Dari paddus dunuk looy, lay ya ngabbun anggul.

Lukas 11:50

Yuk si Isa lagi, “Sabapan kadarihan bi angkat-angkatan batnaa, bbos-bbos talapay du sina kam ni hisab Tuhan ni bay kapatoy mimon kanabi-nabihan labba man jaman junyaꞌ bay pinapayak ngabut sampay batnaa.

Lukas 11:51

Labba man kapatoy si Habil mattoꞌ ngabut sampay kapatoy Nabi Zekaraya ma bay pinapatoy ni sallangan pangulbanan ka langga mehe, meꞌ halling sambat ku na siꞌ, tabeꞌ du angkat-angkatan bi batnaa ni hisab Tuhan ni kapatoy da.

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

1 Yahiya 3:10

Na meꞌ tabi ngila bong soy siga anak Tuhan maka soy siga anak Ibilis meꞌ tuu: Soysoy yaꞌ buwat kaintongan maka yaꞌ maasean siga pagkahi na manusiyaꞌ, saꞌ ya anak Tuhan.

1 Yahiya 3:12

Daa na kitabi mmeꞌ meꞌ uwahan jaman si Kain. Iya ilay sukuꞌ Ibilis, boꞌ tumatandaꞌ du ni buwatan na bay mapatoy ariꞌ na si Habil. Kon na ilay bay buwat meꞌ looy sabap nabiat ya buwat kalaatan, boꞌ dugahan ya ni ariꞌ na buwat kaintongan.

1 Yahiya 3:15

Boꞌ na, soysoy ina lammis ni pagkahi na, initung meꞌ Tuhan pamonoꞌ. Boꞌ katoonan bi na du, tiyap-tiyap ina pamonoꞌ, yaꞌ luu kasampulnaan nyawa na.