Panagnaan 39:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Aku na bay buwat lla nu limbang na. Inaa ko ngawon sibuꞌ na kapatut kami ni lumaꞌ tuu. Oy-oy karomanan ku, yaꞌ luu saꞌ yaꞌ pinadari meꞌ na, sugaꞌ daa jaꞌ bong kau sabap nda na ko. Yaꞌ ku la kasogsog buwat kalaatan meꞌ naa. Yaꞌ ku doman ndusa pa Tuhan.”

Panagnaan 39:9 ပူးပေါင်းရင်းမြစ်များ

Panagnaan 13:13

Salla na, kuwan jama Sodom baw siꞌ tu, biddaꞌ na jahallis da. Dusa da pa Tuhan tud yaꞌ na taambat.

Panagnaan 20:3

Na yaꞌ lagi siꞌ bay tabawus bay maksud sultan looy, pag disu sangom, lay ya pinaupihan meꞌ Tuhan. Njawom pandapat na yuk Tuhan, “Kau ina batnaa, tapit na katobtoban umu nu batan danda looy ma bay kaddoꞌ nu llahan na.”

Panagnaan 20:6

Tampung Tuhan, “Ohoꞌ, ndang katoonan ku du awam ko. Sangkon itu na ku mandaan kau supaya yaꞌ na tausik-usik nu danda looy, boꞌ nu yaꞌ dapat dusa.

Panagnaan 20:9

Pag-anu siꞌ, lay na baw tawag na si Ibrahim. Luu jaꞌ siꞌ, tilaw na, “Ongoy kami bay buwat nu meꞌ looy? Oy bay dusa ku ningkau? Ilu na ga ko buwat sangdanan man ku dak na tuwaꞌ mulkaꞌ ka ga raayat ku? Yaꞌ bilay luu katuwaꞌ-tuwaan na meꞌ looy na meꞌ nu bay buwat kami.

Panagnaan 24:2

Disu llaw, lay tawag na panghuluꞌ tindog na ma ngantanan kapatut ni mimon altaꞌ na. Luu jaꞌ siꞌ, yuk si Ibrahim niiya, “Bong anu, pahandān nu na anak ku. Tu ko. Ningkōꞌ doꞌ ko ni bihing ku. Nnaun tangan nu dambilaꞌ ndiyoꞌ paa ku sambayan nu napa.

Panagnaan 39:10

Sugaꞌ danda looy baw siꞌ tu yaꞌ du bay paruli, gam pin llaw pa dangallaw ngulihal na pin ya bong pin takoleꞌ na jaꞌ si Yusup. Sugaꞌ tud yaꞌ du ya bay kuhi. Bila pin danda looy paasok, buwatan si Yusup, magti pōꞌ.

Panagnaan 41:40

Batnaa, kau na pabuwat ku panghuluꞌ magpandoy ni astanaꞌ ku. Mimon raayat ku sohoꞌ ku jaꞌ maglillaꞌ ni oy-oy sohoꞌ nu ninsila. Sarī man aku, yaꞌ luu ngantanan kapatut langkaw man ningkau.

Panagnaan 42:18

Paddus jaꞌ siꞌ tallu ngallaw, yuk si Yusup ninsila, “Aku itu tawu pa Tuhan. Sangkon, buwanan ta lagi kam dapat llum basta asip bi jaꞌ panohoan ku.

Lukas 12:48

Sugaꞌ soysoy baw ina ata awam ni kahandak papuꞌ na, san ya bay magsāꞌ gantaꞌ man na pataꞌ llagpiꞌ, malaingkan yaꞌ du kalanduꞌ bohat pidjalaꞌ ni jataꞌ na. Sangkon indanan bi. Soysoy ina bay kabuwanan paeka, mastiꞌ meka du tinaat meꞌ Tuhan niiya. Damikiyan, soysoy meka bay hinalap niiya, meka du hinolat niiya.”

1 Korin 4:2

Na tiyap-tiyap ina jama bay hinalapan pabuwatan, subay ya kanaalla buwat ilooy ma bay sinukuꞌ niiya.

Taytus 2:10

atawa tangan-tanganan. Arapun subay sila makitahan papuꞌ da tud tapangandohan sila. Dari bong ina mahap du mimon kawul-piil da meꞌ naa, tumatandaꞌ na ni jama tud mahap du tōꞌ tabi pasal Tuhan, yana poonan kasalamatan tabi.

Hibrani 13:4

Ni hāl sitampu, yaꞌ dari pinabuwat meꞌ sapantun kuli-kulihan sadjaꞌ. Sangkon kaam ma sitampu, yaꞌ dari ubay ka jama saꞌ lla bi atawa nda bi. Soysoy ina buwat kalalamaan meꞌ naa, kalabuan jaꞌ sina hukuman Tuhan.

1 Yahiya 3:9

Dari sagannap ma lay na dari anak Tuhan, labbahan da na sina meꞌ da buwat dusa sabap luu na ninsila pangatayan bahau man Tuhan. Maka pagka Mmaꞌ da na Tuhan, yaꞌ sila kasogsog buwat dusa.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”

Siga Pakaradjaan bay Pinalahil 22:15

Sugaꞌ kuwan sagannap ma jahallis, meꞌ sapantun jama ma makoy ilmuꞌ seytan, ma magjina, ma mapatoy jama, ma numba siga tuhan-tuhan, ma tigiꞌ ngandustaꞌ ka ngalilu, yaꞌ dari paasok pa jawom daira looy.”