Panagnaan 39:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na balik ta pa jaman si Yusup bay binoo pa Ejip meꞌ siga padadagang bangsa Ismail, lay pinaballihan pa mman si Potipal. Si Potipal ilay kapitan siga sundalu ma tukang nganjagahan astanaꞌ sultan.

Panagnaan 39:1 ပူးပေါင်းရင်းမြစ်များ

Panagnaan 37:25

Pag-anu siꞌ, lay na sila ningkōꞌ ndooy mangan. Yaꞌ gi siꞌ hallom, sasang si Ruben yaꞌ luu ndooy, ngita na sila baanan padadagang, bangsa Ismail, moo barang da taꞌ untaꞌ lakka man Giliyad song pilay pa Ejip. Ga untaꞌ da siꞌ llop leꞌ lampa-lampahan, jinisan uliꞌ ka insallan hamut.

Panagnaan 37:28

Pag tapit jaꞌ ga padadagang looy siꞌ, yana bangsa Ismail looy man Midiyan, lay na hinelaꞌ si Yusup meꞌ siga danganakan na man jawom tagaꞌ looy. Pag-anu, boꞌ lay paballihan da pa mman ga padadagang looy, duwampūꞌ dublun pilak porol. Pag lupus, lay na ya binoo pa Ejip.

Panagnaan 37:36

Na kuwan si Yusup siꞌ tu, tud lay na du binoo meꞌ baanan padadagang looy man Midiyan pilay pa Ejip. Takka ndooy, lay na ya paballihan da pa mman si Potipal. Iya ilay kapitan siga sundalu ma nganjagahan astanaꞌ sultan bangsa Ejip.

Panagnaan 40:3

sampay lay na sila sohoꞌ na njīl. Jīl mman da, ndooy na du man bay nganjīl si Yusup ndooy ni bihing lumaꞌ kapitan siga tukang jaga.

Panagnaan 45:4

Pag-anu siꞌ, lay na sila sohoꞌ si Yusup pasōng pa mman na, maka yuk na, “Tud aku na situ si Yusup, yana danganakan bi ma bay paballihan bi ni jama ma bay moo aku pitu pa Ejip.

Salsila siga Rasul 7:9

“Pag-anu,” yuk si Esteben, “katoonan tabi du, pag ehe ga anak Boꞌ Yaꞌkub sikasapu-duwa, kuwan ariꞌ da si Yusup, bay kinadangkian meꞌ da. Sampay lay gi ya pinaballihan meꞌ da ni baanan ga padadagang, boꞌ na lay binoo pa Ejip. Takka ndooy, lay ya dari ata. Lipara, luu na pin Tuhan ngunungan iya.