Panagnaan 38:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Takila jaꞌ siꞌ meꞌ si Juda, yuk na, “Mas mehe gi bilay dusa ku man niiya batan yaꞌ san bay tuman ku bay janjiꞌ ku magsitampu sila ka si Sela.” Na si Juda siꞌ tu, san iya mmaꞌ anak si Tamal, yaꞌ du sila bay sitampu, maka yaꞌ na ya bay napitan si Tamal pabalik.

Panagnaan 38:26 ပူးပေါင်းရင်းမြစ်များ

Panagnaan 37:33

Dari takila na siꞌ meꞌ mmaꞌ da, sampay yuk na, “Inaa na bina juba na! Uy la, lay na bilay si Yusup sinabbat meꞌ halimaw! Lay na bilay sinalik-salik!”

Panagnaan 38:14

Maka tasayu na na du mehe na si Sela. Salla na, kuwan si Juda, yaꞌ bay numan janjiꞌ na magsitampu sila ka si Sela. Pagka meꞌ looy, lay si Tamal miha jalan bong pooy meꞌ na koleꞌ anak. Dari lay saynan na badjuꞌ bawu na pa pamakoy puta, boꞌ na lay nambunan luwa na ka turung mari ya yaꞌ takila. Pag-anu, boꞌ na pilay pa Nayim, disu daira tapit ni lān pa Timna. Ndooy siꞌ, lay ya ningkōꞌ ni bihing lān ngagad matoa na pingkaꞌ.

Panagnaan 4:1

Na song hallom, lay na battong si Hawa leꞌ si Adam. Pag maddi si Hawa, lalla. Dari yuk na, “Man tabang Tuhan anakan na ku la lalla.” Pag-anu, lay awnan na si Kayin.

Matiyu 3:8

Bong bana tawbatan bi na dusa bi, subay kam mōꞌ buktiꞌ ni kawul-piil bi.

Yahiya 8:9

Pag takale siga Parisi ka ga guru looy siꞌ bay tampung si Isa, lay na sila magsunuꞌ-sunuꞌ palakka. Duhuꞌ, siga matatoa, boꞌ pauru ilooy kasohean ngabut sampay si Isa sa tamban ka danda looy ni tangngaan ga jama ndooy.

Suwat si Pol pa mman Baanan Sukuꞌ si Isa ndooy ni Rom 13:12

Waktu itu batnaa, ibaratan sangom, agon katis na dambahangi, maka tapit na pakallat mataallaw. Sangkon, mimon pabuwatan maat, ibaratan badjuꞌ, urusan tabi na. Boꞌ saynan tabi na ka kaintongan. Batan kaintongan tabi ina, yana pakakas man tabi nalloban kalaatan.

Suwat si Pol pa mman Baanan Sukuꞌ si Isa ndooy ni Rom 3:19

Na hantak bitsala looy ilay siꞌ njawom kitab, tumatandaꞌ na mimon manusiyaꞌ dusahan pa Tuhan. Tud yaꞌ luu san disu nammu daawa man da nangkisan hukuman Tuhan, awla na bangsa Yahudi ma bay pina-ntanan saraꞌ, boꞌ langga da lagi. Sangkon mimon manusiyaꞌ pataꞌ kalabuan hukuman.