Panagnaan 32:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Si Yaꞌkub siꞌ tu, tud bay tawu sampay susa na ya banahan. Dari siga anak-nda na ka ga tindog na sampay ga bili-bili na, kambing na, sapiꞌ na ka untaꞌ na lay pabuwat na duwam baanan.

Panagnaan 32:7 ပူးပေါင်းရင်းမြစ်များ

Panagnaan 32:11

Batnaa, itu na baw ku nganjunjung ningkau, tabangun doꞌ ku mari ku yaꞌ binatōy-batōy meꞌ Kaꞌ Esaw. Ilooy kagawahan ku taggahaꞌ binonoꞌ na baw kami mintu sampay ga anak-nda ku.

Panagnaan 32:3

Pag palanja ga si Yaꞌkub mandooy, lay doꞌ pamikihan na bong oy pabuwat na pag mintu sila sitammu ka kakaꞌ na si Esaw. Dari siꞌ katappakan pamiki na, lay doꞌ ya maduhuꞌ ga sosohoan na pilay pa mman si Esaw ndooy ni Seyil, yana lahat ma inawnan du Edom.

Panagnaan 32:8

Honaꞌ-honaꞌ na, bong mintu binonoꞌ meꞌ si Esaw baanan looy ma duhuꞌ, balangkali kapatangkaw gi ilooy ma dambuli.

Panagnaan 33:1

Na yaꞌ gi siꞌ hallom, pag ndaꞌ si Yaꞌkub, luu na pasōng pa mman na si Esaw ka baanan jama na mpat hatus. Dari bbuwatan si Yaꞌkub, lay sohoꞌ na siga anak na saliꞌ-saliꞌ pa mman ga nneꞌ da.

Panagnaan 35:3

Batnaa, lakka na tabi mantuu song pilay pa Betel. Takka ndooy, buwat na ku pangulbanan man tabi numba Tuhan. Iya ilay bay nabang aku jaman ku njawom bahaya mehe. Maka luu na pin ya ngunungan aku paninggai-paninggai jaꞌ ku.”

Matiyu 10:16

“Paayad-ayad kam batan sohoꞌ ta na kam patabbaꞌ pa jawom jama jahat. Sibuꞌ du sina mintu karuha bi ka siga bili-bili njawom baanan idoꞌ tawun ma doman jaꞌ nokob. Sangkon pakoyun bi honaꞌ-honaꞌ bi meꞌ ndang tabiat jama halul-akka maka subay lammaꞌ jaꞌ pangatayan bi ni jama.

Matiyu 8:26

Yuk si Isa, “Ongoy subay na pin kam tawu? Tud kulang bitu pangando bi pa Tuhan.” Dari siꞌ, lay na ya bangun sambayan na nohoꞌ baliyu looy ka siga lamba na patagong. Pag ndaꞌ da, taddoꞌ na lahat saꞌ alang-alang.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

2 Korin 1:4

Iya ina tukang magamgaman atay tabi tuktuk luu kasusahan tabi supaya kitabi na baw pandoy magamgaman siga pagkahi tabi ma njawom kasusahan. Dari pamiki ayad ma takoleꞌ tabi man Tuhan, man tabi na baw magamgaman jama.

2 Timuti 3:12

Sugaꞌ ni sabana na, mimon jama ma tibuuk ka si Isa Almasi, ma doman buwat kahandak Tuhan, mastiꞌ luu jaꞌ du sina masa da nilaugan.