Panagnaan 32:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Tugun si Yaꞌkub ninsila, “Baan bi Kaꞌ Esaw, masa hallom tuu, lay ku ndooy man Paꞌ Laban subay ga jama sampi. Pag batnaa, bohoꞌ ku kapoleꞌ.

Panagnaan 32:4 ပူးပေါင်းရင်းမြစ်များ

Panagnaan 23:6

“Meꞌ tee ba Tuwan, kau ina ni bandingan kami jama pataꞌ pinagmaltabatan. Meneꞌ na jaꞌ ko mamooy-mamooy katanaman nu man nu ngubu nda nu. Yaꞌ luu ntuu saꞌ kabuwan ningkau bong ya du sat tanaꞌ man ngubu.”

Panagnaan 25:30

Dari yuk na ni si Yaꞌkub, “Siglaꞌ ko. Sandukan doꞌ ku batung akket naa. Tud lingantu ku la!” Dari ilooy na poonan man si Esaw bay ndē si Edom, hatiyan na “akket.”

Panagnaan 27:29

Kamura-murahan meka du bangsa dari raayat nu sampay pakokoꞌ ningkau. Maka kamura-murahan binuwat du ko panghuluꞌ lūng-kampung nu sampay pakokoꞌ na du sila ningkau. Kamura-murahan sagannap ma numpaan kau, pinapoleꞌ du meꞌ Tuhan sumpaꞌ da pa jataꞌ da. Kuwan sagannap ma makuhan kau supaat, kamura-murahan sinupaatan du sila meꞌ Tuhan.”

Panagnaan 27:37

Pag tampung si Isahak, “San na ko Toꞌ. Lai na silay siꞌ pupusan ku mimon supaat ku njataꞌ ariꞌ nu. Lay na ya sinukuꞌ meꞌ ku magtakōk ningkau. Maka lay na du ya supaatan ku supaya mimon lūng-kampung na magpadiyoꞌ niiya buwat dī da tindog na bbos-bbos. Boꞌ lay gi ya supaatan ku supaya kalap balanjaꞌ na ka tubaꞌ anggul na. Mimon kaayaran lay na nnaꞌ ku njataꞌ na. Yaꞌ na luu tapabuwat ku ningkau Toꞌ.”

Panagnaan 31:41

Njawom duwampūꞌ taun, meꞌ looy na jaꞌ bay kaadaan ku halloman ku bay njawman nu. Sibuwa ku buwat man nu, sapu-mpat taun banahan bong pin bay jaꞌ takoleꞌ anak nu sikaduwa. Pag-anu, pasunuꞌ lagi nnom taun halloman ku bay buwat bong pin lay jaꞌ ku koleꞌ bahagiꞌ ni baanan hayop nu. Ulihan mandooy, min sapū lagi bay baluba nu meꞌ nu bay nganggadjihan aku.

Panagnaan 32:18

pag tampung nu, ‘Ituu tu ni siyali nu si Yaꞌkub. Lay sohoꞌ na binoo duhuꞌ man masampang kau. Luu na du sina ya dambuli.’ ”

Panagnaan 32:5

Maka baan bi ya, batnaa luu na du ku dambuli ka ga baanan sapiꞌ ku, ga kuraꞌ ku, ga bili-bili ka ga kambing sampay ga ata ku, danda-lalla. Baan bi ya tugun ku, kamura-murahan kinahopan du ku meꞌ na.”

Panagnaan 33:14

Sugaꞌ bong anu Kaꞌ, duhuꞌ na doꞌ ko, boꞌ kami sa patuhut pooy-pooy na tangkas-tangkas kami ka ga anak ku sampay ga kahayop-hayopan naa. Ndang-ndang ina, song hallom, takka du sina kami pilay pa mman nu ndooy ni Seyil.”

Panagnaan 33:8

Tilaw si Esaw, “Batōy nu lay la ga baanan hayop looy siꞌ ma bay paruhuꞌ nu?” Tampung si Yaꞌkub, “Ningkau silay Kaꞌ, tandaꞌ aseꞌ ku ningkau.”

Panagnaan 36:9

Na ndooy siꞌ ni Seyil, paeka na pin panubuꞌ si Esaw. Dari iya na bay poonan bangsa Edom ndooy. Batnaa ituu na listahan siga awon ga nda si Esaw ka ga anak-mpu da.

Panagnaan 4:7

Bong siꞌ ilay ko bay katuwaꞌ, malaingkan kasulutan jaꞌ sina ku ningkau. Sugaꞌ bong ina ko yaꞌ kuhi paintong, pahap-hap ko taggahaꞌ inoyo-oyohan na pin ko meꞌ dangkiꞌ nu buwat dusa. Dusa ina meꞌ sapantun sattuwa ngagad-ngagad nabbat kau. Sangkon subay talloban nu.”

Lukas 14:11

Indanan bi. Soysoy ina malangkaw dī na, song hallom, pinadiyoꞌ du sina. Sugaꞌ soysoy ina magpadiyoꞌ, pinalangkaw du sina.”

1 Pitel 3:6

Disu danda meꞌ looy ilay yana bay jaman Sitti Sara. Saꞌ ba, ngasip jaꞌ ya ni lla na, yana Nabi Ibrahim, sampay bay gi bilang na subay ga papuꞌ na? Na kaam karandahan ni batnaa, bong kam pauru ni hāp arat-tabiat Sitti Sara sampay yaꞌ kam kuhi takawum leꞌ tawu, malaingkan binilang na sina kam siga anak Sitti Sara.