Panagnaan 32:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Yuk si Yaꞌkub, “Uy la, bay ku sitammu ka Tuhan balharapan, boꞌ masi gi ku bitu llum!” Dari lay awnan na lahat looy Peniyel, hatiyan na, “luwa Tuhan.”

Panagnaan 32:30 ပူးပေါင်းရင်းမြစ်များ

Panagnaan 16:13

Na si Hajal siꞌ tu, tabista na ilooy na siꞌ Tuhan, saꞌ ga malaikat. Dari njawom atay na, “Uy la, lay na bilay siꞌ takita ku Tuhan, ilooy ma ndang tattap ngita aku.” Dari siꞌ, bbuwatan si Hajal lay nganggalla Tuhan, “El Roy,” hatiyan na, “Tuhan, ilooy ma ngita aku.”

Panagnaan 28:19

Pag lupus, lay na baw awnan na lahat looy Betel, hatiyan na “Lumaꞌ Tuhan.” Sibuwa ilay siꞌ awon na Luz.

Panagnaan 35:9

Na balik ta pa bay kalakka si Yaꞌkub man lahat matoa na ndooy ni Paddan-Aram, song hallom, lay na baw ya takka pa Kanan. Ndooy siꞌ, lay na baw ya tinammuhan meꞌ Tuhan pabalik. Maka lay gi ya sinupaatan.

Yahiya 1:18

Na inawnan Tuhan, yaꞌ bay pingkaꞌ takita leꞌ manusiyaꞌ. Sugaꞌ lay na baw ya pinalahil ningkitabi meꞌ Anak tungga na, yana Tuhan du ma tattap njawom atay Mmaꞌ na.

1 Korin 13:12

Batnaa, kulang gi pangahati tabi. Pangandaan tabi hāl Tuhan sibuꞌ du karuha na ka jama ngandaꞌ lingu na ni jawom sammin ginagat. Sakayi ina sukup pangahati tabi, noy mintu kitabi sitammu na ka Tuhan balharapan. Batnaa itu, bohoꞌ sabahagiꞌ pangahati tabi, sugaꞌ bbos-bbos, yaꞌ na luu kulang na, sibuꞌ na du ka pangahati Tuhan pasal kitabi.

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Galatiya 1:6

Ngkon ku tu nuwat batnaa batan tud jayip ku ningkaam. Tud bay siglaꞌ kam nikutan Tuhan. Mingkan, iya gi silay bay ngaliyun kaam pa jawom okoman na man sabapan aseꞌ Almasi. Pag-anu, tatammu bi na baw ga mmeꞌ ni umanat sarī man umanat mahap ma ndang lay na kinapitsayaan meꞌ bi.

Epesus 1:17

Maku na pin situ ku duwaa pa Mmaꞌ tabi ma yaꞌ luu sibuꞌ sabanding na, yana Tuhan Papuꞌ tabi si Isa Almasi. Kamura-murahan binuwanan du kam pangahati lawom ni hāl Tuhan supaya magsasōng na pin meꞌ bi lungbid ka iya.

Kolossa 1:15

Na Tuhan ina yaꞌ takita, sugaꞌ man sabapan si Isa Almasi, sibuꞌ na du ka takita tabi arat-tabiat Tuhan ka kawasa na. Batan si Isa ina pulnaꞌ limbagan Tuhan. Maka ginalla du ya Anak Siyaka sabap iya ngantanan kawasa-kapatut njataꞌ mimon ma bay pinapayak.

2 Timuti 1:10

Boꞌ lai na situ pinalahil aseꞌ-tabang na pag taabut na bay mapitu si Isa Almasi pa junyaꞌ, yana tukang nalamat kitabi. Batan lay langkat si Isa kawasa kapatoy pag taabut na pinakallum pabalik. Maka lay gi ya masampay umanat mahap supaya soysoy pitsayaꞌ niiya koleꞌ kasampulnaan nyawa ma yaꞌ luu katapusan na.

Hibrani 11:27

Dari sabapan pangando Nabi Musa pa Tuhan, lay du boo na mimon bangsa na lakka man Ejip. Boꞌ yaꞌ na ya tawu san biddaꞌ na lasu sultan niiya. San kajinisan katiksaan bay lingkaan na, lay jaꞌ tatasan na sabap takita-kita na na Tuhan ma yaꞌ takita ngunungan iya.