Panagnaan 32:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Kamasaꞌ meꞌ aku disu ata nu, yaꞌ san ku tawop kaasean nu sampay sigi-sigi tinabang meꞌ nu. Lān ku bay lakka man lahat ku sampay bay ngalintas Sōng Juldan, yaꞌ san luu bay boo ku oy maka oy na sarī man tungkud. Pag poleꞌ ku, itu na ku bay dari duwam baanan mehe.

Panagnaan 32:10 ပူးပေါင်းရင်းမြစ်များ

Panagnaan 18:27

Pag-anu, yuk si Ibrahim na baw, “Papuꞌ, ampunun sa ku. Tawakkahan ku na pin mitsala ningkau. Pasensiya na doꞌ ko niyaku san ku meꞌ sapantun momok tanaꞌ jaꞌ atawa abu ma yaꞌ san pataꞌ pinaruli meꞌ nu.

Panagnaan 24:12

Pag-anu siꞌ, kuwan panghuluꞌ tindog looy lay maku duwaa, yuk na, “Ū Papuꞌ, meꞌ kau Tuhan ma sinumba meꞌ tuwan ku si Ibrahim, llaw tuu bong siꞌ numan ni kahandak nu, tabangan doꞌ ku mari sampulnaꞌ maksud ku pitu. Junjung ku na ningkau, poun na timbang nu ni tuwan ku.

Panagnaan 24:27

Yuk na, “Tuhan, meꞌ kau Papuꞌ tuwan ku si Ibrahim, pudji mehe ningkau. Bana-bana du kanaalla ko numan janjiꞌ nu ni tuwan ku ni kaaseꞌ nu niiya. Lay na du ku bana patiluꞌ nu pa mman paglūng na.”

Panagnaan 28:13

Maka takita na na Papuꞌ nangge ni jataꞌ ni bihing kōk haron looy magpalman, yuk na, “Aku na situ Papuꞌ, yana Tuhan Boꞌ nu Ibrahim ka Tuhan mmaꞌ nu si Isahak. Tanaꞌ tuu man nu pabāk pamuwan ku na situ kau sampay na ga panubuꞌ nu bbos-bbos.

Panagnaan 28:15

Paninggai-paninggai ko, basta unungan ta jaꞌ sina ko maka aku sa ngagpangan kau ni oy-oy piligru. Maka boo ta sa ko bbeleng pa lahat tuu. Yaꞌ du ko pabiya ku. Mimon ma bay janjiꞌ ku ningkau, mastiꞌ tuman ku jaꞌ sina.”

Panagnaan 30:43

Dari pag toklas na, lay na si Yaꞌkub magkadayahan. Boꞌ meka na baanan bili-bili na, ga kambing na, ga untaꞌ na, ga kuraꞌ na sampay meka na du ata na, danda-lalla.

Panagnaan 31:3

Yaꞌ gi siꞌ hallom, magpalman na baw Tuhan ni si Yaꞌkub, yuk na, “Pabeleng na ko pa lahat induꞌ-mmaꞌ nu ka lūng-kampung nu. Unungan ta sa ko.”

Panagnaan 32:5

Maka baan bi ya, batnaa luu na du ku dambuli ka ga baanan sapiꞌ ku, ga kuraꞌ ku, ga bili-bili ka ga kambing sampay ga ata ku, danda-lalla. Baan bi ya tugun ku, kamura-murahan kinahopan du ku meꞌ na.”

Panagnaan 32:7

Si Yaꞌkub siꞌ tu, tud bay tawu sampay susa na ya banahan. Dari siga anak-nda na ka ga tindog na sampay ga bili-bili na, kambing na, sapiꞌ na ka untaꞌ na lay pabuwat na duwam baanan.

Lukas 17:10

Subay siꞌ meꞌ naa du kam. Pus bi bay buwat mimon ma bay sinohoꞌ meꞌ Tuhan ningkaam, daa kam ngingat ga subay na pin ya magsuku ningkaam. Arapun ingatun bi ata Tuhan sadjaꞌ kam buwat sagannap ma bay sinukuꞌ ningkaam.”

Lukas 5:8

Pag ndaꞌ si Saymon Pitel ka ga soheꞌ na biddaꞌ na eka daying bay takoleꞌ da, tud bay haylan sila. Sampay siga soheꞌ si Saymon ni bagung looy disu, yana si Yaꞌkub ka si Yahiya, ga anak si Sibidi, tud bay du haylan. Pag tabista si Saymon meꞌ looy na kawasa-kapatut si Isa, ilooy ma lay ya nangge ka tuut na ni awpan na sambayan na halling, “Papuꞌ, san bitu ku mbanan nu na. Yaꞌ san ku pataꞌ dambuwaꞌ ka kau batan aku itu baldusa.” Pag-anu, yuk si Isa ni si Saymon, “Daa ko ba tawu. Labba man batnaa, manusiyaꞌ na sina pinukut meꞌ nu.”

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

1 Pitel 5:5

Na kuwan kaam ma masi baddung, subay kam lillaꞌ ni siga matatoa ni baanan bi. Maka kitabi sikamimon subay magpadiyoꞌ saliꞌ-saliꞌ ni pagkahi tabi, batan yuk njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”