Panagnaan 31:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Yaꞌ gi siꞌ hallom, magpalman na baw Tuhan ni si Yaꞌkub, yuk na, “Pabeleng na ko pa lahat induꞌ-mmaꞌ nu ka lūng-kampung nu. Unungan ta sa ko.”

Panagnaan 31:3 ပူးပေါင်းရင်းမြစ်များ

Panagnaan 13:15

Dean ku na sina mintu ningkau sampay na ga panubuꞌ nu mimon lahat tuu. Sagannap tanaꞌ ma takita nu satapus-tapus mata, kapakaam na sina mintu saumu.

Panagnaan 21:22

Balik ta pa Sultan Abimalik, song hallom, lay ya pilay ka komandel sundalu na, yana Komandel Pikol, pa mman si Ibrahim. Takka ndooy, yuk na, “Ni lilingan kami, tud inunungan ko meꞌ Tuhan batan ndaꞌ kami, oy-oy pabuwat nu, yaꞌ luu saꞌ yaꞌ sampulnaꞌ.

Panagnaan 26:24

Pag takka da ndooy, sangom na. Maka sangom looy du, lay na baw si Isahak tinammuhan meꞌ Papuꞌ, yuk na, “Aku na situ Tuhan mmaꞌ nu si Ibrahim. Daa na ko tawu ni oy maka oy na. Itu du ku ngunungan kau. Supaatan ta sa ko maka buwanan ta ko panubuꞌ paeka sabapan bay janjiꞌ ku ni ata ku si Ibrahim.”

Panagnaan 28:13

Maka takita na na Papuꞌ nangge ni jataꞌ ni bihing kōk haron looy magpalman, yuk na, “Aku na situ Papuꞌ, yana Tuhan Boꞌ nu Ibrahim ka Tuhan mmaꞌ nu si Isahak. Tanaꞌ tuu man nu pabāk pamuwan ku na situ kau sampay na ga panubuꞌ nu bbos-bbos.

Panagnaan 28:15

Paninggai-paninggai ko, basta unungan ta jaꞌ sina ko maka aku sa ngagpangan kau ni oy-oy piligru. Maka boo ta sa ko bbeleng pa lahat tuu. Yaꞌ du ko pabiya ku. Mimon ma bay janjiꞌ ku ningkau, mastiꞌ tuman ku jaꞌ sina.”

Panagnaan 28:4

Kamura-murahan labuꞌ pa kau na sampay ga panubuꞌ nu bay supaat njataꞌ Boꞌ nu Ibrahim mari kapakaam na paglahat tuu man tabi sampi. Ndang-ndang lay du situ njanjiꞌ leꞌ Tuhan tanaꞌ tuu ndean Boꞌ nu Ibrahim.”

Panagnaan 30:25

Na luu jaꞌ siꞌ si Yusup bay pinamaddihan, yuk si Yaꞌkub ni matoa na si Laban, “Bong siꞌ la Paꞌ kadarihan ningkau, moleꞌ na ku la pa lahat kami.

Panagnaan 31:13

Aku na situ Tuhan ma bay patammu ningkau ndooy ni Betel ni tagan man nu bay matangge batu looy, boꞌ bay tinumpahan insallan man nu maehe aku. Maka aku na situ man nu bay napa. Batnaa, panyap na ko, boꞌ nu pabeleng na pa lahat man nu bay pinamaddihan.’ ”

Panagnaan 31:2

Maka si Laban pun, tabistu na du meꞌ si Yaꞌkub kulang na hōp na niiya.

Panagnaan 31:4

Dari lay si Yaꞌkub nugun pa lumaꞌ nohoꞌ si Liya ka si Rakel pilay pa kahayangan man na biyasa ngipat baanan hayop na.

Panagnaan 32:10

Kamasaꞌ meꞌ aku disu ata nu, yaꞌ san ku tawop kaasean nu sampay sigi-sigi tinabang meꞌ nu. Lān ku bay lakka man lahat ku sampay bay ngalintas Sōng Juldan, yaꞌ san luu bay boo ku oy maka oy na sarī man tungkud. Pag poleꞌ ku, itu na ku bay dari duwam baanan mehe.

Panagnaan 32:5

Maka baan bi ya, batnaa luu na du ku dambuli ka ga baanan sapiꞌ ku, ga kuraꞌ ku, ga bili-bili ka ga kambing sampay ga ata ku, danda-lalla. Baan bi ya tugun ku, kamura-murahan kinahopan du ku meꞌ na.”

Panagnaan 32:9

Pus meꞌ looy, lay na baw maku duwaa si Yaꞌkub, yuk na, “Papuꞌ, meꞌ kau Tuhan Boꞌ Ibrahim ka Simmaꞌ, masi taintom ku kau bay nohoꞌ aku pabeleng pa lahat ku pa jawom lūng-kampung ku. Maka lay gi ko nganjanjiꞌ ngunungan aku.

Panagnaan 35:1

Na sasang ga si Yaꞌkub masi gi ndooy ni Sekem, lay na baw magpalman Tuhan niiya, yuk na, “Aku na situ Tuhan ma bay nammuhan kau ndooy ni Betel jaman nu bay malahiyan kakaꞌ nu si Esaw. Batnaa, pabeleng na ko pa Betel, maka ndooy na ko maglahat, boꞌ nu buwat pangulbanan man bi numba aku.”

Panagnaan 35:3

Batnaa, lakka na tabi mantuu song pilay pa Betel. Takka ndooy, buwat na ku pangulbanan man tabi numba Tuhan. Iya ilay bay nabang aku jaman ku njawom bahaya mehe. Maka luu na pin ya ngunungan aku paninggai-paninggai jaꞌ ku.”

Panagnaan 50:24

Na tapit jaꞌ siꞌ kapatoy si Yusup, tugun na ni ga danganakan na, “Aku tu, yaꞌ na hallom matoy, sugaꞌ yaꞌ du sina kam pinabiya meꞌ Tuhan. Bbos-bbos binoo du sina ga panubuꞌ bi meꞌ Tuhan pa Kanan, lahat looy ma bay janjiꞌ Tuhan ni Boꞌ Ibrahim, Boꞌ Isahak, sampay ni Simmaꞌ.”

Hibrani 13:5

Ilagan bi magnapsu mulakab ni altaꞌ. Magsuku jaꞌ kam ni oy-oy ma luu ningkaam. Ndang-ndang bay du halling Tuhan jawom kitab, “Yaꞌ na sina luu masa bi mbanan ku atawa pabiya ku.”