Panagnaan 30:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na si Rakel siꞌ tu, pagka ya niyaꞌ hanak, tud bay dangkiꞌ ya ni kakaꞌ na. Dari yuk na ni si Yaꞌkub, “Bong ku itu yaꞌ pahanak nu, matoy na situ ku!”

Panagnaan 30:1 ပူးပေါင်းရင်းမြစ်များ

Panagnaan 29:31

Na pag ndaꞌ Tuhan kulang kinaasean si Liya, ilooy ma lay buwanan na si Liya timbang sampay lay na battong. Boꞌ si Rakel yaꞌ hanak.

Panagnaan 37:11

Dari siꞌ, yaꞌ na kuhi banti dangkiꞌ siga danganakan na niiya. Sugaꞌ kuwan mmaꞌ da baw siꞌ tu, papiha-piha na pin bong oy kamaatunan bay upihan si Yusup.

Yahiya 4:3

Pag katoonan si Isa bay kaakahan siga Parisi meꞌ looy, lay na ya palakka ka ga mulit na man Yahudiya, boꞌ da pabeleng pa Jalil.

1 Korin 3:3

Man ku itu siꞌ halling meꞌ tuu batan masi gi pamiki bi meꞌ jama ma mandang hāl junyaꞌ. Batan taaka ku bbuwatan bi nnaa kasohean sikarangkiꞌ-karangkiꞌ sampay sasaꞌ-manasaꞌ. Sibuꞌ du karuha bi ka jama ma yaꞌ pitsayaꞌ ni si Isa

2 Korin 7:10

Batan bong ina kita susa sabapan dusa ta, boꞌ kasusahan ta lay dari poonan man ta nawbat, inaa ina susa pinagpiha meꞌ Tuhan. Maka susa meꞌ looy ilay moo kita pa jawom kasalamatan sampay kalakkahan sasso ta lagi. Boꞌ siga jama ma niyaꞌ ngisbat Tuhan ina, minsan tamūd magkasusahan sila ni bay dusa da, yaꞌ du kuhi nawbat. Dari toklas na, tiksaꞌ nyawa da.

Galatiya 5:21

Maka jama ina ma pinagbayaan meꞌ napsu da, kainagon da kapasila na altaꞌ pagkahi da, maka panginum sila, sampay mmeꞌ sila ni buwatan baanan danda ka lalla buwat kalalamaan, meꞌ naa, meꞌ naa. Sugaꞌ ndang bay kam silay baan ku maruhuꞌ, jama ma buwat meꞌ looy, yaꞌ luu kabigiꞌ-bigian da ni okoman Tuhan.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Yaꞌkub 3:14

Sugaꞌ bong ina luu dangkiꞌ atawa gigit njawom atay bi atawa pun isu-isu parasahan bi du pinaruli meꞌ bi, daa na kam ngabbu saula-ula luu pangahati bi lawom. Yaꞌ du sina luu kabanahan ni bitsala bi.

Yaꞌkub 4:5

Daa kam mista suwat njawom kitab meꞌ baliyu pingkaꞌ jaꞌ, ilooy ma yuk na, “Rū ma bay pinaasok meꞌ Tuhan pa jawom atay tabi pangimbu. Kainagon na subay Tuhan numbul satu kinaasean meꞌ tabi.”