Panagnaan 3:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Arapun ngkon kam ilay bay binandaan meꞌ looy batan katoonan Tuhan bong kam bay na kakakan, mastiꞌ bukaꞌ na pamiki bi. Maka sumibuꞌ na du kam niiya kasayu mahap-maat.”

Panagnaan 3:5 ပူးပေါင်းရင်းမြစ်များ

Panagnaan 2:17

Sugaꞌ luu baw silay disu poon kayu yaꞌ dari kinakan buwaꞌ na. Buwaꞌ na kabuwan pangahati nilang mahap-maat, sugaꞌ tinagga baw sina ningkau. Bong ina ko bay kakakan, basta matoy jaꞌ sina ko.”

Panagnaan 2:9

Na ndooy ni tinanom-tinanom looy siꞌ, luu na du jinisan kakayu-kayuhan bay pinatomoꞌ meꞌ Tuhan. Kagak-gāk jaꞌ inandaꞌ boꞌ mahap gi lassa buwaꞌ da labbasakayi. Ndooy siꞌ ni tangngaan tinanom looy, luu duwa poon kayu sarī jinisan da man ilooy kasohean. Disu, bong jama bay kakakan buwaꞌ na, llum ya saumu-umu. Kuwan ilooy disu, bong jama bay kakakan buwaꞌ na, pandoy na ya nilang mahap-maat.

Panagnaan 3:10

Pag tampung lalla looy, “Pag bay takale ku siꞌ bahunus nu lumān, lay ko tapukan ku. Tawu ku takita nu nantang.”

Panagnaan 3:22

Pag-anu yuk Tuhan, “Batnaa, kadarihan ga manusiyaꞌ naa meꞌ kitabi na du batan tasayu da na mahap-maat. Yaꞌ sila tapabiya ku ngattuꞌ sampay mangan buwaꞌ kayu looy ma kabuwan kaallum saumu, taggahaꞌ bong sila bay kakakan, yaꞌ na baw mintu sila matoy saumu-umu.”

Panagnaan 3:7

Dari siꞌ, bukaꞌ du pamiki da nilang mahap-maat sampay tasayu da na ga nantang sila. Dari siꞌ, lay sila nahiꞌ dawun kayu man da napisan baran da.

Matiyu 6:23

Sugaꞌ bong ina kam mandang jaꞌ meꞌ bi nulut dī bi, sibuꞌ du kam ka jama sakihan mata da. Yaꞌ tumampak meꞌ bi ngandaꞌ. Sibuꞌ du karuha bi ka jama bagagap jaꞌ njawom lindom. Boꞌ na, bong kam mista na pin mahap meꞌ bi ngandaꞌ, mangkin na kam njawom lindom na saꞌ alang-alang.”

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

2 Korin 11:3

Ilooy kahanggawan ku, taggahaꞌ lay na baw kam mintu inakkahan meꞌ karuha jaman Sitti Hawa bay takoleꞌ inakkahan meꞌ sō mattoꞌ. Hanggaw ku taggahaꞌ takoleꞌ na baw kam pinagsian sampay man lungay na kasutsian bi ka hilas atay bi ngisbat Almasi.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

2 Tesaloneka 2:4

Bbuwatan na ngangkat dī na saula-ula patingkat ya man mimon ma pinag-awnan meꞌ manusiyaꞌ tuhan da atawa oy-oy sinumba meꞌ da. Boꞌ patabbaꞌ gi sina ya pa jawom lumaꞌ Tuhan, yana langga mehe, boꞌ na ningkōꞌ ndooy magladjaꞌ-ladjaꞌ ngawnan dī na Tuhan.

Siga Pakaradjaan bay Pinalahil 13:14

Dari man sabapan siga sipat kawasa bay tapabuwat sattuwa looy ma dambuli kalnaꞌ sattuwa looy ma duhuꞌ, lay takoleꞌ na inakkahan mimon manusiyaꞌ ni junyaꞌ ma saꞌ sukuꞌ Tuhan. Sampay lay gi sila sohoꞌ na buwat jama-jama ni limbagan sattuwa looy ma duhuꞌ, ilooy ma lay na kaulian, dak bay matoy meꞌ bakat kataliꞌ.

Siga Pakaradjaan bay Pinalahil 13:4

Dari siꞌ, manusiyaꞌ lay na ga numba naga looy sabap iya poonan kawasa-kapatut sattuwa looy. Sattuwa looy pun lay na du bay sinumba meꞌ manusiyaꞌ sampay kapahalling na ga sila, “Yaꞌ na bilay la luu sibuꞌ sabanding sattuwa looy! Yaꞌ luu kaatu niiya.”