Panagnaan 3:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Pag-anu, yuk Tuhan na baw ni lalla looy, “Pagka lay jaꞌ ko kuhi tagayu meꞌ nda nu nohoꞌ mangan buwaꞌ kayu looy ma bay tinagga meꞌ ku, sumpaan ku na sina tanaꞌ sabapan nu. Labba man batnaa, halloman nu llum, malasahi sina ko miha balanjaꞌ.

Panagnaan 3:17 ပူးပေါင်းရင်းမြစ်များ

Panagnaan 3:11

Yuk Tuhan, “Pooy baw tu meꞌ nu kasayu ga nantang ko? Lay na kina ko kakakan buwaꞌ kayu looy ma bay bandaan ku yaꞌ nohoꞌ kinakan?”

Panagnaan 3:18

Labba man batnaa, luu na sina sumpot-lanting mimon pannoꞌ meꞌ iting tomoꞌ ni tinanom nu.

Panagnaan 3:6

Na ni lilingan danda looy, kagak-gāk inandaꞌ poon kayu looy maka buwaꞌ na bantuk mahap lassa na bong kinakan. Sarī gi, doman ya koleꞌ pangahati lawom bong ya bay kakakan. Dari siꞌ ilooy ma lay du ya ngattuꞌ boꞌ na mangan. Pag-anu, lay gi buwanan na lla na sampay lay du mangan.

Panagnaan 5:29

Pag-anu, lay inawnan meꞌ na si Nū, hatiyan na “tukang magamgam,” batan yuk si Lamek, “Anak ku itu mintu, iya na magamgaman kitabi njawom katiksaan tabi buwat pa tanaꞌ ma bay sinumpaan leꞌ Tuhan.”

Panagnaan 8:21

Pag taūk leꞌ Tuhan, kasulutan ya ni bangngi na. Dari njawom atay na, “Yaꞌ na situ balikan ku numpaan tanaꞌ sabapan kalaatan manusiyaꞌ. Manusiyaꞌ ina ndang baldusa sikamimon maka maat pamiki da labba man kadikiꞌ da. Sugaꞌ yaꞌ na baw situ balikan ku ngatisan sagannap balnyawa meꞌ bay hallang-hallangan tuu.

Matiyu 22:12

Dari yuk sultan niiya, ‘Uy Nges, ongoy taggahaꞌ ko bay paasok pitu yaꞌ san bay matuk badjuꞌ man mmeꞌ ngawin?’ Sugaꞌ yaꞌ san ya nammu halling.

Matiyu 25:45

“Pag tampung ku ina mintu, ‘Baan ta kam banahan, waktu bi ilay yaꞌ bay nulung ni soysoy danganakan ku san du pooy diyoꞌ na ni bandingan manusiyaꞌ, sibuꞌ du ka aku yaꞌ bay tulung bi.’ ”

Lukas 19:22

“Dari yuk sultan niiya, ‘Behe nu na bina mismu bay mōꞌ buktiꞌ kau tindog maat. Tatammu nu ga māꞌ, aku jama adil banahan. Maka baꞌ-bāꞌ nu, biyasa ku ngaddoꞌ untung lakka man hulas-sangsāꞌ jama. Maka yuk nu, ngaddoꞌ jaꞌ ku kattoman san saꞌ aku bay tanom.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Suwat si Pol pa mman Baanan Sukuꞌ si Isa ndooy ni Rom 3:19

Na hantak bitsala looy ilay siꞌ njawom kitab, tumatandaꞌ na mimon manusiyaꞌ dusahan pa Tuhan. Tud yaꞌ luu san disu nammu daawa man da nangkisan hukuman Tuhan, awla na bangsa Yahudi ma bay pina-ntanan saraꞌ, boꞌ langga da lagi. Sangkon mimon manusiyaꞌ pataꞌ kalabuan hukuman.

Hibrani 6:8

Sugaꞌ kasohean tanaꞌ ni huma looy gam pin katomoan lumput itingan. Tanaꞌ meꞌ looy ilay yaꞌ luu pūs na. Pag toklas na, sinumpaan sampay tinunu na ddas ka tinanom na.