Panagnaan 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na ni mimon sattuwa tawun ma bay pinapayak meꞌ Tuhan, yaꞌ luu bay akkahan labi man sō. Dari disu llaw, lai sō looy pa mman danda looy, yuk na, “Bana kilay lay kam binandaan leꞌ Tuhan yaꞌ nohoꞌ mangan buwaꞌ oy-oy jaꞌ kayu ni tinanom tuu?”

Panagnaan 3:1 ပူးပေါင်းရင်းမြစ်များ

Matiyu 10:16

“Paayad-ayad kam batan sohoꞌ ta na kam patabbaꞌ pa jawom jama jahat. Sibuꞌ du sina mintu karuha bi ka siga bili-bili njawom baanan idoꞌ tawun ma doman jaꞌ nokob. Sangkon pakoyun bi honaꞌ-honaꞌ bi meꞌ ndang tabiat jama halul-akka maka subay lammaꞌ jaꞌ pangatayan bi ni jama.

Matiyu 4:3

Pag-anu siꞌ, takka na baw Ibilis, yana tukang nasat. Yuk na ni si Isa, “Bong ko bana-bana Anak Tuhan, sōn teꞌ padari tinapay ga batu naa mari luu na kakan nu.”

Matiyu 4:6

Yuk Ibilis niiya, “Bong ko bana-bana Anak Tuhan, kupa teꞌ ko pa diyoꞌ. Ndang-ndang yaꞌ du sina ko kongoy-kongoy, batan saꞌ ba, luu du bay sinuwatan njawom kitab, ‘Sohoꞌ Tuhan sa siga malaikat na nayak kau supaya yaꞌ san sumantuk battis nu ni batu.’ ”

Matiyu 4:9

Pag-anu, yuk Ibilis niiya, “Mimon inaa dean ku na kau bong ko sujud numba aku.”

2 Korin 11:14

Sugaꞌ daa na kitabi haylan, batan Ibilis pun ina ngakka du sampay manyalupa gi pa malaikat nahayaꞌ na bahasa lakka man Tuhan.

2 Korin 11:3

Ilooy kahanggawan ku, taggahaꞌ lay na baw kam mintu inakkahan meꞌ karuha jaman Sitti Hawa bay takoleꞌ inakkahan meꞌ sō mattoꞌ. Hanggaw ku taggahaꞌ takoleꞌ na baw kam pinagsian sampay man lungay na kasutsian bi ka hilas atay bi ngisbat Almasi.

1 Pitel 3:7

Na bitsala tuu ma pasunuꞌ para ningkaam kalallahan. Subay kam pandoy mogbogan kasalassayan ka nda bi. Maka isbatun bi meꞌ bi nabangan sila batan yaꞌ sibuꞌ anggawtaꞌ da ka lalla. Magmaltabat kam ninsila, batan sibuꞌ-sibuꞌ du kam bay kapusakahan ladjikiꞌ man Tuhan, yana kasampulnaan nyawa saumu-umu. Bong ina yaꞌ mahap meꞌ bi buwat nda bi, malaingkan yaꞌ du kinabbul duwaa bi meꞌ Tuhan.

Siga Pakaradjaan bay Pinalahil 12:15

Dari buwatan naga looy baw siꞌ tu, napputan boheꞌ paeka man behe na, subay ga sōng, man na ngalimbo danda looy ka liyud landos.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 20:2

Pag-anu siꞌ, lay sungkuban na naga looy siꞌ, yana sō looy ma ndang luu ni panagnaan awwal jaman, yana Ibilis, panghuluꞌ seytan. Pag-anu, boꞌ na pinusas meꞌ malaikat looy sampay hiniyakan pa jawom lowang tangob looy. Pag lupus, lay tangkop malaikat looy lowang looy, boꞌ lay lagi kinunsiꞌ patakkoꞌ supaya yaꞌ na luu dapat naga looy pōꞌ magsian kabangsa-bangsahan. Naga looy siꞌ lay katimpuhan tinahan ndooy njawom dalibu taun. Paddus jaꞌ timpu na, pinōꞌ du ya sugaꞌ yaꞌ du humallom.