Panagnaan 28:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Kamura-murahan sinupaatan du ko meꞌ Tuhan Sangat Kawasa supaya meka panubuꞌ nu. Maka kamura-murahan siga panubuꞌ nu dari poonan jinisan kabangsa-bangsahan.

Panagnaan 28:3 ပူးပေါင်းရင်းမြစ်များ

Panagnaan 1:28

Pag-anu siꞌ, lay na baw sila supaatan Tuhan, yuk na, “Hanak-balanak na kam supaya lataꞌ na junyaꞌ meꞌ panubuꞌ bi. Kaam na magbayaan mimon taꞌ babaw junyaꞌ sampay ga daying ni dilawut ka ga manuk-manuk sampay mimon balnyawa mehe-dikiꞌ taꞌ junyaꞌ.”

Panagnaan 13:16

Maka panubuꞌ ma dean ku ina mintu ningkau, mas mura gi initung momok tanaꞌ man sila tandaꞌ ni kaeka da.

Panagnaan 17:20

Sugaꞌ daa na ko susa pasal si Ismail. Lay du silay siꞌ takale ku bay paku nu pasal iya. Mastiꞌ supaatan ku du sina ya. Buwanan ku sa ya panubuꞌ paeka. Anak na ina mintu, luu sapu-duwa lalla dari datuꞌ labbasakayi. Maka sila ina mintu yana poonan disu bangsa tanyag.

Panagnaan 24:60

Pag-anu, lay gi si Ribeka pinakuhan supaat meꞌ mimon jama lumaꞌ na, yuk da, “Kamura-murahan Nang binuwanan du ko meꞌ Tuhan laksaꞌ-laksaan panubuꞌ. Maka kamura-murahan man tabang Tuhan, ā jaꞌ mimon banta da meꞌ da.”

Panagnaan 26:24

Pag takka da ndooy, sangom na. Maka sangom looy du, lay na baw si Isahak tinammuhan meꞌ Papuꞌ, yuk na, “Aku na situ Tuhan mmaꞌ nu si Ibrahim. Daa na ko tawu ni oy maka oy na. Itu du ku ngunungan kau. Supaatan ta sa ko maka buwanan ta ko panubuꞌ paeka sabapan bay janjiꞌ ku ni ata ku si Ibrahim.”

Panagnaan 26:4

Buwanan ta sa ko panubuꞌ meꞌ eka potean taꞌ langit. Maka dean ku sa sila mimon paglahat tuu. Bbos-bbos ina mimon kabangsa-bangsahan sinupaatan man sabapan panubuꞌ nu.

Panagnaan 27:33

Si Isahak siꞌ tu, mipig na saꞌ alang-alang sambayan na nilaw, yuk na, “Bong meꞌ naa, soy baw lay siꞌ ilooy ma bay moonan aku lawuk nsiniꞌ? Bohoꞌ ku bitu lupus mangan! Boꞌ lai na kalanduꞌ supaat ku ni jataꞌ na. Yaꞌ na silay tabawiꞌ ta, mastiꞌ kinabbul na jaꞌ silay labbasakayi!”

Panagnaan 35:11

Maka yuk Tuhan niiya, “Aku na situ Tuhan Sangat Kawasa. Buwanan ta sina ko panubuꞌ lipat man lipat. Batan kau na sina mintu poonan disu bangsa balkanan sampay tabeꞌ na jinisan bangsa ningkaam. Maka luu du sina mintu siga sultan pōꞌ man siga panubuꞌ nu.”

Panagnaan 41:52

Kuwan anak na ma ni kaduwa, lay awnan na si Epraim, hatiyan na “binuwanan ga anak,” batan yuk na, “Lay na ku kaladjikian meꞌ Tuhan binuwanan siga anak ni lahat man ku bay pingkaꞌ tiksaꞌ.”

Panagnaan 43:14

Kamura-murahan pinaluuy du lalla looy ningkaam meꞌ Tuhan Sangat Kawasa supaya pinapoleꞌ du si Simiyun sampay si Benjamin. Pasal aku, bong sipais bay kongoy-kongoy anak ku, san biddaꞌ na kasusahan ku, pooy-pooy na.”

Panagnaan 48:3

Pag-anu siꞌ, yuk si Yaꞌkub ni si Yusup, “Toꞌ, jaman ku ni Luz ndooy ni Kanan, lay ku tinammuhan meꞌ Tuhan Sangat Kawasa, boꞌ lay gi ku supaatan na.

Panagnaan 48:4

Yuk na niyaku, ‘Buwanan ta ko panubuꞌ paeka, maka bbuwat ta kam disu bangsa balkanan sampay tabeꞌ na jinisan bangsa ningkaam.’ Maka yuk Tuhan niyaku, ‘Dean ku na sina mintu tanaꞌ Kanan ni siga panubuꞌ nu, boꞌ sila na dapu pangkat-mamangkat saumu.’ ”

Panagnaan 49:25

Kamura-murahan luu na pin Tuhan ku Sangat Kawasa nabangan kau sampay muwanan kau uwan man jataꞌ ka boheꞌ man jawom tanaꞌ. Maka kamura-murahan llipat du meꞌ Tuhan eka panubuꞌ bi ka hayop bi.”

Panagnaan 9:1

Pag-anu, lay na baw Tuhan nupaatan si Nū ka ga anak na, yuk na, “Hanak-balanak na kam supaya lataꞌ na junyaꞌ meꞌ panubuꞌ bi.

2 Korin 6:18

Aku na Mmaꞌ bi, maka anak ta na kam.” Dari ilooy na silay siꞌ palman Tuhan Sangat Kawasa.

Siga Pakaradjaan bay Pinalahil 21:22

Bong langga, yaꞌ ku bay ngita ni daira looy batan ndang luu na pin ndooy Papuꞌ tabi Tuhan Sangat Kawasa ka Bili-bili looy. Dari ni pag-awpan da na mismu man manusiyaꞌ numba.