Panagnaan 26:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Na nda si Isahak ilay, yana si Ribeka, tud mahap danda. Sangkon pag bay tinilaw si Isahak meꞌ jama Geral bong soy danda looy soheꞌ na, baꞌ-bāꞌ na, danganakan na. Tawu ya māꞌ si Ribeka yana nda na, taggahaꞌ lay na baw ya pinapatoy sampay kinaddoꞌ nda na.

Panagnaan 26:7 ပူးပေါင်းရင်းမြစ်များ

Panagnaan 12:11

Tapit jaꞌ siꞌ sila pa Ejip, yuk si Ibram ni nda na, “Kau ina Saray, tud mahap ko danda.

Panagnaan 12:13

Dari pin ku yaꞌ jaꞌ pinapatoy meꞌ da, baan nu sila magdanganakan kita. Meꞌ looy ilay mintu, gam pin pinag-aratan gi ku kalnaꞌ kau.”

Panagnaan 12:15

Pag takita leꞌ baanan kunsihal sultan bangsa Ejip, lay du baan da sultan luu danda bahau jaꞌ takka tud lingkatan. Pag-anu siꞌ, ilooy ma lay du si Saray binoo pilay pa astanaꞌ na.

Panagnaan 20:11

Pag tampung si Ibrahim, “Kanna ku ba la ga yaꞌ luu jama ni lahat tuu tawu pa Tuhan. Taggahaꞌ lay na baw ku pinapatoy supaya takoleꞌ da nda ku.

Panagnaan 20:2

Na sibuwa da takka pa Geral, baꞌ-bāꞌ si Ibrahim si Sara yana danganakan na. Dari pag taaka Sultan Abimalik meꞌ looy, ilooy ma lay nohoꞌ binoo si Sara pa mman na. Maksud na pinabuwat nda.

Panagnaan 20:5

Ilooy baw bilay man ku yaꞌ bay hawal-hawalan ngaddoꞌ iya sabap si Ibrahim na mismu bay māꞌ ariꞌ na ya. Maka danda looy pun, meꞌ looy du bay bāꞌ na. Sangkon aku bay ngaddoꞌ iya ni kaawam ku jaꞌ. Yaꞌ bay tasayu ku ga llahan na ya. Sarī gi, yaꞌ du luu bay pabuwat ku oy maka oy na maat.”

Panagnaan 24:16

Na si Ribeka ilay siꞌ, tud mahap danda maka yaꞌ gi bay lingkaan lalla. Yaꞌ gi siꞌ hallom, luu na ya palūd song pa tagaꞌ, boꞌ na ngisihan kibut na. Dak jaꞌ siꞌ ya moleꞌ,

Panagnaan 26:6

Dari lay na ga si Isahak maglahat ndooy ni Geral.

Panagnaan 26:8

Hallom-hallom jaꞌ siꞌ ndooy ga si Isahak, luu disu llaw pag tandaw Sultan Abimalik, lay tasundung na si Isahak muus-muus nda na si Ribeka.

Panagnaan 29:17

Si Liya siꞌ tu, dorogan baw mata na, boꞌ si Rakel, tud lingkatan batan magbēꞌ hāp danda na ka ayad baran na.

Matiyu 10:28

Daa na kam tawu ni jama ma takaya da mapatoy baran bi. Ndang-ndang yaꞌ du sina takaya da mapatoy nyawa bi. Arapun ilooy ya subay katawuhan bi yana Tuhan sabap labba man baran bi sampay nyawa bi ina tapabinasa du meꞌ na njawom nalkaꞌ.

Epesus 5:25

Na kuwan kaam baw siga kalallahan ma ndahan, subay kam maasean nda bi. Akigun bi jaꞌ aseꞌ Almasi ningkitabi ma pitsayaꞌ niiya. Tandaꞌ aseꞌ na, lay na ga ya bay nongan umu na kalnaꞌ kitabi

Kolossa 3:9

Maka daa na kam sidustaꞌ-dustaꞌ. Batan pagkajama bi ilay maruhuꞌ ddas ka mimon kalaatan na, ibaratan badjuꞌ, lay na urusan bi,