Panagnaan 26:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Buwanan ta sa ko panubuꞌ meꞌ eka potean taꞌ langit. Maka dean ku sa sila mimon paglahat tuu. Bbos-bbos ina mimon kabangsa-bangsahan sinupaatan man sabapan panubuꞌ nu.

Panagnaan 26:4 ပူးပေါင်းရင်းမြစ်များ

Panagnaan 13:16

Maka panubuꞌ ma dean ku ina mintu ningkau, mas mura gi initung momok tanaꞌ man sila tandaꞌ ni kaeka da.

Panagnaan 15:18

Maka ni waktu looy du siꞌ, lay na baw Tuhan bay nganjanjiꞌ ni si Ibram, yuk na, “Dean ku na sina mintu siga panubuꞌ nu mimon lahat tuu, labba man sōng ni bihing panggaan Ejip ngabut sampay pa Sōng Yupretes.

Panagnaan 15:5

Pus meꞌ looy, lay na baw si Ibram binoo meꞌ Tuhan pa poan maka yuk na, “Pahangad ko pilay pa taꞌ langit. Ndaun teꞌ bong taitung nu ga potean naa. Meꞌ naa du sina eka panubuꞌ nu bbos-bbos.”

Panagnaan 18:18

Ndang-ndang iya du sina mintu poonan disu bangsa mehe kawasa na ma tanyag bbos-bbos. Maka iya na sina mintu poonan man mimon kabangsa-bangsahan sinupaatan.

Panagnaan 26:24

Pag takka da ndooy, sangom na. Maka sangom looy du, lay na baw si Isahak tinammuhan meꞌ Papuꞌ, yuk na, “Aku na situ Tuhan mmaꞌ nu si Ibrahim. Daa na ko tawu ni oy maka oy na. Itu du ku ngunungan kau. Supaatan ta sa ko maka buwanan ta ko panubuꞌ paeka sabapan bay janjiꞌ ku ni ata ku si Ibrahim.”

Panagnaan 28:14

Ga panubuꞌ nu ina mintu, mas mura gi initung momok tanaꞌ man sila tandaꞌ ni kaeka da. Maka ngalelet na pin sina mintu sila pa sikaliput pidju alam. Bbos-bbos ina mimon kabangsa-bangsahan sinupaatan na man sabapan nu ka panubuꞌ nu.

Panagnaan 28:3

Kamura-murahan sinupaatan du ko meꞌ Tuhan Sangat Kawasa supaya meka panubuꞌ nu. Maka kamura-murahan siga panubuꞌ nu dari poonan jinisan kabangsa-bangsahan.

Panagnaan 35:12

Maka yuk Tuhan, “Lahat tuu ma bay janjiꞌ ku ni Boꞌ nu Ibrahim ka mmaꞌ nu si Isahak, dean ku sina mintu ningkau sampay ga panubuꞌ nu.”

Panagnaan 47:27

Na kuwan ga si Yaꞌkub baw siꞌ tu ka ga anak-mpu na, sannang na maglahat ni Gosen ndooy ni Ejip. Maka meka na du altaꞌ bay tausaha da ndooy. Kuwan siga panubuꞌ si Yaꞌkub, paeka boꞌ paeka na pin.

Salsila siga Rasul 3:25

“Kitabi itu siga Yahudi yana panubuꞌ siga kanabi-nabihan looy ma bay masampay siga janjiꞌ Tuhan ni bangsa tabi. Maka tabeꞌ na du kitabi ni pagsulutan Tuhan ka kabboꞌ-bboan tabi. Na njawom pagsulutan da, lay nganjanjiꞌ Tuhan ni bboꞌ tabi Nabi Ibrahim, yuk na, ‘Bbos-bbos mimon kabangsa-bangsahan sinupaatan man sabapan panubuꞌ nu.’

Galatiya 3:16

Meꞌ naa du sina karuha bay pagsulutan Tuhan ka Nabi Ibrahim. Yaꞌ du dari sinampunan atawa kinulangan. Hati na, janjiꞌ Tuhan ni pagsulutan da ka Nabi Ibrahim yaꞌ du tasampunan ka saraꞌ Nabi Musa ma bay pasunuꞌ paddus mpat hatus tallumpūꞌ taun. Na bong ina lay na baw sinampunan ka saraꞌ, malaingkan yaꞌ na sā pagsulutan Tuhan ka Nabi Ibrahim. Na njawom janjiꞌ Tuhan ni Nabi Ibrahim, yuk na, “Bbos-bbos mimon kabangsa-bangsahan sinupaatan man sabapan panubuꞌ nu.” Na jaman Tuhan ilay bay halling, “man sabapan panubuꞌ nu,” saꞌ silay ga panubuꞌ Nabi Ibrahim ma meka bay awnan Tuhan, arapun tuwaꞌ pa disu du panubuꞌ na, yana Almasi.

Galatiya 3:8

Sarī gi, man maruhuꞌ-ruhuꞌ lagi, ndang luu na garaꞌ Tuhan ngitung manusiyaꞌ intong lakka man mimon kabangsa-bangsahan basta sila pitsayaꞌ ni Almasi. Umanat mahap looy ilay siꞌ bay pinalahil meꞌ Tuhan ni Nabi Ibrahim. Batan njawom kitab, yuk Tuhan niiya, “Bbos-bbos kau ina poonan man mimon kabangsa-bangsahan taꞌ babaw junyaꞌ koleꞌ supaat.”

Hibrani 11:2

Sabapan pangando tabi, manganna kitabi mimon-mimon ni sikaliput alam bay pinapayak meꞌ palman Tuhan. Dari mimon ma takita tabi batnaa bay pinaluu meꞌ ilooy ma yaꞌ takita, yana palman. Tud hagaan pangando pa Tuhan. Sabapan pangando siga kabboꞌ-bboan tabi, ilooy na man Tuhan kasulutan ninsila.