Panagnaan 26:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Pag sayu, awwal lagi, saliꞌ-saliꞌ na sila napa basta yaꞌ sila sikaaku sipakaat-pakaat. Pag poleꞌ ga Sultan Abimalik, sannang na atay da saliꞌ-saliꞌ.

Panagnaan 26:31 ပူးပေါင်းရင်းမြစ်များ

Panagnaan 14:22

Iya tampung si Ibram, “Sapahan ku baw pa Papuꞌ ku, yana Tuhan Mahatinggi ma bay mapayak gumi ka langit,

Panagnaan 19:2

Pag-anu, yuk si Lut ninsila, “Ga Tuwan, meꞌ aku disu ata bi, pahās doꞌ kam ni lumaꞌ kami. Luu du boheꞌ ndooy man ngosoan battis bi maka ndooy na doꞌ kam tuli. Sumawung sayu sa, boꞌ bi palanja ni palanan bi.” Iya tampung da baw siꞌ tu, “Daa na doꞌ ba. Ndē jaꞌ kami tuli ni plasa.”

Panagnaan 21:14

Dari pag sayu, awwal lagi, lay na bangun si Ibrahim manyap lutuꞌ ka bāg kuwit kambing pannoꞌ leꞌ boheꞌ, boꞌ pasandang na ni baha si Hajal. Dari siꞌ, lay na ga si Hajal ka si Ismail lakka. Song hallom, lay sila lingu sampay maglunsuhan na jaꞌ sila ni lahat yaꞌ maglumaꞌ ndooy ni Beel-Siba.

Panagnaan 21:23

Bong siꞌ kadarihan ningkau, sapahan nu na pa Tuhan basta yaꞌ ku taaku nu mag-anak-mpu. Yana meꞌ kami bay maasean kau san ko jama sampi ni paglahat kami, sapatut na kaasean nu du kami.”

Panagnaan 21:27

Dari siꞌ, lay na sinalassay meꞌ da palkalaꞌ looy. Tandaꞌ magsulut na sila, lay na baw si Ibrahim muwanan Sultan Abimalik ga bili-bili na ka ga sapiꞌ.

Panagnaan 22:3

Na pag meꞌ sumawung, sayu alab lagi, lay na si Ibrahim mong-mōng kayu halliꞌ man nunu kulban boꞌ inuwan taꞌ kuraꞌ. Dari lay na sila lakka ka anak na si Isahak song pilay pa lahat ma bay sohoꞌ Tuhan niiya. Maka luu gi duwa tindog na bay boo na.

Panagnaan 25:33

Pag tampung si Yaꞌkub, “Sigi ba, sugaꞌ napa doꞌ ko duhuꞌ.” Dari ilooy ma lay na si Esaw napa ngandean kapatut na bilang anak siyaka ni si Yaꞌkub.

Panagnaan 26:32

Pus meꞌ looy, ni llaw looy du, luu na baw takka ga tindog si Isahak maan iya, yuk da, “Bohean na la tagaꞌ looy ma bahau jaꞌ bay kalihan kami!”

Panagnaan 31:44

Sangkon buwat doꞌ kita pagsulutan mari kita salassay na. Tu kam, nappuk kitabi batu mari luu pangindanan ni pagsulutan ta.”

Panagnaan 31:55

Pag taabut sayu, awwal lagi, lay na inūk meꞌ si Laban ga anak-mpu na boꞌ da pinakuhan supaat. Pag lupus, lay na ya muhun moleꞌ.

Hibrani 6:16

Na tabiat manusiyaꞌ bong sila doman kinapitsayaan, napa sila ni awon Tuhan batan basag gi kawasa na man ninsila. Dari pus da napa, yaꞌ na luu pagjawapan da.