Panagnaan 26:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Batnaa, ntuu na jaꞌ doꞌ ko maglahat. Unungan ta du sina ko maka supaatan ta sa ko. Dean ku sa kau sampay ga panubuꞌ nu lahat tuu labbasakayi. Batan bay janjiꞌ ku ma bay sapahan ku ni mmaꞌ nu labuꞌ pa kau na sina.

Panagnaan 26:3 ပူးပေါင်းရင်းမြစ်များ

Panagnaan 12:7

Pag-anu siꞌ, tinammuhan na baw si Ibram meꞌ Tuhan, yuk na, “Ituu na situ lahat ma pamuwan ku ga panubuꞌ nu bbos-bbos.” Pag-anu, lay nambak si Ibram batu binuwat pangulbanan man na ngulban pa Tuhan batan ndooy man na bay tinammuhan meꞌ Tuhan.

Panagnaan 13:15

Dean ku na sina mintu ningkau sampay na ga panubuꞌ nu mimon lahat tuu. Sagannap tanaꞌ ma takita nu satapus-tapus mata, kapakaam na sina mintu saumu.

Panagnaan 13:17

Dawnun sa kaluhān lahat tuu sampay tahaꞌ na batan dean ku na sina mintu ningkau labbasakayi.”

Panagnaan 15:18

Maka ni waktu looy du siꞌ, lay na baw Tuhan bay nganjanjiꞌ ni si Ibram, yuk na, “Dean ku na sina mintu siga panubuꞌ nu mimon lahat tuu, labba man sōng ni bihing panggaan Ejip ngabut sampay pa Sōng Yupretes.

Panagnaan 17:19

“Ohoꞌ ba,” yuk Tuhan, “sugaꞌ meꞌ halling ku na siꞌ, luu du sina mintu anak bi ka si Sara. Pag pōꞌ na, awnan nu si Isahak. Iya na sina mintu sampay na ga panubuꞌ na ma pasunuꞌ ngantanan pagsulutan ta ma yaꞌ tabaluba saumu.

Panagnaan 17:8

Batnaa tu, masi gi ko jama sampi ntuu ni Kanan, sugaꞌ bbos-bbos lahat tuu labbasakayi dean ku na kau sampay na ga panubuꞌ nu. Kaam na sina mintu dapu saumu. Maka aku du sina mintu Tuhan ma mangatas ningkaam.”

Panagnaan 20:1

Na ga si Ibrahim siꞌ tu, lay na baw lakka man tanaꞌ si Mamre maglayin pilay pa Negeb ndooy ni sallangan Kades ka Siyul. Yaꞌ gi siꞌ sila bay hallom ndooy, lay na baw halin pa Geral.

Panagnaan 25:11

Na pus si Ibrahim bay kinubu, lay na baw ga si Isahak pabeleng pa Beel-Lahay-Roy. Kuwan supaat Tuhan njataꞌ si Ibrahim, lay na labuꞌ pa jataꞌ si Isahak.

Panagnaan 26:12

Na si Isahak siꞌ tu, bbuwatan na ni lahat looy, lay bay huma. Boꞌ ni taun looy du, lipat min dahatus lagi bay takattom na man bani ma bay saburan na batan mehe supaat Tuhan njataꞌ na.

Panagnaan 26:14

Salla na, song hallom, sabap meka na baanan hayop na, boꞌ meka lagi tindog na, kinadangkian na ga ya meꞌ bangsa Pilistin.

Panagnaan 26:24

Pag takka da ndooy, sangom na. Maka sangom looy du, lay na baw si Isahak tinammuhan meꞌ Papuꞌ, yuk na, “Aku na situ Tuhan mmaꞌ nu si Ibrahim. Daa na ko tawu ni oy maka oy na. Itu du ku ngunungan kau. Supaatan ta sa ko maka buwanan ta ko panubuꞌ paeka sabapan bay janjiꞌ ku ni ata ku si Ibrahim.”

Panagnaan 28:13

Maka takita na na Papuꞌ nangge ni jataꞌ ni bihing kōk haron looy magpalman, yuk na, “Aku na situ Papuꞌ, yana Tuhan Boꞌ nu Ibrahim ka Tuhan mmaꞌ nu si Isahak. Tanaꞌ tuu man nu pabāk pamuwan ku na situ kau sampay na ga panubuꞌ nu bbos-bbos.

Panagnaan 28:15

Paninggai-paninggai ko, basta unungan ta jaꞌ sina ko maka aku sa ngagpangan kau ni oy-oy piligru. Maka boo ta sa ko bbeleng pa lahat tuu. Yaꞌ du ko pabiya ku. Mimon ma bay janjiꞌ ku ningkau, mastiꞌ tuman ku jaꞌ sina.”

Panagnaan 31:3

Yaꞌ gi siꞌ hallom, magpalman na baw Tuhan ni si Yaꞌkub, yuk na, “Pabeleng na ko pa lahat induꞌ-mmaꞌ nu ka lūng-kampung nu. Unungan ta sa ko.”

Panagnaan 35:12

Maka yuk Tuhan, “Lahat tuu ma bay janjiꞌ ku ni Boꞌ nu Ibrahim ka mmaꞌ nu si Isahak, dean ku sina mintu ningkau sampay ga panubuꞌ nu.”

Panagnaan 39:2

Dari lay na siꞌ si Yusup binuwat ata ni lumaꞌ si Potipal, bangsa Ejip looy. San meꞌ looy, luu na pin baw Tuhan ngunungan iya, nampulnaꞌ mimon pabuwatan na.

Panagnaan 39:21

luu na pin Tuhan ngunungan iya. Dari man tabang Tuhan, kasulutan na baw pa-mmean siga tukang jaga ni jīl looy ni si Yusup.

Panagnaan 48:21

Pag-anu yuk si Israil ni si Yusup, “Yaꞌ na hallom matoy na situ ku, sugaꞌ yaꞌ du sina kam pinabiya meꞌ Tuhan. Masi gi kam inunungan meꞌ na. Bbos-bbos tuhiyanan na du sina kam pabalik pa tanaꞌ looy ma bay njanjiꞌ ni siga kabboꞌ-bboan tabi.”

Panagnaan 50:24

Na tapit jaꞌ siꞌ kapatoy si Yusup, tugun na ni ga danganakan na, “Aku tu, yaꞌ na hallom matoy, sugaꞌ yaꞌ du sina kam pinabiya meꞌ Tuhan. Bbos-bbos binoo du sina ga panubuꞌ bi meꞌ Tuhan pa Kanan, lahat looy ma bay janjiꞌ Tuhan ni Boꞌ Ibrahim, Boꞌ Isahak, sampay ni Simmaꞌ.”

Pilipi 4:9

Maka ikutun bi na pin mimon ma bay takoleꞌ bi man ku, labba man siga tōꞌ ku sampay na kawul-piil ma bay tasakup bi njataꞌ ku. Bong siꞌ ina inaa pakutuꞌ bi, mastiꞌ inunungan jaꞌ sina kam meꞌ Tuhan ma muwan kasannangan njawom atay bi.

Hibrani 11:9

Pag takka ga Nabi Ibrahim pa lahat looy, sabapan pangando na, pitsayaꞌ du ya ni janjiꞌ Tuhan song hallom kapaiya du lahat looy sampay ni siga panubuꞌ na. Damikiyan ilooy na du silay lahat bay janjiꞌ Tuhan ni anak Nabi Ibrahim, yana si Isahak, sampay ni mpu na si Yaꞌkub. Sugaꞌ san lay sinukuꞌ ni ga Nabi Ibrahim lahat looy, lay jaꞌ sila meꞌ karuha jama sampi ndooy tamban ni siga lumaꞌ luna.

Hibrani 6:17

Tuhan pun, kainagon na subay tumatandaꞌ du yaꞌ kuhi baluba bay janjiꞌ na ni siga sukuꞌ na. Sangkon lay du ya bay napa.