Panagnaan 24:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ batan tanaꞌ tuu itu yaꞌ taambanan. Lay na situ sapahan Tuhan ma magbayaꞌ ni sulgaꞌ ndean aku sampay ga panubuꞌ ku. Boꞌ iya silay mismu bay nohoꞌ aku pitu lakka man lahat lūng-kampung ku. Pag pilay nu ina mintu, Tuhan sa nampulnaꞌ palanan nu. Luu du sina mintu malaikat sohoꞌ Tuhan paruhuꞌ man kau. Iya sa nabangan kau mari tatammu nu danda man mahandān anak ku.

Panagnaan 24:7 ပူးပေါင်းရင်းမြစ်များ

Panagnaan 13:15

Dean ku na sina mintu ningkau sampay na ga panubuꞌ nu mimon lahat tuu. Sagannap tanaꞌ ma takita nu satapus-tapus mata, kapakaam na sina mintu saumu.

Panagnaan 15:18

Maka ni waktu looy du siꞌ, lay na baw Tuhan bay nganjanjiꞌ ni si Ibram, yuk na, “Dean ku na sina mintu siga panubuꞌ nu mimon lahat tuu, labba man sōng ni bihing panggaan Ejip ngabut sampay pa Sōng Yupretes.

Panagnaan 16:7

Pag lakka na, lay ya tumiluꞌ pa lahat lau-lau yaꞌ maglumaꞌ lān pa Siyul. Sasang na pahali ni bihing poon boheꞌ, lay ya tinammuhan meꞌ malaikat Tuhan.

Panagnaan 17:8

Batnaa tu, masi gi ko jama sampi ntuu ni Kanan, sugaꞌ bbos-bbos lahat tuu labbasakayi dean ku na kau sampay na ga panubuꞌ nu. Kaam na sina mintu dapu saumu. Maka aku du sina mintu Tuhan ma mangatas ningkaam.”

Panagnaan 21:17

Damikiyan anak-anak looy pun nangis na jaꞌ du. Sugaꞌ lay du takale leꞌ Tuhan anak-anak looy. Dari luu na suwara malaikat Tuhan pōꞌ man sulgaꞌ nginganan si Hajal, yuk na, “Oy tu kasusahan nu Hajal? Daa na ko ba hanggaw. Lay na du silay siꞌ takale Tuhan anak nu nangis ndooy.

Panagnaan 22:11

Sugaꞌ sarunduun du luu pōꞌ man sulgaꞌ suwara malaikat Tuhan ngalingan, yuk na, “Ibrahim! Ū Ibrahim!” Yuk si Ibrahim, “Oy lay siꞌ?”

Panagnaan 24:3

Sapahan nu na pa Papuꞌ ku Tuhan, ilooy ma magbayaꞌ ni sulgaꞌ sampay ni junyaꞌ, basta daa pihān nu anak ku si Isahak nda bong kinawnan ntuu ni bangsa Kanan.

Panagnaan 24:40

“Pag tampung tuwan ku, ‘Daa ko susa. Luu du sina Tuhan ma inisbat meꞌ ku nabangan kau. Nohoꞌ du sina ya malaikat na duhuꞌ man kau nampulnaꞌ maksud nu.’ Maka yuk tuwan ku, ‘Nammu du sina ko danda ni kakampungan mmaꞌ ku man nu mahandān anak ku.

Panagnaan 26:24

Pag takka da ndooy, sangom na. Maka sangom looy du, lay na baw si Isahak tinammuhan meꞌ Papuꞌ, yuk na, “Aku na situ Tuhan mmaꞌ nu si Ibrahim. Daa na ko tawu ni oy maka oy na. Itu du ku ngunungan kau. Supaatan ta sa ko maka buwanan ta ko panubuꞌ paeka sabapan bay janjiꞌ ku ni ata ku si Ibrahim.”

Salsila siga Rasul 7:5

Jaman looy ilay, yaꞌ gi bay buwanan Tuhan Boꞌ Ibrahim san dahakka tanaꞌ ni lahat tuu. Sugaꞌ ndang lay baw ya njanjian meꞌ Tuhan sampay na ga panubuꞌ na binuwanan mimon paglahat tuu san yaꞌ gi luu anak na.

Hibrani 1:14

Boꞌ siga malaikat ina sosohoan Tuhan sadjaꞌ sinohoꞌ ngayaran mimon manusiyaꞌ ma koleꞌ kasalamatan man Tuhan.

Hibrani 11:9

Pag takka ga Nabi Ibrahim pa lahat looy, sabapan pangando na, pitsayaꞌ du ya ni janjiꞌ Tuhan song hallom kapaiya du lahat looy sampay ni siga panubuꞌ na. Damikiyan ilooy na du silay lahat bay janjiꞌ Tuhan ni anak Nabi Ibrahim, yana si Isahak, sampay ni mpu na si Yaꞌkub. Sugaꞌ san lay sinukuꞌ ni ga Nabi Ibrahim lahat looy, lay jaꞌ sila meꞌ karuha jama sampi ndooy tamban ni siga lumaꞌ luna.

Siga Pakaradjaan bay Pinalahil 11:13

Lay jaꞌ ilay mintu sila dutai, luu du linug mehe sampay binasa na daira looy sabahagiꞌ sapū. Maka luu sina mintu pituꞌ libu manusiyaꞌ matoy meꞌ linug looy. Kuwan sagannap ma masi llum, tud tawu na sina mintu sampay mudji na sila Tuhan sabanna ma magbayaꞌ ni sulgaꞌ.