Panagnaan 24:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Sapahan nu na pa Papuꞌ ku Tuhan, ilooy ma magbayaꞌ ni sulgaꞌ sampay ni junyaꞌ, basta daa pihān nu anak ku si Isahak nda bong kinawnan ntuu ni bangsa Kanan.

Panagnaan 24:3 ပူးပေါင်းရင်းမြစ်များ

Panagnaan 14:19

Lay gi supaatan na si Ibram, yuk na, “Ibram, kamura-murahan binuwanan na pin ko barakat meꞌ Tuhan Mahatinggi ma bay mapayak gumi ka langit.

Panagnaan 14:22

Iya tampung si Ibram, “Sapahan ku baw pa Papuꞌ ku, yana Tuhan Mahatinggi ma bay mapayak gumi ka langit,

Panagnaan 21:23

Bong siꞌ kadarihan ningkau, sapahan nu na pa Tuhan basta yaꞌ ku taaku nu mag-anak-mpu. Yana meꞌ kami bay maasean kau san ko jama sampi ni paglahat kami, sapatut na kaasean nu du kami.”

Panagnaan 24:7

batan tanaꞌ tuu itu yaꞌ taambanan. Lay na situ sapahan Tuhan ma magbayaꞌ ni sulgaꞌ ndean aku sampay ga panubuꞌ ku. Boꞌ iya silay mismu bay nohoꞌ aku pitu lakka man lahat lūng-kampung ku. Pag pilay nu ina mintu, Tuhan sa nampulnaꞌ palanan nu. Luu du sina mintu malaikat sohoꞌ Tuhan paruhuꞌ man kau. Iya sa nabangan kau mari tatammu nu danda man mahandān anak ku.

Panagnaan 27:46

Pag-anu, yuk si Ribeka ni si Isahak, “Paddi la kōk ku meꞌ siga nda si Esaw, ga bangsa Hīt looy! Bong mintu bay lagi kapahanda si Yaꞌkub ni bangsa Hīt du, basta gam na ku matoy.”

Panagnaan 28:1

Pag lay jaꞌ siꞌ kabaan si Isahak meꞌ looy, lay du sohoꞌ na kinaddoꞌ si Yaꞌkub. Luu jaꞌ siꞌ, lay ya pinakuhan meꞌ mmaꞌ na supaat pa Tuhan, boꞌ lay gi ya tinugunan meꞌ mmaꞌ na, yuk na, “Toꞌ, amay-amay daa ko handa ntuu ni bangsa Kanan.

Panagnaan 28:8

Dari tabista si Esaw na yaꞌ suka mmaꞌ na ni karandahan bangsa Kanan.

Panagnaan 34:9

Maka bong dari ningkau, padari ta na sitampu-tampu siga anak-mpu nu ka ga anak-mpu ku,

Panagnaan 38:2

Sasang si Juda ndooy, lay ya sitammu ka disu danda man na kasulutan. Danda looy ilay siꞌ anak si Siyuwa, bangsa Kanan. Song hallom lay na sila sitampu

Panagnaan 47:31

Yuk si Yaꞌkub siꞌ tu, “Bong meꞌ naa, sapahan nu na.” Dari lay na napa si Yusup. Kuwan si Yaꞌkub siꞌ tu, lay sujud pa Tuhan taꞌ patulihan na.

Panagnaan 50:25

Pag-anu siꞌ, lay na baw si Yusup nohoꞌ ga danganakan na napa, yuk na, “Sapahan bi, basta boonun bi ga towang ku pa Kanan pag taabut masa bangsa tabi tinammuhan meꞌ Tuhan bbos-bbos sampay binoo pilay.”

Panagnaan 6:2

Dari pag ndaꞌ siga anak Tuhan biddaꞌ na lingkat karandahan, ilooy ma lay na sila handa ni sagannap ma karomanan da.

1 Korin 7:39

Na ni kapasal danda llahan, taingkot gi sina ya halloman lla na llum. Sugaꞌ sawpama lay na matoy lla na, sumunsayaꞌ na ya halla pabalik ni soysoy karomanan na basta mmeꞌ du lla na ni Papuꞌ Isa.

Hibrani 6:16

Na tabiat manusiyaꞌ bong sila doman kinapitsayaan, napa sila ni awon Tuhan batan basag gi kawasa na man ninsila. Dari pus da napa, yaꞌ na luu pagjawapan da.