Panagnaan 24:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Pag-anu, lay na ngaddoꞌ tindog looy siꞌ untaꞌ si Ibrahim sapū, boꞌ inuwanan meꞌ na altaꞌ ma hagaꞌ-hagaan jaꞌ man na nong buwan. Dari lay na ya lakka ka ga soheꞌ na song pilay pa bay paglahat si Ibrahim. Pag takka da pa Aram-Naharaim, lay sila patiluꞌ pa daira man si Nahol, yana danganakan si Ibrahim.

Panagnaan 24:10 ပူးပေါင်းရင်းမြစ်များ

Panagnaan 11:26

Kuwan si Tera, nagnaꞌ man pitumpūꞌ taun umu na, lay na ya anakan tallu lalla, yana ga si Ibram, si Nahol ka si Haran. Kuwan si Haran, anakan na lalla, yana si Lut.

Panagnaan 11:29

Na kuwan anak si Tera, yana si Ibram, lay kapahanda ni disu danda inawnan si Saray. Sugaꞌ si Ibram siꞌ tu yaꞌ gi bay anakan batan man si Saray yaꞌ hanak. Kuwan anak si Tera, yana si Nahol, lay sitampu ka kamanakan na si Milka. Kuwan si Milka ilay ka danganakan na si Iska, yana ga anak si Haran.

Panagnaan 11:31

Hallom maka hallom na, lay na baw palakka ga si Tera man Ul ndooy ni lahat bangsa Kaldiya. Lakka mandooy, maksud da maglayin pa Kanan. Ilooy siꞌ bay boo si Tera yana anak na si Ibram ka iwan na si Saray, sampay mpu na si Lut, yana anak si Haran. Sugaꞌ pag taabut ga si Tera daira inawnan Haran, lay na sila pasangkod ndooy.

Panagnaan 11:32

Maka ndooy na man si Tera bay matoy pag taabut duwa hatus liman taun umu na.

Panagnaan 22:20

Song hallom, luu na baw takka habal man bay paglahat si Ibrahim maruhuꞌ pasal danganakan na si Nahol. Iya siꞌ tu anakan na konoꞌ ka nda na si Milka wawuꞌ lalla.

Panagnaan 24:2

Disu llaw, lay tawag na panghuluꞌ tindog na ma ngantanan kapatut ni mimon altaꞌ na. Luu jaꞌ siꞌ, yuk si Ibrahim niiya, “Bong anu, pahandān nu na anak ku. Tu ko. Ningkōꞌ doꞌ ko ni bihing ku. Nnaun tangan nu dambilaꞌ ndiyoꞌ paa ku sambayan nu napa.

Panagnaan 24:22

Sso jaꞌ siꞌ ga untaꞌ looy, lay na tindog si Ibrahim mōꞌ disu simsim sammo ka duwa galang baga, mmas labbasakayi, boꞌ ndean danda looy.

Panagnaan 24:53

Pag lupus, lay na ungkad na bay boonan da sampay lay na pōꞌ na jinisan babahan mmas ka pilak bana sampay jinisan pakayan hagaan, boꞌ lay ndean si Ribeka. Sampay danganakan na, si Laban, ka nneꞌ da lay du kaladjikian binuwanan altaꞌ hagaan.

Panagnaan 27:43

Sangkon batnaa Toꞌ, amay-amay asipun jaꞌ ku. Deꞌ-dēꞌ na ko lahi pilay pa paglahat danganakan ku, yana Paꞌ nu Laban ndooy ni Haran.

Panagnaan 29:1

Na lakka mandooy siꞌ, lay na pawus si Yaꞌkub pa lahat man na bay sinohoꞌ pilay song pa mataallaw man Kanan.

Panagnaan 29:2

Ndooy siꞌ, lay na baw ya ngita disu tagaꞌ ni kahayangan liput leꞌ tallu baanan bili-bili ngagad-ngagad pinainum. Ni behe tagaꞌ looy siꞌ, luu batu pepan mehe man bay nangkop.

Salsila siga Rasul 2:9

Na ga jama looy siꞌ ma bay bahuklud pilay, luu na ga kasohean man Paltiya, kasohean man Midiya ka kasohean man Elam. Maka luu gi kasohean man Mesopotamiya ka Yahudiya, man Kapadosiya ka Puntus, maka kasohean man Asiya.