Panagnaan 24:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na si Ibrahim siꞌ tu, tud toa laslas na maka ni mimon kahalan na, sinupaatan jaꞌ ya meꞌ Tuhan.

Panagnaan 24:1 ပူးပေါင်းရင်းမြစ်များ

Panagnaan 12:2

Buwanan ta sa ko panubuꞌ paeka. Siga panubuꞌ nu ina mintu dari bangsa balkanan. Supaatan ta sa ko maka patanyag ku du awon nu. Kau na sina mintu poonan supaat ni jama.

Panagnaan 13:2

Na si Ibram ilay siꞌ tud dayahan na. Meka na baanan bili-bili na, kambing na, ka ga sapiꞌ na. Maka meka na du mmas na ka dublun pilak porol.

Panagnaan 21:5

Jaman si Isahak bay pinamaddihan, kuwan si Ibrahim mag-umu na dahatus taun.

Panagnaan 24:35

Iya ilay sukup supaat man Tuhan sampay dayahan na ga ya. Lay ya kaladjikian meꞌ Tuhan ga baanan bili-bili, ga sapiꞌ, ga untaꞌ ka ga kuraꞌ. Maka meka du dublun pilak porol na ka mmas na sampay ga ata danda-lalla.

Panagnaan 25:20

Taabut jaꞌ siꞌ mpatpūꞌ taun umu si Isahak, lay na ya handa man si Ribeka, yana danganakan si Laban. Sila ilay anak si Betuwel, bangsa Aram man Paddan-Aram.

Panagnaan 26:12

Na si Isahak siꞌ tu, bbuwatan na ni lahat looy, lay bay huma. Boꞌ ni taun looy du, lipat min dahatus lagi bay takattom na man bani ma bay saburan na batan mehe supaat Tuhan njataꞌ na.

Panagnaan 49:25

Kamura-murahan luu na pin Tuhan ku Sangat Kawasa nabangan kau sampay muwanan kau uwan man jataꞌ ka boheꞌ man jawom tanaꞌ. Maka kamura-murahan llipat du meꞌ Tuhan eka panubuꞌ bi ka hayop bi.”

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Lukas 1:7

Sila siꞌ tu yaꞌ anakan batan man si Elisabet yaꞌ hanak. Boꞌ toa na sila sikaduwa.

Galatiya 3:9

Na palman looy ilay, lay na du bay binakbul, batan meka na jama man kabangsa-bangsahan lay na sinupaatan sabap meꞌ da pitsayaꞌ ni panubuꞌ Nabi Ibrahim, yana si Isa Almasi. Lay na sila initung intong meꞌ karuha Nabi Ibrahim du bay initung intong sabap meꞌ na bay pitsayaꞌ ni palman Tuhan.

Epesus 1:3

Pudji tabi Tuhan, Mmaꞌ Papuꞌ tabi si Isa Almasi. Meꞌ kitabi itu tibuuk na ka Almasi, lay na dean Tuhan ningkitabi mimon supaat man sulgaꞌ ma kasampulnaꞌ ni nyawa.

1 Timuti 4:8

Bong kitabi nganad dī tabi man mabasagan baran tabi, luu du baw paluntungan na dangkitiꞌ. Sugaꞌ bong kitabi nganad dī tabi ngikut arat-tabiat Tuhan, tud mehe paluntungan na. Batan saꞌ sina sat paluntungan ni junyaꞌ tuu takoleꞌ tabi, arapun sampay ni ahirat koleꞌ du kitabi paluntungan.