Panagnaan 22:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Pag takka da pa lugar man na bay sohoꞌ Tuhan, lay na si Ibrahim nambak batu binuwat pangulbanan, boꞌ lay na susun-susun na ga kayu looy njataꞌ na. Pag-anu siꞌ, lay na ingkotan na si Isahak boꞌ na pinatannaꞌ taꞌ ga kayu looy.

Panagnaan 22:9 ပူးပေါင်းရင်းမြစ်များ

Panagnaan 12:7

Pag-anu siꞌ, tinammuhan na baw si Ibram meꞌ Tuhan, yuk na, “Ituu na situ lahat ma pamuwan ku ga panubuꞌ nu bbos-bbos.” Pag-anu, lay nambak si Ibram batu binuwat pangulbanan man na ngulban pa Tuhan batan ndooy man na bay tinammuhan meꞌ Tuhan.

Panagnaan 12:8

Paddus mandooy, lay na baw ga si Ibram pilay pa kabuntuꞌ-buntuan huwin pa mataallaw ni sallangan duwa kawum inawnan Betel ka Eyay. Ndooy siꞌ, lay du si Ibram nambak batu binuwat pangulbanan, boꞌ na numba Tuhan.

Panagnaan 13:18

Na yaꞌ gi siꞌ hallom, lay na baw maglayin ga si Ibram pa Hebron ni bihing siga poon kayu mehe njawom tanaꞌ si Mamre. Takka ndooy, lay du si Ibram nambak batu binuwat pangulbanan man na ngulban pa Tuhan.

Panagnaan 22:10

Pag lupus, lay na ya ngaddoꞌ koray na man na numbaliꞌ anak na.

Panagnaan 22:8

Tampung si Ibrahim, “Tuhan sa ba Toꞌ mangatas muwan.” Dari ilooy ma lumān na pin siꞌ sila.

Panagnaan 8:20

Pag-anu, lay na baw si Nū nambak batu binuwat pangulbanan boꞌ na numbaliꞌ disu njawom danjinis mimon manuk-manuk ka kahayop-hayopan ma halal, boꞌ da tinunu sinongan pa Tuhan.

Matiyu 27:2

Dari lay na ya iningkotan boꞌ na binoo pa mman Gubnul Pilatu.

Malkus 15:1

Pag kallat llaw, kuwan ga imam langkaw ka ga guru saraꞌ agama ka ga matatoa ni agama, sampay na mimon pagkahi da njawom baanan Sanhidrin, lay na isun bong pooy meꞌ da buwat si Isa. Pag lupus, lay na ya iningkotan meꞌ da, boꞌ na binoo pa mman Gubnul Pilatu.

Salsila siga Rasul 8:32

Na bitsala njawom kitab ma binatsa meꞌ manijel looy meꞌ tuu, yuk na, “Yaꞌ luu bay halling na oy maka oy na, subay ga ya bili-bili diyam-diyam jaꞌ tinondaꞌ lān na sinumbaliꞌ. Sibuꞌ du karuha na ka anak bili-bili yaꞌ hibuk-hibuk bong ginuntingan bū na.

Galatiya 3:13

Boꞌ kitabi itu, ndang katoonan tabi na mimon manusiyaꞌ ngalangga saraꞌ Tuhan. Sangkon pataꞌ kitabi minulkaan bbos-bbos. Lipara, luu na Almasi bay nongan umu na llansang taꞌ tehang supaya tapaddusan na na kitabi man mulkaꞌ Tuhan. Iya ilay gantiꞌ tabi minulkaan. Boꞌ magbēꞌ du silay ka suwat njawom kitab, ilooy ma yuk na, “Soysoy pinapatoy siniitan taꞌ tehang, tumatandaꞌ lay minulkaan meꞌ Tuhan.”

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

Yaꞌkub 2:21

Pamintangan bi na bboꞌ tabi Nabi Ibrahim ma bay initung meꞌ Tuhan intong. Saꞌ ba, talbuktiꞌ ya intong sabapan pabuwatan na ngasip ni panohoan Tuhan jaman na bay sinohoꞌ numbaliꞌ anak na si Isahak taꞌ pangulbanan?

1 Pitel 2:24

Boꞌ lay gi paglillaꞌ na baran na llansang taꞌ tehang bong pin tatanggung na jaꞌ dusa tabi. Kon na buwat meꞌ looy supaya patagong na kitabi buwat dusa boꞌ tabi makutuꞌ meꞌ buwat kaintongan. Dari meꞌ halling njawom kitab, “Man sabapan siga bakat bisa ni baran na, kaulian na kitabi.”