Panagnaan 22:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Kuwan si Betuwel yana mmaꞌ si Ribeka.

Panagnaan 22:23 ပူးပေါင်းရင်းမြစ်များ

Panagnaan 11:29

Na kuwan anak si Tera, yana si Ibram, lay kapahanda ni disu danda inawnan si Saray. Sugaꞌ si Ibram siꞌ tu yaꞌ gi bay anakan batan man si Saray yaꞌ hanak. Kuwan anak si Tera, yana si Nahol, lay sitampu ka kamanakan na si Milka. Kuwan si Milka ilay ka danganakan na si Iska, yana ga anak si Haran.

Panagnaan 22:22

boꞌ si Kesed, boꞌ si Haso, boꞌ si Pildas, boꞌ si Jidlap, boꞌ si Betuwel na kabungsuhan.

Panagnaan 22:24

Na si Nahol siꞌ tu, luu gi nda na disu, yana si Riyuma. Sila siꞌ tu anakan mpat lalla, yana ga si Teba, si Gaham, si Tahas ka si Maaka.

Panagnaan 24:15

Na yaꞌ gi san siꞌ lupus lalla looy maku duwaa, luu na pōꞌ disu budjang manangkit kibut. Awon na si Ribeka. Mmaꞌ na yana si Betuwel, anak si Nahol ka nda na si Milka. Kuwan si Nahol, yana danganakan si Ibrahim.

Panagnaan 24:24

Pag tampung danda looy, “Mmaꞌ ku si Betuwel, yana anak Boꞌ Nahol ka Boꞌ Milka.”

Panagnaan 24:47

“Pag-anu siꞌ, lay na baw ya tilaw ku bong anak soy ya. Pag bāꞌ na mmaꞌ na si Betuwel, anak bboꞌ na si Nahol ka bboꞌ na si Milka. Dari siꞌ, lay na dean ku simsim naa ni sammo na ka galang naa duwa ni langngon na.

Panagnaan 24:51

Dari na bina san boo nu na si Ribeka pilay. Sohoun na kinawin ka anak tuwan nu batan inaa bay ginantaꞌ meꞌ Tuhan ninsila.”

Panagnaan 24:60

Pag-anu, lay gi si Ribeka pinakuhan supaat meꞌ mimon jama lumaꞌ na, yuk da, “Kamura-murahan Nang binuwanan du ko meꞌ Tuhan laksaꞌ-laksaan panubuꞌ. Maka kamura-murahan man tabang Tuhan, ā jaꞌ mimon banta da meꞌ da.”

Panagnaan 24:67

Dari siꞌ, lay na si Ribeka boo si Isahak pa lumaꞌ imuwa nneꞌ na si Sara sampay lay na sila kinawin. Boꞌ tud maaseꞌ ya banahan ni si Ribeka. Dari labba mandooy, lay na pakulang karukkaan na ni bay kapatoy nneꞌ na.

Panagnaan 25:20

Taabut jaꞌ siꞌ mpatpūꞌ taun umu si Isahak, lay na ya handa man si Ribeka, yana danganakan si Laban. Sila ilay anak si Betuwel, bangsa Aram man Paddan-Aram.

Panagnaan 28:2

Gam na ko pilay pa Paddan-Aram, pa paglahat Boꞌ nu Betuwel, boꞌ nu handa ni disu anak Paꞌ nu Laban.

Panagnaan 28:5

Pus meꞌ looy, lai na si Yaꞌkub sohoꞌ si Isahak pilay pa Paddan-Aram, pa lumaꞌ Paꞌ na Laban, yana danganakan nneꞌ na si Ribeka. Sila ilay siꞌ sikaduwa anak si Betuwel, jama Aram.

Suwat si Pol pa mman Baanan Sukuꞌ si Isa ndooy ni Rom 9:10

Maka saꞌ sat Nabi Ibrahim man Tuhan bay malahil jalan man na majatu garaꞌ na. Mamintang jaꞌ kam ni salsila si Ribeka, nda bboꞌ kami si Isahak. Pag maddi na, kamba anak da, boꞌ lalla sikaduwa, yana si Esaw ka si Yaꞌkub.