Panagnaan 22:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Yuk Tuhan, “Boonun kakasi nu, yana si Isahak, anak tungga bi ka si Sara, pilay pa Moraya. Pakitahan ta sa ko punu ndooy man bi sohoꞌ ku pilay. Takka ndooy, sumbaliun na ya bilang kulban sinongan niyaku, boꞌ tunuhun taꞌ pangulbanan.”

Panagnaan 22:2 ပူးပေါင်းရင်းမြစ်များ

Panagnaan 17:19

“Ohoꞌ ba,” yuk Tuhan, “sugaꞌ meꞌ halling ku na siꞌ, luu du sina mintu anak bi ka si Sara. Pag pōꞌ na, awnan nu si Isahak. Iya na sina mintu sampay na ga panubuꞌ na ma pasunuꞌ ngantanan pagsulutan ta ma yaꞌ tabaluba saumu.

Panagnaan 21:12

Sugaꞌ yuk Tuhan niiya, “Daa na ko ba susahan si Ismail ka ata bi si Hajal. Duwanun na jaꞌ oy-oy sohoꞌ si Sara ningkau. Ndang-ndang si Isahak du bay peneꞌ ku binuwat poonan panubuꞌ ma bay janjiꞌ ku ningkau.

Panagnaan 21:3

Maka lay na du inawnan si Isahak meꞌ si Ibrahim.

Panagnaan 22:12

Yuk malaikat looy, “Daa na papatoyun anak-anak naa. Batnaa tumatandaꞌ na niyaku tawu du ko pa Tuhan, batan sampay anak tungga nu atas bay pinaglillaꞌ meꞌ nu bong pin taasip nu jaꞌ panohoan Tuhan.”

Panagnaan 22:16

yuk na, “Ituu tu palman Tuhan pasampay ku ningkau, yuk na, ‘Pagka lay na bean nu panohoan ku sampay lay na atas nu nongan umu anak tungga nu niyaku, sapahan ku na

Panagnaan 22:3

Na pag meꞌ sumawung, sayu alab lagi, lay na si Ibrahim mong-mōng kayu halliꞌ man nunu kulban boꞌ inuwan taꞌ kuraꞌ. Dari lay na sila lakka ka anak na si Isahak song pilay pa lahat ma bay sohoꞌ Tuhan niiya. Maka luu gi duwa tindog na bay boo na.

Panagnaan 22:9

Pag takka da pa lugar man na bay sohoꞌ Tuhan, lay na si Ibrahim nambak batu binuwat pangulbanan, boꞌ lay na susun-susun na ga kayu looy njataꞌ na. Pag-anu siꞌ, lay na ingkotan na si Isahak boꞌ na pinatannaꞌ taꞌ ga kayu looy.

Panagnaan 8:20

Pag-anu, lay na baw si Nū nambak batu binuwat pangulbanan boꞌ na numbaliꞌ disu njawom danjinis mimon manuk-manuk ka kahayop-hayopan ma halal, boꞌ da tinunu sinongan pa Tuhan.

Yahiya 3:16

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Suwat si Pol pa mman Baanan Sukuꞌ si Isa ndooy ni Rom 5:8

Boꞌ Tuhan ina, tandaꞌ ehe aseꞌ na ningkitabi, lay na ga bay pinaglillaꞌ meꞌ na Almasi pinapatoy kalnaꞌ kitabi jaman tabi masi gi baldusa.

Suwat si Pol pa mman Baanan Sukuꞌ si Isa ndooy ni Rom 8:32

Maka pagka Tuhan bay mangatas nongan umu Anak na kalnaꞌ kitabi sikamimon, mastiꞌ dean na du sina mintu ningkitabi mimon supaat ma bay njanjiꞌ meꞌ na.

Hibrani 11:17

Sarī gi, sabapan pangando Nabi Ibrahim pa Tuhan, pag bay ya sinuwayan meꞌ Tuhan nohoꞌ nongan umu anak na, yana si Isahak, lay du ya kuhi. Bistahun bi doꞌ, Nabi Ibrahim ilay bay njanjian meꞌ Tuhan binuwanan panubuꞌ paeka poonan man si Isahak. Sugaꞌ san meꞌ looy, lay gi Nabi Ibrahim kuhi nongan umu anak na pa Tuhan.