Panagnaan 22:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na luu jaꞌ siꞌ daka dangon taun bay pingkaꞌ, lay na baw sinuwayan meꞌ Tuhan pangando si Ibrahim niiya. Meꞌ tuu silay salsila na: Luu disu llaw, lay ya linganan Tuhan, yuk na, “Ū Ibrahim.” Tampung si Ibrahim, “Oy lay siꞌ Papuꞌ?”

Panagnaan 22:1 ပူးပေါင်းရင်းမြစ်များ

Panagnaan 15:1

Na paddus meꞌ looy, yaꞌ gi hallom, lay na baw si Ibram tinammuhan meꞌ Tuhan. Njawom pandapat na, yuk Tuhan niiya, “Ū Ibram, daa ko tawu ni oy maka oy na. Luu na pin situ ku ngagpangan kau. Maka buwanan ta du sina ko ladjikiꞌ mehe.”

Panagnaan 21:11

Pag takale meꞌ si Ibrahim halling si Sara, tud sobot pamiki na batan si Ismail pun anak na du.

Panagnaan 22:11

Sugaꞌ sarunduun du luu pōꞌ man sulgaꞌ suwara malaikat Tuhan ngalingan, yuk na, “Ibrahim! Ū Ibrahim!” Yuk si Ibrahim, “Oy lay siꞌ?”

Panagnaan 22:7

Sasang da ni tangngaꞌ lān, yuk si Isahak, “Maꞌ?” Tampung mmaꞌ na, “Oy siꞌ Toꞌ?” Yuk si Isahak, “Ndaꞌ ku, luu la kayu ta ka kalangkapan man malakkot api, sugaꞌ ninggai baw tu bili-bili ta kinulban?”

Panagnaan 37:13

yuk si Yaꞌkub man si Yusup, “Toꞌ, patuhut doꞌ ko man ga danganakan nu pilay pa Sekem. Lay na silay sila ndooy ngipat ga baanan hayop tabi.” Tampung si Yusup, “Ohoꞌ Maꞌ, pilay sa ku.”

Panagnaan 46:2

Pag sangom, lay na baw si Yaꞌkub tinammuhan meꞌ Tuhan. Njawom pandapat na, lay ya linganan Tuhan, yuk na, “Yaꞌkub! Ū Yaꞌkub!” Pag tampung na, “Atu ku. Oy lay siꞌ?”

1 Korin 10:13

Intomun bi, oy-oy ina sasat ma tuwaꞌ ningkitabi, sibuꞌ du sina ka siga sasat ma tuwaꞌ ni manusiyaꞌ sikamimon. Kahapan, kanaalla du Tuhan nabangan kitabi. Yaꞌ du sina ya mabiya kitabi njawom sasat ma gantaꞌ yaꞌ takaya tabi. Oy-oy ina sasat njataꞌ tabi, binuwanan du sina tabi meꞌ na gaos supaya kitabi katatas ngilagan dusa.

Hibrani 11:17

Sarī gi, sabapan pangando Nabi Ibrahim pa Tuhan, pag bay ya sinuwayan meꞌ Tuhan nohoꞌ nongan umu anak na, yana si Isahak, lay du ya kuhi. Bistahun bi doꞌ, Nabi Ibrahim ilay bay njanjian meꞌ Tuhan binuwanan panubuꞌ paeka poonan man si Isahak. Sugaꞌ san meꞌ looy, lay gi Nabi Ibrahim kuhi nongan umu anak na pa Tuhan.

Yaꞌkub 2:21

Pamintangan bi na bboꞌ tabi Nabi Ibrahim ma bay initung meꞌ Tuhan intong. Saꞌ ba, talbuktiꞌ ya intong sabapan pabuwatan na ngasip ni panohoan Tuhan jaman na bay sinohoꞌ numbaliꞌ anak na si Isahak taꞌ pangulbanan?

1 Pitel 1:7

Kamalasahiyan meꞌ looy ilay nuwayan pangando bi ni si Isa bong bana atawa niyaꞌ. Pangando bi ina meꞌ karuha mmas. Sugaꞌ saehe-ehe hagaꞌ mmas ma luu gi ngkoran na, mas mehe gi hagaꞌ pangando bi. Yana meꞌ mmas subay doꞌ bay pingkaꞌ njawom api man ngalakkahan sakot na mari porol maka hagaan, damikiyan, subay du kam lumingkaꞌ njawom kamalasahiyan mari tumatandaꞌ na porol pangando bi. Dari bong ina mintu bana-bana du pangando bi, mastiꞌ koleꞌ jaꞌ sina kam sanglit ka kabantugan mehe pag beleng si Isa Almasi.