Panagnaan 20:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Na yaꞌ lagi siꞌ bay tabawus bay maksud sultan looy, pag disu sangom, lay ya pinaupihan meꞌ Tuhan. Njawom pandapat na yuk Tuhan, “Kau ina batnaa, tapit na katobtoban umu nu batan danda looy ma bay kaddoꞌ nu llahan na.”

Panagnaan 20:3 ပူးပေါင်းရင်းမြစ်များ

Panagnaan 12:17

Sugaꞌ labba man sultan sampay na mimon jama astanaꞌ na, lay bay pinatakkahan meꞌ Tuhan saki basag man sabapan si Saray.

Panagnaan 12:18

Na tabista jaꞌ siꞌ meꞌ sultan man sabapan si Saray kon da saki, ilooy ma lay tawag na si Ibram. Luu jaꞌ siꞌ, tilaw na, “Ongoy ku bay bbuwat nu meꞌ looy? Ongoy ndang yaꞌ ku bay baan nu nda nu hati ya?

Panagnaan 20:7

Batnaa, papoleun na danda looy pa mman lla na. Lla na ilay nabi. Pakuhan na sa ko duwaa supaya ko yaꞌ matoy. Sugaꞌ bong ina yaꞌ papoleꞌ nu danda looy, mastiꞌ papatoy ta jaꞌ sina ko sampay na mimon raayat nu.”

Panagnaan 28:12

Sasang na tuli, lay ya ngupi. Njawom pandapat na, ngita ya haron nakka pa sulgaꞌ kōk na. Kuwan battis na nappak taꞌ gumi. Maka ngita ya siga malaikat Tuhan magduwai-dutai taꞌ haron looy.

Panagnaan 31:24

Na ga si Yaꞌkub siꞌ tu lay na matangge lumaꞌ luna da ni kapunu-punuhan ndooy. Ga si Laban pun lay na du matangge lumaꞌ luna da tapit ndooy. Pag-anu, sangom looy du siꞌ, lay si Laban tinammuhan meꞌ Tuhan njawom upihan. Yuk Tuhan niiya, “Paayad-ayad ko. Daa usik-usikun si Yaꞌkub.”

Panagnaan 37:5

Pag-anu siꞌ, luu disu sangom, lay na baw si Yusup ngupi. Pag tuntut na upihan na ni siga danganakan na, lay gi magdaruhun duga da niiya.

Panagnaan 37:9

Pag-anu siꞌ, lay na baw balik ngupi si Yusup, boꞌ na nuntut balik ni ga siyaka na, yuk na, “Lay na baw ku la ngupi pabalik. Njawom pandapat ku, mataallaw, konoꞌ, ka buwan sampay na potean sapu-dambuwaꞌ lay sujud ni awpan ku.”

Panagnaan 40:5

luu disu sangom, kuwan tukang nunggang inuman looy ka tukang buwat tinapay looy lay ngupi sikaduwa. Boꞌ siga upihan da ilay siꞌ kaniya-kaniya ka kamaatunan da.

Panagnaan 40:8

Pag halling da, “Lay ba la kami ngupi dabuhiꞌ sikaduwa, boꞌ yaꞌ san luu ntuu pandoy naabil.” Yuk si Yusup, “Ē, luu du ba Tuhan muwanan manusiyaꞌ kapandoyan man naabil upihan. Oy siꞌ lay bay upihan bi?”

Panagnaan 46:2

Pag sangom, lay na baw si Yaꞌkub tinammuhan meꞌ Tuhan. Njawom pandapat na, lay ya linganan Tuhan, yuk na, “Yaꞌkub! Ū Yaꞌkub!” Pag tampung na, “Atu ku. Oy lay siꞌ?”

Matiyu 1:20

Hangat na mamiki, lay ya kapatuli. Pag-anu, lay na ga ya tinammuhan meꞌ malaikat Tuhan njawom upihan. Yuk malaikat looy niiya, “Yusup, panubuꞌ Sultan Daud, daa ko alang-kapalang ngawinan si Mariyam sabap iya ina bay battong man kawasa Rū Sutsiꞌ.

Matiyu 27:19

Na sasang Gubnul Pilatu ningkōꞌ numariya, takka na baw umanat man nda na, yuk na, “Daa ko buwat oy maka oy na ni jama looy ma intong batan tud bay malasahi ku ni upihan ku pasal iya dabuhiꞌ.”