Panagnaan 20:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Maka yuk na ni si Sara, “Buwanan ku na kakaꞌ nu dalibu dublun pilak porol ni pag-awpan soheꞌ bi sikamimon. Maksud ku nambunan oy-oy bay kasaan ku ningkau sampay man ku makitahan jama yaꞌ luu kasaan nu samasakali.”

Panagnaan 20:16 ပူးပေါင်းရင်းမြစ်များ

Panagnaan 20:17

Na sabap bay kadarihan Sultan Abimalik bay ngaddoꞌ si Sara, ndang lay na ga ya ka nda na tuwaꞌ saki meꞌ Tuhan yaꞌ hanak. Sampay mimon ata na ma danda ni astanaꞌ na lay na du kalaminan meꞌ saki looy. Kahapan lay na baw sila pakuhan si Ibrahim duwaa sampay lay na du sila kaulian.

Panagnaan 20:5

Ilooy baw bilay man ku yaꞌ bay hawal-hawalan ngaddoꞌ iya sabap si Ibrahim na mismu bay māꞌ ariꞌ na ya. Maka danda looy pun, meꞌ looy du bay bāꞌ na. Sangkon aku bay ngaddoꞌ iya ni kaawam ku jaꞌ. Yaꞌ bay tasayu ku ga llahan na ya. Sarī gi, yaꞌ du luu bay pabuwat ku oy maka oy na maat.”

Panagnaan 24:65

boꞌ na nilaw tindog si Ibrahim, yuk na, “Soy lay la lalla looy pasōng pa mman tabi?” Pag tampung na, “Ilooy na silay anak tuwan ku.” Dari magti si Ribeka nambunan luwa na ka turung na.

Panagnaan 26:11

Pag-anu, ilooy ma lay binandaan meꞌ Sultan Abimalik siga raayat na, yuk na, “Soysoy mintu bay sarī meꞌ na ka lalla tuu atawa pun nda na, mastiꞌ kalabuan hukuman kapatoy.”

Siga Pakaradjaan bay Pinalahil 3:19

“Na soysoy ina kaasean ku, mastiꞌ saggong ku sampay adjal ku. Sangkon bong kam doman paintong, tawbatan bi na dusa bi, boꞌ pupusan bi na meꞌ bi mmeꞌ niyaku.