Panagnaan 20:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na ga si Ibrahim siꞌ tu, lay na baw lakka man tanaꞌ si Mamre maglayin pilay pa Negeb ndooy ni sallangan Kades ka Siyul. Yaꞌ gi siꞌ sila bay hallom ndooy, lay na baw halin pa Geral.

Panagnaan 20:1 ပူးပေါင်းရင်းမြစ်များ

Panagnaan 10:19

Dari paglahat da ngabut sampay Saydon huwin pa uttaraꞌ boꞌ lay gi ngabut pa Geral ka Gasa huwin pa sātan. Huwin pa mataallaw, lay ngabut pa siga daira inawnan Sodom, Gomora, Adma, Seboyim sampay song pilay pa Lasiya.

Panagnaan 12:9

Na hallom maka hallom na, lay na baw ga si Ibram halin pabalik song pilay pa Negeb huwin pa sātan.

Panagnaan 13:1

Pag-anu, lay na si Ibram ka si Saray lakka man Ejip sampay lay na sila nakka Negeb pabalik ddas ka mimon altaꞌ da. Kamanakan da pun, yana si Lut, lay na du boo da.

Panagnaan 14:7

Pus meꞌ looy, lay na baw sila pilay pa En-Mispat, yana daira ma inawnan du Kades. Ndooy siꞌ, lay na baw sila maā bangsa Amalek. Lakka mandooy, lay na baw sila ngalān pilay pa Hasason-Tamal sampay maā ga bangsa Amol ndooy.

Panagnaan 16:1

Na jaman looy siꞌ, si Saray, yana nda si Ibram, masi yaꞌ hanak. Pagka luu disu ata si Saray, danda bangsa Ejip, lay talangga piki na makoy danda looy bong pin ya koleꞌ jaꞌ anak. Awon ata looy siꞌ yana si Hajal.

Panagnaan 16:14

Kuwan poon boheꞌ looy siꞌ man si Hajal bay pahali, song hallom, lay na ginalla meꞌ jama “Beel-Lahay-Roy,” hatiyan na, “poon boheꞌ lakka man ilooy ma tattap ngita aku.” Poon boheꞌ looy siꞌ tu masi luu ndooy ni sallangan Kades ka Bered.

Panagnaan 16:7

Pag lakka na, lay ya tumiluꞌ pa lahat lau-lau yaꞌ maglumaꞌ lān pa Siyul. Sasang na pahali ni bihing poon boheꞌ, lay ya tinammuhan meꞌ malaikat Tuhan.

Panagnaan 18:1

Na disu llaw, jaman si Ibrahim maglahat ndooy ni bihing siga poon kayu mehe ni tanaꞌ si Mamre, lay na baw ya tinammuhan meꞌ Tuhan pabalik. Meꞌ tuu silay salsila na: Sasang si Ibrahim pahali-hali ni behe lawang lumaꞌ luna na ga tangngaꞌ llaw,

Panagnaan 21:34

Dari ndooy na du ga si Ibrahim bay maglahat pahallom ni lahat bangsa Pilistin.

Panagnaan 24:62

Na jaman looy siꞌ, kuwan si Isahak, lay maglahat ni Negeb huwin pa sātan ndooy ni Kanan. Iya siꞌ tu bahau jaꞌ takka man Beel-Lahay-Roy.

Panagnaan 25:18

Kuwan ga panubuꞌ na, lay na maglahat ni sallangan Habila ka Siyul, tapit ni panggaan Ejip lān song pa Asyul. Arat-tabiat da wā sasaꞌ-manasaꞌ pagkahi maglūng-kampung pangkat-mamangkat.

Panagnaan 26:1

Na song hallom, gotom na baw lahat meꞌ karuha gotom ma bay lumingkaꞌ jaman llum gi si Ibrahim. Dari lay ga si Isahak pilay pa Geral, lahat Sultan Abimalik, yana sultan bangsa Pilistin.

Panagnaan 26:20

Sugaꞌ yaꞌ hallom, takka na baw siga tukang ngipat hayop man Geral sampay sasaꞌ na baw sila ka siga tukang ngipat hayop si Isahak, yuk da, “Boheꞌ tuu bitu, kami dapu.” Dari sabap wā sila sasaꞌ ka ga tindog si Isahak, lay na awnan si Isahak tagaꞌ looy Esek, hatiyan na, “sasaꞌ.”

Panagnaan 26:26

Yaꞌ gi siꞌ sila bay hallom ndooy, luu na baw takka pilay Sultan Abimalik man Geral ka kunsihal na si Ahusat. Maka luu du bay boo na panghuluꞌ sundalu na, yana Komandel Pikol.

Panagnaan 26:6

Dari lay na ga si Isahak maglahat ndooy ni Geral.